|
أذا لاي خاطر عند الجميع يدخل يساعدني
السلام عليكم ورحمة الله وبركاته كيف الحال أنشاء الله الجميع بخير واموركم طيب <<< أخلص بسرعه وش عندك :mad: أنا عندي خمس دجاجة وديك لهم عندي الحين تقريبآ شهر أمورهم تمام بس اليوم شريت ثلاث دجاجة جديده المهم أول ماجبتهم لقحم الديك معدا وحده يحاول يلقحه بس اهي مي راضيه يعني اذا جا يلقحه تطيح على جنب وماتحرك معه مدري وش مشكلتها الى درجت من كثر مايحول يلقحها جرح العرف حقه وطلع منه دم مدري وش اسوي معها واهو اذا شافها انهبل الى يلقحها مخربها الديك وش اسوي تكفون ساعدوني:( |
رد: أذا لاي خاطر عند الجميع يدخل يساعدني
وعليكم السلام ورحمة اللهـ وبركاتهـ ..
اهلا وسهلا فيكـ .. :freind: وش دعوهـ مستعجل على عمركـ :D روق وان شاء اللهـ مايصير خاطركـ الا طيب .. :freind: اولا مبروكـ على الدجاج > ولو انها متأخرهـ شوي .. :p والدجاجهـ اللي تقصدها ,, هل هي طايحهـ أغلب الوقت ؟؟ أم تطيح على جنب فقط اذا يبي الديكـ يلقحها ؟؟ والديكـ منهبل عليها لانهـ للحين مالقحها وصارت المسألهـ مسألة (( عناد :rolleyes: )) اذا طايحهـ طول الوقت فللأسف ابعدها عنهم عشان مايأذيها .. وشوف هل عليها أعراض مرض أو شيء مختلف عن الدجاج ؟؟ اذا ماعليها اعراض مرض مثل العطاس او الزكام راقب مشيها ,, وافحص وسادات رجليها من تحت .. هل هي منتفخهـ أم طبيعيهـ ؟؟ وايضا هل انت مربيهم في مكان فيهـ رمل ام بلاط ؟؟ لأن اذا ماهي مريضهـ يمكن عندها مشكلهـ بالرجلين نفسها ,, وماتتحمل ان الديكـ يضغط عليها . وننتظركـ تعطينا التشخيص اللي سألتكـ عنهـ .. :freind: بالتوفيق . |
رد: أذا لاي خاطر عند الجميع يدخل يساعدني
اقتباس:
لا مو متاخر الدجاج توني شاريه اليوم وانتي اول شخص يبارك لي فيه وهي مافيها شي تمشي كويس بس اذا جا الديك يلقحها تطيح كانها ماعمرها تقلحت والى هي تمشي زين وصوتها زين مافي اي شي بس مدري وش المشكله ولا زكمها ولا عطاس والارضيه عندي رمل كلها لاني حاطهم في الحوش حتى الدجاجه اذا مسكتها ومسحت على راسها وظهرها ماتنحاش واذا ضغطت على ظهرها تجلس يعني الدجاجه أليفه بشكل خيالي ..؟ ومليون الف ومائه وعشره وريال ونص مبرووووووووك على الاشراف واسف أنها جت متاخره |
رد: أذا لاي خاطر عند الجميع يدخل يساعدني
غريبهـ دجاجتكـ سبحان اللهـ .. :rolleyes:
توقعت عندها مشكلهـ .. لكن ماشاء اللهـ طيبهـ وان شاء اللهـ دوووم . :) خلاص فيهـ احتمالين هنا بما اننا استبعدنا المرض : 1_ انكـ تتأكد من وسادات رجليها .. احتمال تكون تعبانهـ ومتورمهـ من قفص البائع المعدني .. وماتتحمل ضغط وزن الديكـ حاليا,, وبمجرد يخف الورم راح تطيعهـ .. 2 _ ان الدجاجهـ عمرها صغير وغير جاهزهـ للتلقيح .. يعني ترفض الديكـ وهالديكـ مايفهم :D .. شاف حجمها كبير قال لازم ألقحها .. اذا تقدر تشاركنا بصورتها عشان نحدد لكـ هل هي صغيرهـ أم كبيرهـ ؟؟ :) واذا ماتقدر فعادي مافيهـ اي مشكلهـ .. هو واحد من هالخيارين .. اذا حالتها صعبهـ وهالديكـ جنن بها ,, اعزلها يومين أو ثلاثهـ عنهم عشان ترتاح .. :) وبعدها حاول ترجعها للقفص ,, وان شاء اللهـ بتطيعهـ .. اللهـ يوفقكـ معهم .. واي اسألهـ أخرى لاتتردد بطرحها . :freind: بالتوفيق . |
رد: أذا لاي خاطر عند الجميع يدخل يساعدني
انشاء الله بكره بحاول أنزل لكم صورتها وتشوفينها على انها مو صغيره الدجاجه وانتم الى راح تحكمون عليها وراح اتاكد من رجولها بعد شكرآآآآ لك ياصمت الامل
|
رد: أذا لاي خاطر عند الجميع يدخل يساعدني
اقتباس:
ابدا العفو ,, ماسوينا شيء .. :freind: هذي كلها توقعات واقتراحات .. لازم تسوي عليها تشييكـ كامل .. :) ولو عرف السبب ,, بطل العجب .. :D وان شاء اللهـ مايكون فيها ورم ولا شيء .. ويكون عمرها جيد وبالغهـ .. :freind: ويكون عندها فقط مرحلة خوف من الديكـ والمكان والتغييرات الكبيره عليها . :p انا سألت هالأسئلهـ أول عشان نتطمن مايكون فيها تعب لاسمح اللهـ .. والحين وصلنا للنفسيهـ . :D اللهـ يباركـ لكـ فيهم ان شاء اللهـ وماتشوف منهم الا كل العافيهـ . :freind: بالتوفيق ,, وبإنتظاركـ غدا . |
رد: أذا لاي خاطر عند الجميع يدخل يساعدني
يعني ما بقي لي كلام احكي واخبرك فيه لانوا الاخت صمت الامل كفت ووفت
|
رد: أذا لاي خاطر عند الجميع يدخل يساعدني
هاذي الصور الى وعدتكم بس انا لاحظت اليوم فيه كسل يعني الحظ الدجاج الباقي ياكل ويبحث عن الاكل وهي مو مره تبحث عن الاكل بس اذا جيت احول امسكه تنحشا بس يعني مو مثل الدجاج الباقي الى اتعب عشان امسكه ومعليش الصور في الرابط لاني اول مره انزل صور في منتدى التحميل من هنا التحميل من هنا التحميل من هنا التحميل من هنا وش الحل ساعدوني |
رد: أذا لاي خاطر عند الجميع يدخل يساعدني
اقتباس:
أهلا وسهلا بعودتكـ .. :) الصور شفناها .. اللهـ يباركـ لكـ فيها يارب .. :freind: شكلها بالصور طبيعيهـ .. أقدامها سليمهـ وشكلها الخارجي نظيف والتاج والداليتين وحتى ريشها .. وهي بالغهـ مو صغيرهـ بالسن .. :) صحيح شكلها مرهقهـ ,, لكن ممكن انها مرهقهـ فقط بسبب النقل من مكان لمكان آخر .. وتحتاج وقت حتى تتعود على المكان ,, أو كانت متعودهـ ماتخاف من صاحبها . أنت خذ احتياطكـ وعطهم شوي بصل مفروم اذا حبيت .. أو مضاد حيوي من البيطري حتى تتغلب على المرض من بدايتهـ ويكون عندكـ احتياطا .. وعندي سؤال لكـ ,, هل القفص اللي شريت منهـ الدجاج يحتوي على دجاج كثير ؟؟ :confused: أخاف يكون عندها بداية مرض اخذتهـ من أحد الدجاج التعبان .. مثل الدمعهـ أو غيرهـ .. راقبها ولازم يظهر عليها أعراض أخرى حتى نحدد أكثر . بالتوفيق .. |
رد: أذا لاي خاطر عند الجميع يدخل يساعدني
يعني والله موال لحالها يوم شريتها لقيت اكثر من دجاجه في القفص يعني مو لحالها فا مدري يمكن الدجاج الى فالقفص واحده منهم مريضه وانتقل لها
|
| جميع الأوقات بتوقيت GMT +3. الساعة الآن 07:58 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو