|
يالربع .. ابغى استفسار عن الدرة
مساكم الله بالخير
ان قبل أسبوع اشتريت درة خضراء وانا زي ماسمعت ان الدرة تقدر تتكلم شوي وتصوفر وخصوصآ النيبالية فأنا يوم جيت اشتري قلت لراعي المحل هذي نيبالي قال : ايه وقلت له كم عمرها قالي 6 شهور تقريبآ عاد انا توني بالطيور ومالي خبره بهالأمور .. وشريته وجبته البيت اول ماجبته حسيت انه خايف فقلت شي طبيعي ماتعود مر يوم ومر يومين وصار اسبوع وهو على حالته كل ماجي لمه تلقاه يتعلق ولا يعطيني ظهره واذا قربت زيادة ينزل لتحت القفص ويندعس ولايصفر ولا شي ... وياكل كثير مرره ماشاء الله عليه بس انتبهت لشي معين اسمعه يغرغر واجد كأنه يبي يصفر بس موقادر وخصوصآ بعد ماياكل .. لايكون اطرم بس:D مادري للحين ماتكونت احباله الصوتيه ولاكيف بغيت استشيركم عنه .. هل هو نيبالي ولا هندي .. وكم عمره .. وش سالفة الغرغره والخوف وياريت تفيدوني باسرع وقت الله لايهينكم وهذي صورتين له http://up.milanesta.com/uploads/imag...65264f727c.jpg http://up.milanesta.com/uploads/imag...e3715a4086.jpg دمتم بود ... |
رد: يالربع .. ابغى استفسار عن الدرة
وين الردود ياجماعه
|
رد: يالربع .. ابغى استفسار عن الدرة
هذا ذكر درة باكستانية وعمره فوق السنة ونص لأن الطوق كامل وعريض ويمكن سنتين بعد وفي هذا العمر صعب جدااااااااا يتعلم الكلام لأنه على حسب كلامك إنه خواف ونادر ماتتكلم الدرة الغير أليفة وخصوصا بهذا العمر |
رد: يالربع .. ابغى استفسار عن الدرة
السلام عليكم بالنسبة الببغاء الدرة هندية ليس نيبالية في فرق بين النيبالية والهندية النيبالية تكون اضخم شوية ويكون فية لون احمر في لاجنحة فن الدرة الي عندك هيه درة هندية وهو ذكر وعمر ا اكثر من سنة لان في طوق في الرقبة وهو يعتبر من الطيور المتكلامة بس كلامة محدود ويفضل تاخذا طير يكون اصغر من الي عندك لكي يكون سهل الترويض وسهل تعلم الكلام
|
رد: يالربع .. ابغى استفسار عن الدرة
يعني عمره اكثر من سنه وبعد ذكر
يعني نصب علي البياع شسوي الحين اقدر ارده عليه ولا لا صحيح كلامكم يالربع .. اذا جد بلعن خير خيره اليماني |
رد: يالربع .. ابغى استفسار عن الدرة
النصيحة بتراجع الببغاء الئ صحاب المحل وتاخذا درة تكون صغيرة في العمر وفي شي ثاني ترئ الدرة لانثئ تكون بدون طوق فاحذر بيعطيك وبيقوال لك انه صغير واذ بدك تشتري درة صغير فيكون في شهر السادس والسابع والثامن من 2011 لان يكون وقت التفقيس
|
رد: يالربع .. ابغى استفسار عن الدرة
اقتباس:
أخوي أنا متأكد من كل كلمة قلتها لك لأن 1. الطوق يدل على إن الطير بلغ وكل ماغمق يعني كبر زيادة 2. المنقار من الأسفل أسود وهذا يدل على إن طيرك باكستاني روح لبو يمن وإن شاء الله يرضا يرجعه وخذ لك طير من محل ثاني لأنه مثل ماغشك في هذا الطير يمكن يغشك في غيره إلا ماقلت لي بكم باعك أبو يمن الطير ؟؟؟؟؟؟؟؟؟؟؟؟؟؟ |
رد: يالربع .. ابغى استفسار عن الدرة
ابشركم رديته له الحمدالله
والمشكله النذل ينكر كلامه ويقول انا ماقلت عمره 6 شهور عين قوية ع العموم يعطيكم العافية وماقصرتوا انقذتوني والله كنت بعيش على امل ماهو صاير ابد |
رد: يالربع .. ابغى استفسار عن الدرة
اقتباس:
باعه على ب 250 ريال شكله متوهق فيه ويبي يصرفه بس |
رد: يالربع .. ابغى استفسار عن الدرة
اقتباس:
لأن سعره بدون القفص من 150 إلى 200 بالكثير لغير الأليف وإذا بالقفص فالسعر مقبول |
| جميع الأوقات بتوقيت GMT +3. الساعة الآن 05:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو