|
هل انتف ريش الببغاء وش حل ابغى جناحة كامل
اخواني عندي ببغاء كاسكو هولندي
عمره تقريباً سنة ومقصوص جناحه وبصراحة ودي اخليه يطير ويلعب في البيت واحد من الزملاء افادني بالحل الوحيد انك تنتف ريشه عشان يطلع ريش من جديد بس انا خايف ان يتأثر صحياً من النتف وممكن يصب دم او يتعور على كلام شخص ثاني المطلوب مساعدتي في هذا الشي ولكم الشكر |
رد: هل انتف ريش الببغاء وش حل ابغى جناحة كامل
شف اخوي اذا بتصبر هو بيطيح و بيرجع ريشه طبيعي
يعني بطلع له من نفسه لكن عيب هالخطوة الوقت الطويل راح تطول لمدة على بال ما يطلع الريش الجديد للجناح او انك توديه لخبير او بيطري و تقول له ابي جناح يرجع زي اول و هو يعلمك بالتوفيق |
رد: هل انتف ريش الببغاء وش حل ابغى جناحة كامل
الــسلام عليكم ورحمة الله وبركاته
س/ هل الجناح مقصوق صح او القصه غلط ؟ ....................................................... انا انصحك تصبر الى ان يطلع له الجناحـ وانا افضل تدريب الطير وهو مايملك جناح كامل لان يكون محتاج لك ويتجاوب معاك اكثر مثل ( الي ما عنده يد يحتاج احد يساعده وبيكون طيب مع الي بيساعده) انصحك انتظر عليه اذا تبيه يكمل جناحه ولا تنتفه الا اذا كان القصه غلط واذا ماتعرف تنتف وده عند مختص او بيطري يكون احسن لطير ولك بالتوفيق تقبل مروري |
رد: هل انتف ريش الببغاء وش حل ابغى جناحة كامل
والله يا اخوك انا اخذته مقصوص وجلس 6 شهور تقريبا وسار الان جناحة كامل وجاب لي المرض اذا طار في البيت يطير ولا تشوفه غير مبنط بالجدار
والان افكر اقص جناحة لانه خطر بصراحة تروح تخرج برا او شي ويطير عليك |
رد: هل انتف ريش الببغاء وش حل ابغى جناحة كامل
اقتباس:
هذا الي اقصد لك اخوي fahad707 وانا صارت لي نفس قصة اخوي خالد خذت طيري مقصوص جناحــه و 6 او 7 شهور وطلع الجناح كامل وصار اذا ركب ع اليد يطير وفي اقـــرب جدار وقصيت جناحه واللحين اوكي الوضع وخطر زي ماقال اخوي من ناحيتين 1- يمكن يتعور من الصقعات في الجدران 2- تفقد الطير لاسمح الله يطير بره البيت وبالتوفيق تقبل مروري |
رد: هل انتف ريش الببغاء وش حل ابغى جناحة كامل
صـرآحه ، انك تخلـيه مقـصوص جناحه آحسن لك ، كذا بيتعبك اذا طـآر وبيوصخ المكـآن ..~
خله مقصوص ومتى ما بغيت تشيله تشيله ، يعني ما تستفيد شي لو خليت جناحه كامل ..~ الي بيستفيد الطير ، هو الي بيطير وبيروح وبيجي ..~ |
رد: هل انتف ريش الببغاء وش حل ابغى جناحة كامل
هلا فيك يا غالي
انا مريت بنفس مشكلتك مع ببغائي,, وصرت كل كم يوم انتف ريشتين والا ثلاث من النص من كل جناح طبعاً لازم تنتف بطريقة معينة, وهي انك تضغط بقوة بيدك جذور الريشة اللي بتنتفها (من عند عظمة الجناح), وتسحب نفس الريشة بيدك الثانية,, هذي أقل طريقة فيها ألم,, وربي يوفقك تحياتي |
رد: هل انتف ريش الببغاء وش حل ابغى جناحة كامل
النوع الافريقي خص يتأثر نفسيا من النتف بشكل ملحوض ويقتلب طبعه
انصحك خليه براحته لحد مايطيح الريش مع الوقت |
رد: هل انتف ريش الببغاء وش حل ابغى جناحة كامل
اصبر ويرجع
|
| جميع الأوقات بتوقيت GMT +3. الساعة الآن 06:04 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو