|
ما رأيكم في هذه الفيتامينات
السلام عليكم لاحظة على كاسكوي انه قليل الاكل نوعا ما فأقترح علي احد الاعضاء جزاه الله خير ان اخذ له مالتي فيتامين المهم امس ذهبت للصيدليه البيطريه وشرحت حالة الكاسكو للصيدلي وعطاني هذه الفيتامينات وقال لي انه مالتي فيتامين وانه يناسب حالة الكاسكو اللي عندي المهم هذي صورته http://im2.gulfup.com/2011-03-11/1299848519541.jpg وهذي الفيتامينات اللي فيه http://im2.gulfup.com/2011-03-11/1299848522922.jpg وهذي نسبة كل فيتامين موجوده في هذه المجموعه http://im2.gulfup.com/2011-03-11/1299848524823.jpg وهذي الوصفهاللي عليه علما اني اغلبها ما فهمتها http://im2.gulfup.com/2011-03-11/1299848527204.jpg فياريت تعطوني رايكم فيه وهل احد جربه ؟ علما انه مخصص للببغاوات وياريت الجرعه اللي اقدر استخدمها لانه قال لي ملعقة شاي في لتر ماء وابدله كل يوم لمده خمس او سبعة ايام الصراحه المده نسيتها ياريت تفيدوني فيها ايضا خصوصا اذا احد يقدر يلخص لي الوصفه اللي عليه وهل يحتاج انزع الماء من عندي الكاسكو لكي يعطش وبعدين احط له الماء المخلوط مع الفيتامين لكي يشرب اكبر قدر من الماء لكي يستفيد من الفيتامين لاني كنت اسوي هالطريقه قبل للكناري وهذي الطريقه اعطاني اياها احد خبراء لكناري واي معلومه تفيدني لا تبخلو علي بها وانا على يقين انكم لن تتوانو في تقديم كل ما تعلمونه عن هالفيتامين واشكر كل من سيرد مقدما في انتظار ارائكم |
رد: ما رأيكم في هذه الفيتامينات
معقوله ؟؟؟؟؟!!!!!!
20 مشاهد ولا رد واحد ؟ وين الخبراء ؟ |
رد: ما رأيكم في هذه الفيتامينات
اعذر الاعضاء .. يمكن مثلك محتاجين راي خبير ^_^
نصيحه .. لا تغامر بالطير بجرعات ماتعرف نفعها من ضرها يمكن ينصحك شخص كان طيره يعاني من نقص حاد .. ويعطيك جرعه مضاعفه او شخص طيره كان عال العال ومايحتاج ويعطيك جرعه اقل خذ الفيتامينات والطير لبيطري يكشف على صحته ووزنه ويخبرك كم النسبه اللي يحتاجها طيرك ولمده كم لا تغامر بطيرك .. الله يحفظه لك تقبل مروري ^_^ |
رد: ما رأيكم في هذه الفيتامينات
مشكور اخوي عالرد
وبخصوص الجرعه اللي كتبتها اخوي هذي من الصيدلي البيطري قال لي هالجرعه وانا الصراحه ما حبيت اغامر قلت اول اسأل الخبراء لاني بصراحه ما اثق في الصيدليين وللاسف ما عندنا بيطري معروف للطيور لان تقريبا كل اللي عندنا للمواشي والدواجن فأخاف اروح للبيطري ونفس الشي اطلع بدون فايده ويعجيني جرعه اهو نفسه ما يعرف عنها يعني اجتهاد منه بس علشان يمشي شغله واخوي هذي فيتامينات مكمله هل تضر ؟ انتظر باقي الخبراء واتمنى ان لا يتجاهلوني لاني محتاج رايهم في اقصى سرعه لكي لا يزيد ضعفه علما اني احس وزنه ممتاز لكن احس جسمه ضعيف وعضمة الصدر بارزه يعض الشيء مع اني اشووفه ياكل اللحين |
حياك الله أخوي هالمنتج يعتبر جيد ومشابه للملتي فيتامين المتواجد عندنا ولو بالسعوديه أنصحك فيه أفضل لوجود الفيتامينات بشكل أكثر ومقننه وتقدر تستخدمه لفتره طويله عادة مايكون المنتج السائل أحسن من البودرهـ لكن المنتج جيد كمجموعه فيتامينات و دعائم ملاحظه مهمه : قبل شراء إي دواء أو فيتامين التأكد من تاريخ الصلاحيه والإبتعاد بشكل كامل عن إي دواء لايوجدبه تاريخ إنتهاء , لأن الدواء بعد الإنتهاء يتحول لسميات وقاتل وتختلف الدرجات حسب الدواء , وكثير من البيطريين لا ينتبه بحسن نيه أو بعضهم يأخذ الدواء بدون رجيع من الموزع أو المستورد يعني بدل مايرميه ويخسر يبيعه ويبيع ضميره لابد من الإنتباهـ ............. سبحان الله وبحمدهـ |
رد: ما رأيكم في هذه الفيتامينات
مشكور اخوي على ردك وبخصوص فترة الصلاحيه اخوي هذا منتج جديد ما يفوتني هالشي دائما اجيك تاريخه وهذا فيه صلاحيه الى 7 /2014 يعني ما يقارب 4 سنوات وشي
لكن اخوي لم تقل شيئ بخصوص الجرعه لاني اخاف اسوي اللي قاله الصيدلي ويكون له سلبيات عالطير لاني احسها كميه كبيره ملعقة شاي في لتر ماء ياريت لو واحد يقدر يحللها من الوصفه اللي مكتوبه عليه ويعطيني اياها |
رد: ما رأيكم في هذه الفيتامينات
وينكم يا خبراء تراني للحين محتاج نصايحكم تراني للحين ما عرفت النسبه الامن عالطير وانا للحين ما استخدمة هالفيتامينات خوفا من اي سلبيه
|
رد: ما رأيكم في هذه الفيتامينات
مازلت انتظر المساعده
علما ان الكاسكو حاليا الحمد الله اكله اوكي لكن احس فيه بعض الخمول كاخل القفص ما ادري لي خايف ناقصه شي واووردي هذي فيتامينات مكمله فياريت احد يقدر يساعدني |
رد: ما رأيكم في هذه الفيتامينات
نصيحه مني لك , لا تستخدم اي فيتامينات , بالنسبه لقلت الاكل عادي جدا . اهم شي حاول انك تلعب معاه وقت طويل لدرجه تحس انه هلك من اللعب , وعقب رده القفص , وحطله اكله وشوف واحكم بنفسك اذا كل وايد ولا اشوي . مرات ما ياكل وااايد لانه الاكل متوفر 24 ساعة في القفص . هذا راي الشخصي
ولا تنسى انه اكله على حجمه . |
رد: ما رأيكم في هذه الفيتامينات
مشكور اخوي هاوي مكاو
لكن اخوي حسب علمي ان الفيتامينات المكمله ضروريه علشان تعوضه بالفيتامينات اللي يحتاجها وما يصيده نقص في اي منها وعن الاكل انا ذطرت انه اللحين الحمد الله صار اكله اوكي والظاهر انه كان بعده ما اخذ عالمكان عدل فكان يستحي ياكل اما الححين الحمد الله اشوف اكله اوكي واللحين ابي اعطيه الفيتامينات علشان لا يصير عنده نقص واقوي مناعته لان على حسب علمي اذا كان متزود بكل الفيتامينات اللي يحتاجها راح تكون مناعته اقوى ومثل ما ذكرت اني الاحظ عليه في اغلب الوقت مكوثه في مكانه على رغم انه غير نافش للريش لكن حركته قليله داخل القفص او على الستند لكن اذا احطه عالارض يتحرك عادي |
| جميع الأوقات بتوقيت GMT +3. الساعة الآن 02:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو