|
طيري مريض بالزكام
السلام عليكم
امس خديت لي طير جميل عمره تقريبا 6 شهور او 7 وخليته معاي في الغرفة على شان يكون في مكان دافي >>> اطمن عليه اكثر لمن قعدت الصبح من النوم اسمعه يطلع صوت وهو يهز راسه وبعدين طلعت شيء ابيض من خشمه مثل الزكام :angry: طيب شنوووووووووو الحل على شان اروح عنه الزكام ..؟ |
رد: طيري مريض بالزكام
الف مبروك الطير بس ما ذكرت لنا شنو الطير اي نوع
بصراحه افضل علاج للزكام هو التايلان بس يا ليت تبلغ الي انت شريت منه الطير انه مريض من اخذته |
رد: طيري مريض بالزكام
طيري هو كاسيكو يا الغالي بس شنو يعني التايلان لان اول مرة يكون عندي كاسيكو ولا اعرف هالسوالف وانا خبرت الا شريت من عنده الطير يقول لي لا تخاف ولمن سألت بعض الشباب يقول لي اذا زاد عليه الزكام على طول يموت انا مخليه معاي بالغرفة خوفي عليه من البرد ياريت لو تفيدوني رحم الله ولديكم بجد خايف عليه >>>> يا فرحة ما كملت |
رد: طيري مريض بالزكام
التايلان هذا مضاد حيوي سو بحث بالمنتدي عن التايلات وراح تعرف شكله وطرق استعماله
صحيح اذا زاد عليه الزكام راح يموت علي شان جذي انا قلت لك بلغ الي انت شريت منه الطير واذا تقدر ترجعه له انا انصحك قوله انا ابي طير سليم مو مرريض واذا عاجبك الطير استعمل التايلان وان شالله يصير احسن انا انصحك اخوي تخلي الطير بغرفه دافيه يعني تكون مشغل الدفايه بالغرفه علي شان تكون دافيه |
رد: طيري مريض بالزكام
مشكور يا الغالي وما تقصر
انا بحاول قد ما اقدر لان الطير جميل ويمكن يوم امس اخده من عندي صاده برد يا الله ادعو له ، الله يشافيه ومشكور اخوي مرة ثانية |
رد: طيري مريض بالزكام
اخوي يوفاوي , التايلان لعلاج الجهاز التنفسي لدا لطيور
اخوي صاحب الموضوع , هذا الموضوع راح يفيدك , ان شاء الله البرتقال و الليمون علـاج لـ الزكام + طريقة الاستخدام | ~ |
رد: طيري مريض بالزكام
تسلم يا الغالي SILVER LOVER
راح اقراء الموضوع ان شاء الله وتسلم وما تقصر وعساكم ع القوة |
| جميع الأوقات بتوقيت GMT +3. الساعة الآن 08:49 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو