|
بخصوص البغبغاوات بشكل عام يا ريت يرد على ها السؤال
السلام عليكم يا اخواني , كيف الحال ان شاء الله طيبين .
في عندي أسأله بخصوص البغبغاوات ( الكاسكو , المكاو , الكوكاتو , الامازون ) يا ريت لاهل الخبره يردون علي . ان نوية اني اربي عدد كبير من هالطيور الجميله , اني اسويلها قفص كبير بس يكون بره البيت , وتعرفون عدنا في الخليج درجات الحراره في الصيف توصل من 45 لين 58 , فهل هالطيور تستحمل درجات الحراره العاليه والرطوبه ؟ يا ريت من اهل الخبره يفيدوني في الموضوع معا العلم انه القفص بيكون مغطى من فوق ومن الجوانب من الغبار ؟ ومشكورين ما قصرتوا انتظر ردودكم اذا ما عليكم امر . |
رد: بخصوص البغبغاوات بشكل عام يا ريت يرد على ها السؤال
السلام عليكم ورحمة الله وبركاته
يالغالي انا لمن زرت حديقة الحيوان في الكويت --- استغربت لمن شفت قفصين واحد فيه عدة ببغاوات من نوع الكاسكو الافريقي وواحد فيه عدد ببغائين من نوع الكوكاتو امبريلا وكان القفصين مكشوفين لكن من فوق يكون القفص مصكر لكن ماشفت في حديقة الحيوان في الكويت لا المكاو ولا الامزون هذا الي شفته ... لكن شلون خلوهم يتكيفون مع درجات الحراره انا للحين ما ادري مستغرب مع العلم بأن فترة الشتاء يكون البرد قارص وناشف خصوصا عندنا بالكويت انا اشور عليك لو تمر حديقة الحيوان عندكم وتسألهم عن الطريقه الي يخلون فيها الببغاء يتكيف مع درجات الحراره المتقلبه اتمنى اكون قد افدتك وشكرا |
رد: بخصوص البغبغاوات بشكل عام يا ريت يرد على ها السؤال
آقولهآ لك من الحين مستحيل مستحيل يعيشون بهالجــو خآصه جو السعوديه
احنآ نمــوت منه كيف هالببغآوآت ,, تقدر تسوي غرفه وتحط فيهآ قفص كبير وفيه ببغآوآت وتحط فيه مكيــف |
رد: بخصوص البغبغاوات بشكل عام يا ريت يرد على ها السؤال
بقيمة القفص الكبير والببغاوات
اشترلك ببغاااااااء فلتة زمانه |
رد: بخصوص البغبغاوات بشكل عام يا ريت يرد على ها السؤال
مشكورين وما قصرتوا على الرد , اخوي ماكسيموس , احن اللحين في شهر 3 وماشاء الله الحر بدا من وقت الله يعينا على الصيف . المستغرب منه انا شي ناس مسوين قفص بره البيت وعادي ومربين سكارليت و كوكاتو
لكن البلو أند جولد مكاو ما قد شفت من قبل ؟ على العموم مشكورين ما قصرتوا على الردود واذا حد بعد يقدر يفيدنا اكثر عن الموضوع يزاه الله ألف خير . |
رد: بخصوص البغبغاوات بشكل عام يا ريت يرد على ها السؤال
السلام عليكم
اخوي هاوي مكاو يالغالي انت مو خسران شي لو زرت حديقة الحيوان عندكم في الامارات اهما مرو بالتجارب كلها اكيد من قبل حطو مكاو او كوكاتو او كاسكو او اي نوع من انواع الببغاوات وعرفو الطريقه المناسبه له وخلق الاجواء المناسبه له في القفص وعرفو بعد شنو يحطون له من انواع الاطعمه والادويه مر حديقة الحيوان عندكم بالامارات واسأل انت مو خسران شي اعتقد عندهم خبره كافيه وكافي انهم جربو بنفسهم وشكرا |
رد: بخصوص البغبغاوات بشكل عام يا ريت يرد على ها السؤال
ان شاء الله بمر عليهم , تسلم يا طويل العمر ما قصرت رايتك بيضه
|
رد: بخصوص البغبغاوات بشكل عام يا ريت يرد على ها السؤال
أتوقع إن الببغاوات راح تتكيف مع الجو
سؤال يطرح نفسه: هل البغاوات جايه من الإسكيمو أو القطب الجنوبي؟ رطوبه متوفره في الإمارات وبنسبه قد تختلف بعض الشئ عن بيئتها الأصليه ومن باب العلم بالشئ رح حق حديقة الحيوان وأسئل مثل ماتفضل الإخوان أرجو الله التوفيق للجميع |
رد: بخصوص البغبغاوات بشكل عام يا ريت يرد على ها السؤال
مرحبا اخوي عبد المحسن , لا يا طويل العمر ماشي بغبغاوات يايه من ها الاماكن اغلبه من جنوب افريقيا على حد علمي , تسلم ما قصرت وانت والاخوان .
|
رد: بخصوص البغبغاوات بشكل عام يا ريت يرد على ها السؤال
جو الامارات .. نــــــــار .. نحن بشر مانتحمل ,, فما بالك بطير يغطي الريش كامل جسمه في جو حاااار ورطب
والطيور تتحمل درجات حراره معنيه .. وامراض الجهاز التنفسي كثيره من اسبابها البرد والحر ليش تغامر..!! الا اذا وفرت قفص كبير مغلق + تهويه + نظام تبريد الاحظ في يوتيوب الاجانب اللي جوهم ابرد من جونا بوايد .. يسوون غرفه طيور غرفه فالبيت يحولونها غرفة مجهزة بأقفاص والعاب للطيور الغاليه .. وانا شخصيا راح اطبق هالفكره لطيوري حتى مزارع التربيه .. تلاحظ الاقفاص فيها مواصفات معينه بنظام تهويه اما حدايق حيوانات الخليج .. الله يعين الحيوانات .. بدون اي رحمه الصراحه |
| جميع الأوقات بتوقيت GMT +3. الساعة الآن 05:46 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو