مساعدة ببغائي الأمازوني يكرهني
 

أخواني السلام عليكم
أرجو من أهل الخبرة المساعدة عندي ببغاء أمازوني وروضتو على أيدي وبصراحة ماعذبني كتير
بس وهلاء ألو عندي سنة تقريبا ومرة عضني وماكان يعض بسالعضة كانت قوية فا ضربتو كتير
وصرت كل ما يعضني أضربو صار يخاف مني كتير بس مع باقي أفراد العائلة لطيف جدا هل من حل
لعودة الثقة بيني وبينو وشكرا

رد: مساعدة ببغائي الأمازوني يكرهني
 

اخوي كيف تضربه وماتبيه يكرهك

اخوي شف اعلب الاعضاء تقطعة يده من العض والله لو الكاسكوو على طووول ينتف ريشه ماتضربه ابدا ترويض واعطيه عسل واكله بيدك وان شاء الله يرجع زي ماكان

رد: مساعدة ببغائي الأمازوني يكرهني
 

لاتضربه ابدا

وصحيح اعطيه عسل بأصبعك وبياخذ فترة بسيطة ويعود لحاله السابق

رد: مساعدة ببغائي الأمازوني يكرهني
 

وحاول لاتزعجه وتعذبه كثير لانه بيعصب ويعض واعطيه الاكل من يدك

رد: مساعدة ببغائي الأمازوني يكرهني
 

انا عندي الكاسكو بعد لاحظت له انه ما يحبني مع اني انا اللي اقوم بكل احتياجاته ولا عمري صرخت عليه او ضربته او ما شابه الا مدلعنه اخر دلع

اهو اللحين صار له عندي ثلاث اسابيع

اليوم لاحظتها بقوى فيه هالشي

من جبته لهذا يومك وانا اقول له بابا بابا لكنه ما فكره حتى يقلدها مو ينطقها

جت اختي في يومين يمكن او ثلاثه وبكم مره بس قالت له كوكو الا اهو اسمه اللحين ما شاء الله عليه اللهم صلي على محمد وال محمد يقلدها بالصفره يعني يطلع صفره وكأنه يقول كوكو

طبعا اهو للحين فيه خوف لاحظت له بعد اليوم اني اذا اقرب له يجعر اكثر من اذا احد ثاني يقرب منه

واهو ما ياكل من اليد للحين ياخذ ويرمي

جيت بحاول معاه بالفول السوداني لانه يحبه وانا صار لي كم يوم قاطعنه عنه علشان يشتاق له جربت اعطيه اخذ ورمى اخذت اختي اللي قالت له كوكو الفول من الارض وعطته اكلها في ذمتكم مو قهر هذا انا اللي اتعب واخسر عشانه واهو ما يحبني ويحب غيري

لكن ما اقول الا مسكين اللي يحب وما يحبونه ههههههه

لكن انا وياه والزمن طويل ما بيأس منه ومرده بيفهم اني انا صاحبه

رد: مساعدة ببغائي الأمازوني يكرهني