|
ظروري عشان قطوتي
السلام عليكم:88:
ياجماعه سؤاال مهم بالنسبه لي ويمكن بيفيد غيري ابغى رقم شركه نقل حيوانات تنقل قطوتي من الرياض للدمام والسعر رخيص ابيه:D وغير كذا الي عنده رقم فنقده بالدمام رخيصه اليومم بخمسه ريال او عشره اكون شاكره له بس ابغى المحل يكون نظييييييف وعنااااايه للقطط :shy:ذي روح حرام تعبت فيها وربي .... لاني بروح الرياض وانا بالدمام راعي المحل الي شريت منه قطوتي طبعا احسه موب شي:D وقطاوته مظلومين هههههه وكل قطو عنده يجيه جرب بالاذن وانا تعبت يالله تشافت قطوتي من هالسواد الي باذنها غير كذا سعر الفندقه ب20ريال باليوم غير كذا مقدر اخليها هنا بالبيت لحالها ومابغى ابلش حد من اهلنا فيهم كلهم بالاصل خوافين واخاف يوم كذا ولا كذا القطوه تنحاش فافضل فندقه افضل او قررت اخذها معي الرياض بس انا بروح بسياره وبرجع بالقطار واتوقع مايسمحون لي اخذها معي:(وغير كذا حرااام 6ساعات تنطق لا اكل لاشرب لااحمام عزكم الله صعب الموضوع فابغى حللل بليييز |
رد: ظروري عشان قطوتي
طيب روح قسم التبني وسوي لها تبني مؤقت والاعضاء بيساعدونك انشائ الله
|
رد: ظروري عشان قطوتي
في واحد اسمه ذيب الخوالد
الفندقه اليوم رخييص تلقى الموضوع بقسم التبني والتزاوج والتبادل لحظه اجيب رابط الموضوع =) |
رد: ظروري عشان قطوتي
دورت الموضوع ما لقيته =(
المهم هو يدخل القسسم ذا كثثيير ارسله رساله خاص |
رد: ظروري عشان قطوتي
ياليت من اهل الرياض او الدمام مساعدتك علما ب ان ذيب خوالد يسكن في الشرقية منطقتها التي ساكن فيها ابعد من الدمام و الرياض
واتمنا من الاخوان مساعدة الاخ عن طريق الخاص علما ان ذكر اسامي المحلات او ارقام المحلات تتم على الخاص حسب القوانين |
| جميع الأوقات بتوقيت GMT +3. الساعة الآن 02:59 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو