|
انفلونزا الطيور وصل الكويت @..@
لجميع مربي القطط بالكويت تحذير هام . . . انفلونزا الطيور وصل الكويت وبالأخبار يوميا يعلنون تحذيرات لجميع مربي الدواجن والحمام والطيور البرية حيث تمت اصابة العديد من الصقور وتم حرق العديد من الدواجن المصابة في مزارع كويتية نتيجة وصول الطيور المهاجرة للكويت رقم الاستفسار والطوارئ 885020 777 آنا خفت على دومينيك قطي لأني صارلي فترة أطلعه بحديقة البيت فقمت واتصلت أسألهم عن أعراض الاصابة بهذا المرض في القطط كلمت شخص رد علي وسألته عن الأعراض وعن كل شي خطر في بالي وهذا موجز التحذيرات اللي وجهها لي من خلال أسئلتي له : " لم تسجل لحد الآن أي حالة إصابة قطط بالمرض وأعراضها تكون بالمجمل أعراض تنفسية بحتة وارتفاع في درجة الحرارة بشكل ملحوظ للإحتياط يجب منع القطط من : 1 - الخروج خارج المنزل بتاتا لعدم الاصابة بالمرض من أي قطط مصابة لم يتم الاعلان عنها . 2 - عدم اطعامها طيرا نيئا أو مذبوح ويجب طهي اللحوم لها طهيا جيدا . 3- الامتناع عن اطعامها البيض النيئ . 4 - الاهتمام بالتطعيمات العادية الخاصة بالقطط حيث لا يوجد تطعيم خاص بانفلونزا الطيور للقطط . ( وهذا اللي وقف قلبي ) 5- منع القط من الاختلاط بالطيور الخارجية اذا تم خروجه من المنزل " ووصاني " إذا تخافين على قطوتج حافظي على تطعيماتها ولا تخلينها تطلع بالحوش وإذا صدف ولازم تطلع بالحوش يجب تعقيم الحوش بالديتول والكلوروكس أولا . . . . فرجاء حااااااااااار مني لجميع مربي القطط اللي يسمحون لقططهم بالخروج من المنزل الامتناع عن هذا الفعل لأن حتى سوق الحمام مسكر، حديقة الحيوانات مسكرة، الغابة الصغيرة والمزارع جميعها مسكرة ومانعة توريد أي دواجن أو بيض للسوق حاليا لاحتمال زيادة الانتشار بلغ . . . |
رد: انفلونزا الطيور وصل الكويت @..@
ياااااااااااااااااااااااااااااااااااااااالله والله ضيقتي صدري يادومينيك الله يكون فلعون بس
وانتبهي لدومينيك كثير ترى والله حبيته انتبهي له وزين منك بعد اتصلتي وسألتي جزاك الله الف خير على حرصك وشكل الدور جانا ابد انا تحتكم في الخريطه والله خوفتيني اتمنى انه ماينتشر اكثر من كذا ومشكوووووووووووووره دومينيك على التحذير |
رد: انفلونزا الطيور وصل الكويت @..@
وش عندك انتي ومخاويه قرايب والا صديقات
|
رد: انفلونزا الطيور وصل الكويت @..@
أمبيييهـ شنو هذا .. متأكديينـ انتو .. ؟؟ .. تونيـ منـ كمـ يومـ راجعهـ منـ الكويتـ وشريتـ ثعبانينـ .. بس لحد الحينـ ماجابوهمـ الدوحهـ .. امبييهـ اخاافـ .. هليـ كويتيينـ .. فديييتهمـ وفدييتـ كلـ الكويتينـ واللهـ يكافينا شر هالمرضـ .. تحملو بنفسكمـ .. :(
|
رد: انفلونزا الطيور وصل الكويت @..@
:(
خبر يحزن خصوصا انه اهلنا واصدقانا بالكويت :( واكيد الدور جاي لنا بينزل بالمصعد تحت اكيد عموما انتبهو على ارواحكم وعلى حيواناتكم |
رد: انفلونزا الطيور وصل الكويت @..@
مخاوية قطاو شفتي والله العظيم آنا الصبح رايحة البيطري علشان ابر دمدم قلبي وسألت الدكتور عن انفلونزا الطيور قالي ماعندنا تطعيم ضدها للقطط ! يوم شفت الاعلان بالأخبار على طوووول اتصلت وسألت اللي رد علي قلتله آنا عندي قطوة مادري تعرفون عن اعراض انفلونزا الطيور للقطط قالي احنا اللي نعرف هذا تخصصنا الله يسلمج وسألته الأسئلة اللي أجوبتها بموضوعي فوق ^ وحرص علي ما أطلعه بالحوش أو الحديقة فخلاص ودعنا الحديقة دمدم ماراح يطبها بعد لو شنو يصير وكاتبين في جريدة القبس مالت اليوم الخميس ان في 20 ألف طير أعدموهم في مزرعة بالوفرة ( وعلى فكرة الوفرة قريبة على الخفجي حيل ) تحرصوا الله لا يقول ينتشر مع الهوا والريح والله العظيم خايفة على قطاوتنا .. قالي صح القطوة أسرع حيوان ينتقل له المرض لأنه من فصيلة السنوريات والنمور عاد ليش بالضبط ما سألته.. ********* مجنونة بس حنونة ما أقربلها ولا شي بس أنا أموت في السعودية اللي دمها خفيف لهجتها تونسني وروحها من روحي تفهمني وأفهملها والله لا يجيب الزعل بيننا ;) ********* بنوتة دام لج أهل بالكويت خليهم يتصلون على الرقم اللي حطيته أول واحد 885020 ويسئلون عن الثعابين وباقي الحيوانات أضمنلج وأحسن ********* رعوود تحرص زين على حيواناتك ترى الوفرة قريبة منكم صوب الخفجي على طول . . . . |
رد: انفلونزا الطيور وصل الكويت @..@
دومينيك
وانا ليتني بالوفرة والا الخفجي عنده ديرتي واهلي وناسي بس انا بالرياض خخخخخخخخ وبعدين ما عندي الا جين (هامسترتي الدوبا)وسلحوفتي ههههههههههههههههه |
رد: انفلونزا الطيور وصل الكويت @..@
لا حول ولا قوة إلا بالله .. آنا كنت أطلع قطاوتي برا مساكين لكن الحمدلله ما لاحظت عليهم شي .. يمكن المناطق البعيده يكون الفرصه أكبر لا سمح الله .. و اللي ضيق خلقي مافي تطعيمات للإنسان و الحيوانات .. :(
مشكــووورة دومينيك على التحذير و الله يحفظ قطاوتكم يارب .. |
رد: انفلونزا الطيور وصل الكويت @..@
اووووووووووووووووووووووووووووووووووووووووووووووووويه ماتستاهلون يلكويتيين والله اني انصدمت يوم قريت الي كتبتيه انه وصل الكويت الله يعينكم ويحفضكم ان شاء الله ان شاء الله مايوصل للأمارات *:_:* وبيتا كله طوطويس ونعام وحمام وعصافير وبلاوي وانا اربي قطاوتي *:_:* الله يحفضنا ويحفظ امة محمد كلها يارب العالمين |
رد: انفلونزا الطيور وصل الكويت @..@
والله يا دمنيك خوفتيني والله انا متاخره انا موعد تطعيم توتي اخاف يسيرله شي
بس ان شالله ليوم بروح اطعمه والله يسترنا |
| جميع الأوقات بتوقيت GMT +3. الساعة الآن 11:46 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو