منتديات تو زوو - مشكلة تشوه البيض ومشكلة البيضه الوحيده

مشكلة تشوه البيض ومشكلة البيضه الوحيده

معظم مربين الحمام تمر عليهم مشكله فالبيض ان في فتره من الفترات احد الاجواز اللي كانت

تنتج بشكل مستمر...تجيها فتره اما البيض يكون صغير فالحجم او تبيض الحمامه بيضه وحده فقط

وهذي المشكله لها عدة اسباب

وقبل لانتكلم في الاسباب من المعروف ان الانثى اول بيضها لها بعد البلوغ تكون صغير ويمكن

تبيض بيضه وحده فقط فهذا شي عادي لكن انا اتكلم عن الاجواز الكبيره فالسن واللي كانت تنتج

بصوره طبيعيه

أول اسباب مشكلة تشوه البيض او مشكلة البيضه الوحيده

نقص الفيتامينات والاملاح........وكل عارف اهمية الكالسيوم اللي يعتبر المكون الاساسي

لقشرة البيض..وفي حالة نقص الاملاح فالحمام

تبتدي الاعارض في تاخر البيض او وجود بيضه وحده فقط فالعش...

وعلاج هذي الحاله سهل جدا وهو اضافة الاملاح بشكل دائم عند الحمام

ووضع الفيتامينات بشكل متقطع لان تقديم الفيتامين بشكل متقطع يساعد على امتصاص

الجسم لاكبر قدر ممكن من الفيتامينات

وثاني سبب الالتهابات في الانثى.......وعند حدوث مشكلة تشوه البيض او مشكلة الببيضه الوحيده

وفي حالة تقديم الاملاح بشكل مستمر فاكيد بتكون المشكله من الالتهابات

وعلاجها اول شي

نتف الريش في اسفل الجوز النثيه والذكر والنتف يكون بشكل بيسط من غير مبالغه

ثاني خطوه غسل اسفل الانثى بالماء الدافي مخلوط مع نسبه بسيطه من الملح

ليطهر المنطقه الملتهبه مرتين فالاسبوع

وانا بالنسبه لي انفعت معاي الطريقه الثانيه لان كان عندي جوز 3 مرات مايكون عنده الا بيضه

وحده فقط بس من سويت التجربه الحمدلله الله وفقنى والجوز اللحين عنده بيضتين

--------------------------------------------------------------------------------------------------

في بعض الامراض الدا خليه يمكن تكون المسببه لانها تؤدي الي ضعف الحمامه

وبالتالي يمكن حتى الطريقتين ماتنفع الا عند علاج المرضين لو مصابين بالمرض

وحتى لو ما انوجدة مشكلة تشوه البيض او مشكلة البيضه الوحيده

لازم كل واحد يكون حذر من هالمرضين لانهم خفين واحسن حل هي الوقايه حتى لو ماشكيت

ان الحمام مصاب

وهم مرض الديدان ومرض الكنكر الداخلي (( اخطر حاله من مرض الكنكر لانه خفي ))

اتمنى انى وضحت المشكله وانشالله اي واحد عنده نفس هذي المشكله يستفيد من الموضوع

والله يبعد الامراض عن الكل انشالله