لدي اسئلة من فضلكم جاوبوهم
 

انا عندي قطتين نثية و ذكر و انشااله يتزاوجون فاذا النثية احملت ما هي (اول) علامات الحمل؟؟ ومتى يلزم علي اني اعزلها عن الذكر؟؟
و كم يوم راح يظلون الصغار ببطنها و في اي يوم لازم اعزلها عن الذكر؟؟
و ما هو حجم الكرتون او الصندوق الي لازم احطها فيه وقت حملها؟؟ هل هو ضيق او وسيع او متوسط؟؟؟؟
و سامحوني اني كثرت اسئلة و ارجو انكم تجاوبوني اجوبة تفيدني
و الله يعطيكم العافية انشالله
شكرا.....:) :) :) :)

رد: لدي اسئلة من فضلكم جاوبوهم
 

اولا انا مادري وش قصدك نثيه
يمكن انثى قصدك مادري
المهم طبعا عن خبرتي لا اقل ولا اكثر يعني مادري بضبط بس بقولك وش لاحظت على جودي يوم حملت ....ماتاكل كثير وصايره دبا زياده عن اللزوم وتدور في كل ركن من البيت مكان تولد فيه
اذا شفتها فقرنه من القرن الموجوده في البيت او بين الملابس المهم مكان تلفز عمرها فيه يعني حامل
ومتى تعزلها عن الذكر.....بصراحه انا ماعمري عزلت جودي عن ميكا وهي اصلا تعزل نفسها عنه
مايحتاج ماراح تخليها يلمسها اصلا ....وبعدين هم ابخص
وتقولي ماهو حجم الكرتون اجل.........انا لما تقرب جودي ولاده اخليها هي اللي تختار المكان انشالله في دولاب ملابسي اهم شي تكون هي مرتاحه فيه ولما تولد وتستقر ابداء اغير مكانها
اخر ولاده لجودي كانت في دولاب الكنادر(الجزم)
والله يعافيك انشالله
عفوا....

رد: لدي اسئلة من فضلكم جاوبوهم
 

وقت العزل ماله داعي تعزل عنها الذكر ... وعلامات الحمل .. راح تلاحظه انتفاخ فبطنها بتدريجي
وماراح تخلي الذكر يزوجها اذا ثبت عندها الحمل .. ووقت الولادة جهز كرتون كبير بالمعنى عريض
او متوسط وافرش فيه خلقان ماتبغونها ( أقمشه ) وتتراوح مدة حمل القطوة من 56 الى 63 يوم
ووقت الولادة راح تلاحظها تدور مكان منخش وراح تشوفها قاعده وتصرخ أو تأن .. بالمعنى حان
موعد الولادة فحطها داخل الكرتون .. وان شالله أكون أفدتك

رد: لدي اسئلة من فضلكم جاوبوهم
 

شكرا لكم لكن انا ما قلت لكم اني حاطهم بقفص و لما تحمل و يجي وقت الولادة ما يأثر اذا كانت بقفص ولا لازم اطلعها او اعزلها عن الذكر و ارجو يا صاحبة وفا اتوضحين الجملة الي قلتي فيها(وما راح اتخلي الذكر ازوجها اذا ثبت الحمل)هل يعني (اعزلهم)
و لو سمحتو سؤال ثاني... اذا وقت الولادة حطيتها بالكرتون راح تجلس فيه ولا مو لازم
و سامحوني على الاسئلة الكثيرة

رد: لدي اسئلة من فضلكم جاوبوهم
 

أخوي الأنثى لازم تتحرك يعني اذا حامل وله مب حامل .. يعني ضروري انها تمشي شوي

وعن العزل .. قلت انه ماله داعي تعزل يعني عادي لو هم في غرفه وحده مثلا .. لكن اقصد انه يوم يبغي يتزوجها ( مره ثااااانيه ) ماراح تسمحله لان اي قطوة يوم تحمل ماتخلي ذكر يعاشرها

الا بعد ماتولد ويفطمون عيالها بعدين من نفسها هي تبغي تتزوج مره ثانية ..

يوم راح تشوف علامات الولادة مثل ماقلتلك على طول حطها بكرتون وراح تقعد فيه دامها ولدت
عيالها فيه .. لكن أنتبه !!! بعد اسبوع راح امهم تفرقهم يعني تشل واحد وتوديه تحت السرير
وتشل الثاني وتحطه تحت الدري مثلا .. فلازم من هي تنقلهم انت تشل عيالها بقطعة منديل
وترجعهم فالكرتون ولاتنسى تكون درجة حرارة المكان اللي بتولد فيه يكون درجة حرارة غرفه عادية