|
طائري مفلوت 24 ساعه
السلام عليكم
طائري الكاسكو مفلوت اي ان لا نضعه في القفص ابدا قديما كنا نضع الاكل والماء في القفص لينزل وياكل ويطلع سريعا لكن حاليا نستخدم الاستاند ولا يهرب ولا يطير مؤدب وفوق الاستاند او فوق حائط الساعه تعود عليها ما رأيكم |
رد: طائري مفلوت 24 ساعه
بصراحه انا واحد من الناس احب يكون الطير في القفص
لعده اسباب 1- الطير داخل القفص تقدر تسيطر عليه 2- تلقين الطير داخل القفص افضل وبسرعه يحفظ الكلام 3- نظافه البيت 4- تخاف انك تخلي شباك مفتوح يطير الطير هذي وجهت نظري |
رد: طائري مفلوت 24 ساعه
كلام اخوي يوفاوي صحيح
لكن انا مثلك طيري برا دائما الا النوم بالقفص بالنهار مايغيب عن عيني واذا بطلع احطه في غرفه مسكره وحط له العاب ويتمشى على راحته اما النوم مااضمن لو يطلع وانا نايمه علشان كذا ادخله القفص بالنسبه للطير الصيد انا الاحظ مايرضى ابدااااا |
رد: طائري مفلوت 24 ساعه
اخوي هي فيها سلبيات , ايجابيات ومنها : -
السلبيات ذكرها لنا اخوي يوفاوي , الله يجزاه خير الايجابيات + تمدد الطائر , بمعنا ان الطائر يستطيع ان يمد جناحة . نضافة الريش , بالقفص من يمد جناحه او اذا كان ذيله طويل نوعا ما تكون اطراف الريش متنتفة او ( متحلله ) تدريب الطائر على الطيران من الاستاند إلى يدك وهناك العديد ولاكن هذي ابرزها |
رد: طائري مفلوت 24 ساعه
حلو الطير يكون برا القفص اذا عندك غرفة تقدر تستغني عنها وبنفس الوقت ما يكون احد بالبيت يتضايق من وجوده طليق
|
رد: طائري مفلوت 24 ساعه
انا مثلك وبالنسبه للسلبيات الي قالوها ما همني لا الترتيب ولانظافة الغرفه لانها غرفه خاصه فيه اصلا مخليته ياخذ راحته وما شريته عشان يتكلم اويسوي حركات شاريته ااربيه والعب معه واسلي نفسي^^
وبالنسبه لي احسن ان نخليه برا القفص لان جوت القفص تحرمهم من حريتهم واحسها انانيه تحرمه من حريته عشان يتكلم ووهذا رايي:) |
رد: طائري مفلوت 24 ساعه
عليكم السلام أولا
يا أخونا الحبيب القصة إنك تمنح الطائر ميزة و لا تشعره بقيمتها ألا و هي البقاء خارج القفص الببغاء حقي كل ما أوصل على البيت اطلعه من القفص حتى المساء و بس يجي وقت النوم ادخله القفص أولا يرتبط بالقفص أنه بيته و هو شيئ ضروري في حال البيع و الثاني أنه عندما تخرجه يعلم أنها مكافأة منك و يزداد ارتباطا بك أو بأي شخص يخرجه من القفص و هذه النقطة أساسية في أي شخص يريد التعامل معه و الله المسلم دائما و ابدا |
رد: طائري مفلوت 24 ساعه
أكثر شيء ممكن تخاف منه هو هروب الطائر
الأفريقي ما له أمان فإذا لقي فرصة سوف يطير ولن يعود اليوم أخبرني صديق لي بهروب طير مربيه لمدة أكثر من ثلاث سنوات وهو متكلم وأليف مع كل البيت لحظة طار أمام عينيه ومازال البحث جاري ................ تخيل أنك في هذا الموقف |
رد: طائري مفلوت 24 ساعه
انا مع الاخ صاحب رأي صحيح ان الافريقي ماله امان
|
رد: طائري مفلوت 24 ساعه
اذا الله كاتب انه بيطير بيطير حتى لو سكرنا عليه القفص
وانا مع الاخوان اللي ايدو طلوعه وكل ايجابياتهم انا معاها والله لما اصحيه الصبح اقول بخليه داخل القفص مااطلعه واذا شفته منقهر كسر خاطري ومن اقول برا شوفوا عيونه حيااااتي احسه يقول شقلتي ماسمعتك زين هههههه والدنيا ماتسوى خليه يتونس ويرفرف ويتمشى بس حاول تكون له غرفه علشان لو حسيت انه محد فاضي وممكن تنفتح الابواب والشبابيك على طول انقله للغرفه علشان تتطمن لو طلعت من البيت انه مسكر عليه الغرفه عنده اكله ومويته والعابه انا اسوي كذا ^^ |
| جميع الأوقات بتوقيت GMT +3. الساعة الآن 04:52 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو