|
مجموعة اسئلة عن كل الطيور ..
السلام عليكم و رحمة الله و بركاته
عندي مجموعة كبيرة من الاسئلة و الاستفسارات حول الطيور قلت وين اخليها , اخليها قسم الببغااوات احسن لان الاكثر عن الببغاوات شوفو ياناس كل واحد يجي يعطيني على الاقل معلومة و بعد اذنكم ما اريد معلومة متكررة يعني شوف هو في وايد اسئلة جاوب عن واحدة محد جاوبها و جاوب على اكبر عدد ممكن اذا سمحت , هكذا تفيدني و تفيد الاعضاء الحلوين و بعد في قصتي مع بعض الببغاوات و العصافير :freind: نبدا ؟؟ يلا :88: 1_الامازون ببغاء رائع شفته في وايد اماكن لكن سابقا ما كنت اعرف اسامي انواعها و ممرت في محل كبير للطيور موجود بالمحرق كان فيه ببغاء اخضر رأسه قليل اصفر و البائع خرجه من القفص و قال شوفه هذا ما يشرد و بعد ما يعض و يركب على اليد و كل هذا بـ 350 دينار , ارجو منكم اعطائي نوع هذا الببغاء و على ما اظن انه من فصيلة الامازون بس ما اعرف النوع بالظبط , و اعطائي السعر 2_طبعا الكثير يعرف الكاسيكو الرمادي الافريقي هو مشهور و منتشر بكثافة كل محل طيور تروح عنده كاسيكو على الاقل , طيب أرخص سعر لهذا الببغاء كم تقريبا ؟؟ و الاغلى كم ؟؟ 3_يوجد ببغاء اسمه درة ولا ( متو ) يوجد له لونان ازرق و اخضر بقيت اشتري واحد بـ 20 دينار بس خفت يعض و لا اخرجه من القفص و يشرد و يطير , يعني هو كبير تنصحوني اشتريه ولا لا ؟؟ 4_الكروان ( الكوكتيل ) من فصيلة الببغاوات صح ؟؟ كان عندي 2 الواحدة بـ 10 دينار بس طلع الاثنين انثى بعدين بالصدفة قريبي صاد كوكتيل في بيتنا و حطه بالقفص طلع ذكر و بعد اسبوع حط الانثى 3 بيضات على ما اظن فقص كلهم و كل اسبوع ولا اسبوعين يحط بيض انا استغربت بعدين تمللت من الكوكتيل صارو واجد يمكن 10 و 4 فراخ يعني 10 كبار و 4 صغار و تمللت من صوتهم قلت اروح ابيعه محد يبي يشتري كوكتيل , طيب القفص برأ البيت طبعا لان صوتهم كريه , الفراخ عطيتهم اقربائي و اصدقائي و بقى 10 كبار يوم ثاني كسرو القفص شردو 6 الحين باقي 4 الاب و 3 ابناء , تنصحني اطلعهم و اخليهم احرار ولا اخليهم اربيهم لان الصراحة الصوت كرييييييه و خشن طيب الحين اقولكم قصة مع الصيد و الله لو كنت اعرف اصيد طيور جان الحين عندي ببغاوات اول مرة شفت فيه ببغاء يطير في بيتنا قبل 3 سنوات تقريبا و ذاك الوقت ما كنت اعرف ايش اسم الببغاء الرمادي ( الكاسيكو ) طيب شفته يطير في بيتنا و يبي يركب على يدي رحت تقدمت منه الا طار و جا على يدي انا دفتعه للامام و هربت خفت يعضني ولا يهجم علي ثاني مرة انا زرعت حب ( دوار الشمس ) في الحديقة في بيتنا , كل يوم امر عليه ( لما صار النبات كبير طبعا ) اشوف مافيه حب و القشور على الارض , طيب مرة وقفت في البيت اراقب من الصبح الساعة 6 يمكن صار الساعة 7 و نص , اشوف 4 ببغاوات خضراء شوي راسها اصفر مثل ما شفته بالمحل اللي قالي 350 دينار , بس كيف جا 4 مرة وحدة , خفت اروح عشان اصيدها يجيني هجوم رباعي من الببغاوات :12: :( و خليتها لما تروح ثالث مرة مثل المرة الثانية للحين كان في حب دوار الشمس في البيت , طيب كنت بالسيارة اروح بيت قريبي لان كان في عزيمة , طيب و انا بالسيارة خرجت من البيت اشوف شو كثر ببغاوات على الحب و بينها متو اخضر , طيب خليتها و مشيت و ارجع البيت اشوف الحب كله خلصوه ماشاء الله طيب يا اخوان الحين اقول قصتي مع طيور غريبة مرة شفت ديك فوق شجرة عالية في حديقتنا طيب و كيف ركبت ؟ الله اعلم ,, لما نزلت لاحقتها و صاديتها طيب ما خليتها بقفص خليتها بالحديقة احسن , مرة من الايام شفتها مختفية , وين راحت , فوق السطح 3 طوابق , ايش هذا ديك و لا حمامة , رحت اصيدها طارت من فوقي و نزلت للحديقة !!! مرة شفت طائر غريب اسود و منقاره كبير كان صوب الباب خليت عليه كيس اسود و وديته صوب البحر و خليته مناك قلت يمكن طائر بحري مرة شفت بلابل سوداء الرأس يعني يمكن باكستانية بس كم عددها ؟ ؟ 8 بلابل !! ماشاء الله خليت لها فخ راحت و شردت و على فكره انا عندي بلبل ابيض الخدين و احدث حادثة صارت معي قبل 3 ايام , خليت البلبل مالي بالقفص في الحديقة جاله 4 بلابل ابيض الخد يشابهونه بالظبط , اول شي ما شفت بلبلي شفت بلبل ابيض الخدين يطير , عبالي بلبلي شرد من القفص , الا اشوف 3 مثله كمان و بعد البلبل مالي في القفص رحت احط الفخ بس هربت كلها .... يعني والله صارت معاي احداث كثيرة مع الطيور بس لو كنت اعرف اصيدها جان الحين عندي ببغاوات و بلابل و وااايد اشياء والله مابي اطول عليكم عندي وايد اسئلة حول الطيور الاخرى انا توني جديد بالطيور لكني احب الطيور من صغري و ان شاء الله اجيكم بجزء ثاني آخر عن البادجي اللي معاي رجاءآ اعطوني معلومات عن الامازون و الكاسيكو لاني ابي اشتري واحد من الاثنين و لو ممكن كيفية اصطياد الببغاوات الكبيرة مثل المتو و الامازون لان يوجد اعداد كبيرة في حديقتنا و خاطري اصيدها بفنسي و اربيها |
رد: مجموعة اسئلة عن كل الطيور ..
والله تعبت على الموضوع يعني ارجوووكم كل واحد يشارك برد او بمعلومة عشان تفيدوني
|
رد: مجموعة اسئلة عن كل الطيور ..
23 قرائه ولا رد ؟؟؟!!!!!
وينكم يا أهل توزو |
رد: مجموعة اسئلة عن كل الطيور ..
1_الامازون ببغاء رائع شفته في وايد اماكن لكن سابقا ما كنت اعرف اسامي انواعها و ممرت في محل كبير للطيور موجود بالمحرق كان فيه ببغاء اخضر رأسه قليل اصفر و البائع خرجه من القفص و قال شوفه هذا ما يشرد و بعد ما يعض و يركب على اليد و كل هذا بـ 350 دينار , ارجو منكم اعطائي نوع هذا الببغاء و على ما اظن انه من فصيلة الامازون بس ما اعرف النوع بالظبط , و اعطائي السعر ؟ اخوي اتوقع ان هذا بلوفرنتد وسعره بالسعودي 3500 ريال او انه يلوناب لأن من المعروف ان البحرين رخيصه جدا 2_طبعا الكثير يعرف الكاسيكو الرمادي الافريقي هو مشهور و منتشر بكثافة كل محل طيور تروح عنده كاسيكو على الاقل , طيب أرخص سعر لهذا الببغاء كم تقريبا ؟؟ و الاغلى كم ؟؟ انا ما ادري عندك بالبحرين كم ولاكن لدينا بالسعوديه اقل شي 500 ريال , واغلى شي لا يوجد سعر محدد فهذا يعتمد على العمر والحرره والنضافه والكلام 3_يوجد ببغاء اسمه درة ولا ( متو ) يوجد له لونان ازرق و اخضر بقيت اشتري واحد بـ 20 دينار بس خفت يعض و لا اخرجه من القفص و يشرد و يطير , يعني هو كبير تنصحوني اشتريه ولا لا ؟؟ اخوي السعر مناسب ولاكن لو تشتريه وتروضه انت افضل والطير ممتاز للتربيه 4_الكروان ( الكوكتيل ) من فصيلة الببغاوات صح ؟؟ كان عندي 2 الواحدة بـ 10 دينار بس طلع الاثنين انثى بعدين بالصدفة قريبي صاد كوكتيل في بيتنا و حطه بالقفص طلع ذكر و بعد اسبوع حط الانثى 3 بيضات على ما اظن فقص كلهم و كل اسبوع ولا اسبوعين يحط بيض انا استغربت بعدين تمللت من الكوكتيل صارو واجد يمكن 10 و 4 فراخ يعني 10 كبار و 4 صغار و تمللت من صوتهم قلت اروح ابيعه محد يبي يشتري كوكتيل , طيب القفص برأ البيت طبعا لان صوتهم كريه , الفراخ عطيتهم اقربائي و اصدقائي و بقى 10 كبار يوم ثاني كسرو القفص شردو 6 الحين باقي 4 الاب و 3 ابناء , تنصحني اطلعهم و اخليهم احرار ولا اخليهم اربيهم لان الصراحة الصوت كرييييييه و خشن اولا الله يعوضك , ثانيا هذا شي يراجعلك , ثالثا هذا السؤال في قسم الكروان |
رد: مجموعة اسئلة عن كل الطيور ..
طيب حبيبي كيف اروض المتو ؟؟
|
رد: مجموعة اسئلة عن كل الطيور ..
المتو او ( الدره ) , يعتمد عليك انت وهي بعد على عمرها وارتياحها النفسي
|
رد: مجموعة اسئلة عن كل الطيور ..
اقتباس:
|
رد: مجموعة اسئلة عن كل الطيور ..
مشكورـين
|
| جميع الأوقات بتوقيت GMT +3. الساعة الآن 05:45 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو