|
كاسكو ذكي ... ام خايف ... ؟
السلام عليكم ورحمة الله وبركاته
توني شتريت كاسكو افريقي ثاني والكاسكو مافي عض بالمره وتمسح على كل جسمه ما يتكلم بس اول ما حطيته على الاستاند عاين البيت كله وحصله كم فتحه ماشاالله فطين مادري من الخوف وعينك ما تشوف الا الشمس دخل راسه بالفتحه مالت هوز التكيف السنترال وانحش صعت جبته ورجعته بس في مشكله انه موراضي يصعد عالايد لازم ازخه من ارجوله يعني غصب و اوقفه على ايدي السوال هو هل هو خايف والا ذكي مع العلم عمره 7 اشهر ؟ مع ان الكاسكو الاولي عندي حاطه بنفس المكان ونفس الاستاند لمدة شهر ولا فكر حتى ينزل من الاستاند السوال الثاني يا اغلى ناسي هو شنو الاكل الصحي لطير بماء ان شكله ضعيف شوي ؟ ودمتم سالمين والله يجزاكم خير |
رد: كاسكو ذكي ... ام خايف ... ؟
فطرته الكاسكو وطبيعته انه خواف وذكي ويبحث عن الامن قبل اي شي
وبما انه جديد وخايف وصغير يبحث عن مكان يدخل فيه ومحد يشوفه وهالمره عدت علي خير ^^ عمر الطير طير جدا حلو للتعليم قص ريش جناحاته .. عشان مايتعرض لاي حادث وهو في هالعمر مب فاهم شي صغير ومحتاج ترويض بسيط الاكل لازم التنويع في كل شي |
رد: كاسكو ذكي ... ام خايف ... ؟
السلام عليكم
امس طلعته طبعا الطير امسكه نفس الحمامه ما عنده مشكله بس والله بغى يروح مني حطيته على ايدي بالغرفه طار مني دخل في فتحت دائريه صغيره لسرير وعلق راسه ونص جسمه وصار عنده ضيق تنفس صار يلهث ويتنفس بصوت قطع قلبي والله وطلعته وحطيته بالقفص وعطيته اكله وخليته وطلعته مره ثانيه سوى نفس الحركه ولكن بمكان ثاني هم اختنق والله خايف عليه يعور نفسه وكل ويدش بالشي انتحاري يعني ما يهمه طوفه يطير ودعمها بقوه عادي مادري شسوي هل اخليه بالقفص ولا اطلعه مع العلم انه الف جدا جدا مثل الحمامه ماشاالله ... حطيته جدام المنظره قام يصفر لنفسه ويطير على المنظره ويدعم فيها بقوه حسباله الصوره الي فيها طير ثاني .. شنو نصيحتكم الله يجزاكم خير شسوي فيه اخليه بالقفص ولا اطلعه ,,,, ؟؟ بس ناس تقول اذا الطير تعود عالقفص يصير متوحش شوي لازم اطلعه وانا خاف اذا اطلعه ايعور نفسه وشكرا والله يجزاكم خير . |
رد: كاسكو ذكي ... ام خايف ... ؟
لازم اول ما تجيبه تخليه فتره فالقفص لين يتعود ع المكان ويحس بالامان
يعني كم يوم خله وعلشان ما يتوحش دخل ايدك عنده وامسح عليه واكله بايدك كل يوم وكلمه بعد فتره طلعه ولو كان يسوي نفس الشي يطير ويدعم ويدخل في اماكن خطيره لو تقدر تحط له سلسله على الاستاند .. علشان تطمن عليه |
| جميع الأوقات بتوقيت GMT +3. الساعة الآن 09:56 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو