ارجو المساعدة من اهل الخبرة ..
 

السلام عليكم اخواني واخواتي

هاي اول مرة اشارك بالمنتدى رغم اني مشتركة من زمان واتصفح المنتدى دوووم ..
سبب مشاركتي الحين حبيبتي لولو وهي ببغاء من نوع الكاسكو .. شريتها من اسبوع .. عمرها على حسب كلام البائع 3 شهور بس وتاكدت فعلا من كثر ما قرأت عن هالنوع وعرفت كيف احدد اعمارهم وجنسهم.. المهم لولو حبوبة وايد واليفة جدا واحس انها ذكية قدرت تميز صوتي من بين الكل وعلمتها كيف اول ما افتح القفص انها تصعد على ايدي وما شاء الله عليها يعني حسيت انها حبتني وايد لانها كل ما امر جدامها تعلي صوتها وتتحرك وايد واول ما افتح القفص تنقز على على طول . المشكلة اللي واجهتني معاها الاكل.. انا اعطيها سيريلاك خاص بالطيور مرتين باليوم بس واباعد بين الوجبتين ولكن لاحظت عليها انها بعد ما تاكل بخمس دقايق تستفرغ اللي كلته ..مع اني ما اعطيها وايد .. ظلت على هالحال لين اليوم و لاحظت انها خاملة ومب متحمسة نفس قبل .. وما كلت ازين اليوم وجبة الصبح استفرغتها كلها تقريبا والمسا ما كلت الا شي بسيط وممكن تكون استفرغت لاني دخلتها القفص وما شفتها عقب ..برازها عادي جامد مع سائل وقريت انه هذا طبيعي بسبب نوع الاكل .
ابا اعرف شو ممكن تكون مشكلتها و شو سبب الاستفراغ والخمول ؟؟؟

ارجوكم تساعدوني انا متعلقة فيها وعيالي بعد وايد حبوها وبصراحة غيرت لنا جو البيت وخايفة اخسرها .. اتمنى تفيدوني ولكم جزيل الشكر .

رد: ارجو المساعدة من اهل الخبرة ..
 

رد: ارجو المساعدة من اهل الخبرة ..
 

على طووول بيطري ولكن مب اي بيطري،،وثاني شي حطي لطير حبوب علشان يفطم نفسه بنفسه لين شفتيه ياكل خلاص قطعي السيرلاك،، والله يحفظه،،

رد: ارجو المساعدة من اهل الخبرة ..
 

افضل شيء البيطيري ونصيحه غطي الطير دائما عن البرد ويفضل وضعه في مكان دافيء

رد: ارجو المساعدة من اهل الخبرة ..
 

شكرا لكل الاخوان اللي ردوا علي واهتموا للموضوع ..

اليوم حسيت انها احسن من امس واكلتها والحمدلله ما استفرغت .. بس بالنسبة للفطام كيف ابدا فيه وياها .. انا حطيت لها الحب اكثر من مرة ويوعتها شوي قلت يمكن اذا حست انها يوعانة راح تجرب انها تاكل الحب بس للاسف ما حاولت تاكل ولا حبة. اذا في طريقة اتمنى تخبروني بها .