منتديات تو زوو - استشارة لأختي صمت أو أحد الخبراء في الدواجن

منتديات تو زوو (http://www.2zoo.com/vb/index.php)

- سؤال و جواب لقسم هواة الطيور الداجنة (http://www.2zoo.com/vb/forumdisplay.php?f=100)

استشارة لأختي صمت أو أحد الخبراء في الدواجن

السلام عليكم ورحمة الله وبركاته

أحببت أن استشيركم في عمل مشروع صغير في تربية الدواجن ويكون مربح لأني بدأت في الدجاج البلدي ووجدت أنه مكلف أكثر من كونه مربح . وأنا حاب أشتري صيصان من أنواع دجاج مرغوبة واربيها ولما تكبر ابيعها .
ايش انواع الدجاج اللي تنصحوني اشتري منها صيصان ؟

واكون شاكر لكم

رد: استشارة لأختي صمت أو أحد الخبراء في الدواجن

وعليكم السلام ورحمة اللهـ وبركاتهـ ..

أهلا وسهلا فيكـ مرهـ أخرى . :freind:

ترتيب الدجاج حسب السعر في جميع الأنوع يكون كالتالي :

البيض _ الصيصان _ البشاير (( اللي على وشكـ التبييض )) _ البالغ .

أرخصها هو البيض .. وأغلاها هو البشاير والبالغ .

طبعا لكل نوع من اعمار هالدواجن لهـ مميزات وعيوب .. :)

البيض هو أرخصها .. لكن نسبة تفقيسها راح تكون على حسب طزاجة البيضهـ + تخصيبها + الفقاسهـ .

الفروخ أغلى من البيض .. عيبهـ انكـ ماتقدر تميز الذكر من الأنثى .

البشاير والدجاج البالغ سعرها على حسب السوق ونوعها وصحتها .

هذي المعلومات الأساسيهـ للي يبي يبدأ بأي مشروع دواجن .. حتى لو بط أو تركي أو أي طائر .

وطبعا في البدايهـ ماراح يكون فيهـ مكاسب كبيرهـ ولازم يكون عندكـ رأس مال يساعدكـ على تحمل تكاليفها ..

وايضا هل راح تشتري فقاسهـ أم لأ ؟؟ لأن شرائكـ للفقاسهـ يعني انتاجكـ راح يستمر بإذن اللهـ وماتضطر تشتري صيصان كل فترهـ وفترهـ .. بل راح تستخدم من انتاج بيض دجاجكـ البالغ ..

أما لو تشتري فروخ أو دجاج بالغ ,, مشروعكـ راح ينتهي ببيع هالدجاج وتبدأ من الصفر مرهـ أخرى .

انت قرر على اي نوع تحب تبدأ بهـ أو ايش تخطيطكـ المبدأي .. وابشر راح انصحكـ باللي ربي يقدرني عليهـ . :freind:

وهذا أهم النقاط اللي تقدر توجهكـ لبداية مشروعكـ بإذن اللهـ .

بالتوفيق .

رد: استشارة لأختي صمت أو أحد الخبراء في الدواجن

مشكوورة على الافادة

رد: استشارة لأختي صمت أو أحد الخبراء في الدواجن

بالعكس الدجاج مشروع مربح
حتى الفقاسه تقدر تصنعها في نفسك
يعني لو تشري في البدايه 10 دجاجات و ديكين
بعد سنتين و هن واصلات 200 دجاجه إن ماصابهن مرض

رد: استشارة لأختي صمت أو أحد الخبراء في الدواجن

أنا حاب أشتري صيصان براهما واربيهم وحاب ابيع البلدي اللي عندي واترك بس ديكين واربع دجاجات ويصير مشروعي بلدي وبراهما . تنصحيني بصيصان البراهما أو عطيني نوع يكون مرغوب في السوق؟

طيب لو بغيت اشتري فقاسة وأنا مبتدئ تنصحيني بأي سعة وأيضا أي محل في الرياض يبيعهم ويكون سعرة كويس . هذا اذا احد منكم من الرياض

واشكرك كل الشكر على تعاونك

رد: استشارة لأختي صمت أو أحد الخبراء في الدواجن

اقتباس:

المشاركة الأصلية كتبت بواسطة النسر الماسي (المشاركة 2001123)

آهاا .. يعني حاب تبدأ بالصيصان !! :)

طيب .. أول شيء أنصحكـ ماتجمع بين البراهما والبلدي ..

لأن الشاري يبي براهما بيور أو أصلي ,, مو مهجن .. والأصلي يكون أعلى في السعر .

ربي كل نوع في قفص مختلف .. ماعندكـ مشكلهـ كذا .

ثانيا لازم يكون عندكـ أدوية لقاحات للدجاج والصيصان .. لأن الناس تبي دجاج محصن من الأمراض .

وراح تلقاها عند البيطري وممكن تستشيرهـ في أهم اللقاحات .

وأيضا لازم يكون عندكـ مساحهـ جيدة التهوية عشان تمنع الأمراض التنفسيهـ والتهابات العيون .

وعقم المنطقهـ اولا من بقايا الدجاج السابق واقلب التربة لتجديدها .

وأنواع الدجاج المرغوب بالسوق كثير :

البلدي _ البراهما _ القطني _ السبرايت _ الفارسي _المكشكش ..

اتفضل هالرابط فيهـ أشكال هالدجاج اللي كتبتهـ لكـ :

http://www.2zoo.com/vb/showthread.ph...66#post1947366

خذ اللي موجود عندكـ بالسوق وتقدر تشتريهـ بالقيمهـ اللي تقدر عليها .

وراح أدلكـ على موقع بالنت يبيع فقاسات .. وممكن تشوف الصيدليات البيطريهـ أحيانا يبيعون الفقاسات .

لكن نصيحهـ مني ,, اذا شريت فقاسهـ رخيصهـ تحمل عواقبها ..!! :rolleyes:

الأفضل تشتري صناعهـ مضمونهـ وتعيش عندكـ وماتسبب لكـ مشاكل وسعرها يكون فيها .. ولا تشتري رخيصهـ وتتبهذل في استخدامها وتضطر تشتري بدالها .

اما السعهـ المناسبهـ لكـ كبدايهـ وماعندكـ خبرهـ كبيرهـ في التجارهـ من 100 _ 200 بيضهـ ..

اي اسألهـ أخرى تفضل بطرحها .. بالتوفيق .

رد: استشارة لأختي صمت أو أحد الخبراء في الدواجن

الله يوفقك ان شاء الله

با النسبه للستفسارك عن المرغوب با السوق محد يقدر يحدد لك شي معين كل شخص و له ميول

لكن فكره النتاج بيض البرهما او دجاج الزينه اضنه ممتازه مع العلم اني ما جربته لكن ان شاء الله قريب

با النسبه للفقاسات
انا اشوف ان الاسعار ام 200 و 300 مبالغ به و بقوه 200 بيضه ما ادري با كم الف على ايش ما ادري
انا شاري فقاسه من الصين ام 2100 بيضه طلعت علي تقريبا من 4 الى 5 الف ريال لا و شركه الشحن نصبين علي بعد و ماحذين زود

لكن ليه ما تصلح لك فقاسه صغيره
و هذي تسعير قطع الغيار
دنمو التقليب الايطالي تقريبا 400 ريال اذا تبيه تقليب الالكتروني
الترموستات ( مقياس الحراره ) اضنه با 200 او 300 ريال ( ناسي با كم )
جرم تفصيل او ثلاجه قديمه
مروحه مكيف ما ادري ثلاجه با 35 ريال ايطاليه
هيتر با 20 صيني و الايطالي با 45 ريال ( الايطالي للحجام الصغيره ما ينفع للحجام الكبيره )

او اشتر من برا السعوديه و ريح راسك و خل الطمع ينفع الي عندنا
اجل فقاسه مصريه 1000 بيضه عند الخليج با 8 الف ريال يعني البيضه با 8 ريال <<< منقهر اول الصناعه المصريه اضنه على 3500 ما ادري با 4000 الف و تدبلت :mad:

و الله يوفقك ان شاء الله و بلغنا با النتاج الي تاصل له

رد: استشارة لأختي صمت أو أحد الخبراء في الدواجن

انا اريد اعمل هالمشروع
هل لازم يكون فيه دكتور مختص لان انا مش فاهم كتير
هل مشروع مربح