منتديات تو زوو - بليز ساعدوني قبل ما يترمي قطي ميشو >

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - بليز ساعدوني قبل ما يترمي قطي ميشو >_< (http://www.2zoo.com/vb/showthread.php?t=206733)

بليز ساعدوني قبل ما يترمي قطي ميشو >_<

السلام عليكم ورحمة الله وبركاتة
في البداية حبيت اقلكم انتو صراحة احسن منتدي مربي الحيوانات مر علي منجد هادي مو بس مجاملة انا صراحة استفدت من المنتدى كتير اصلا اول ما تصير عندي مشكلة على طول على منتداكم
المهم ما ابغى اطول عليكم بكلامي حأدخل في الموضوع
انا يا احلى منتدى واحلى اعضاء مشكلتي بدأت يوم جبت قطي ميشو من صاحبة ماما لانها ما تبغاه المهم ميشو الحمد الله نظيف ويجنن وكل البيت انبسط فيلو بس في كم شي انا لاحظتها فيلو الي هي انو اذنو كانت مرة فيها سواد قمت دخلت على منتداكم وقريت كم موضوع عن دا الشي وعرفت انو بكتيريا واوساخ وممكن التهاب وممكن يفقد السمع وفي الاعضاء الله يجزاهم الف خير كتبو العلاج بس انا اخاف اسوي شي ما اتحمل اخاف يصيرلو شي المهم وديتها الطبيب وقال زي ماقلت انا فنظفها له وبعد التنظيف اعطاه نقط في الاذن هو حطها واعطاة ابرتين عند فخذ رجولو يقول دي الابر عشان الالتهاب الي في اذنو من جوا .واحنا جلسنا على دي الحال 3 ايام متواصلة ينظف وينقط ويعطيه ابرا وخلاص الحمد الله رجعت اذنو سليمه وما فيها شي . المشكلة التانية صارت بعد اسبوع ونص من روحتنا للدكتور المشكلة دحين فوق عيونو يعني عند الجفون تقريبا نهاية العين اول شي طاح الشعر وخف وصار باين الجلد وفي الجلد نقط حمراء زي الدم ولون الجلد بمبا غامق يعني حمر الجلد وكمان انتفخ صراحة انا ما اعرف ايش الي صارلو عشان كده اتمنى تساعدوني لاني خايفة علية مرة
كمان في مشكلة صغنونة في نظري بس في نظر اهلي مشكلة كبيرة وممكن يترمي بسبتها المشكلة هي حمام ميشو هو يعرف حمامو ويسوي فيلو بس في كثير من الاحيان يسوي البول في البيت وبالاخص في الاكياس يعني اي كيس يلقاه قدامو يركب فيلو ويسوي اما الغائط فيسوية في حمامو وكمان ريحت البول حقو مرة قوية تملي البيت كلو انا قلت للدكتور على دي المشكلة وقال لي انو هادي حالة نفسية ومالها حل بس اهلي مرة طفشوا من الريحة والتنظيف اتمنى انكم تلاقولي حل صراحة انا مرة متأزمة ما ابغى ارمية لاني مرة اتعلقت فيه .
واخر شي هادي صور لعين ميشو صح انو الصور مو مرة كويسة لاني ما اعرف اصور بس ازا ما زبطت قولولي عشان اعيدها
7
7
7
http://www.2zoo.org/get-2-2011-2zoo_org_3l60bf20.JPG
http://www.2zoo.org/get-2-2011-2zoo_org_a533s2a3.JPG
http://www.2zoo.org/get-2-2011-2zoo_org_byi1s8gh.JPG
http://www.2zoo.org/get-2-2011-2zoo_org_uzh8vnng.JPG
http://www.2zoo.org/get-2-2011-2zoo_org_pmw32nte.JPG
http://www.2zoo.org/get-2-2011-2zoo_org_3dyal05r.JPG
http://www.2zoo.org/get-2-2011-2zoo_org_uo9wkww8.JPG

وهادا ميشو ^__^
7
7
7
http://www.2zoo.org/get-2-2011-2zoo_org_qcgk09v2.JPG
http://www.2zoo.org/get-2-2011-2zoo_org_b6exrgkb.JPG
http://www.2zoo.org/get-2-2011-2zoo_org_v52qarua.JPG
http://www.2zoo.org/get-2-2011-2zoo_org_btkftegp.jpg
وآخر شي اسفة لاني ثقلت عليكم سامحوني اعرف انو هرجي كتير >_<
وشكراااااااااااااااا