|
[ احتاج معلومات قبل الاقدام على شراء زوج دره نيبالي للضروره ]
السلام عليكم .. تحياتي للجميع ..واتمنى اللي حاب يفيدني باجابه دقيقه وتفصيليه قدر الامكان .. في حال حبيت اشتري جوز درة نيبالي .. هل هناك علامات ظاهريه للتاكد من كون الزوجين ذكر وانثى ؟ وهل هناك طريقه لتحديد العمر ! والشي الثاني على اي اساس اقدر اقيم سعرها ! هل اللون يفرق واذا هناك تفاصيل اخرى مع ذكر رينج السعر ولا عليكم امر .. في حال كان الزوج وحشي او اليف هل الطوق اللي على رقبه الطير يفيد باي معلومه ؟ وهل هناك دره غير نيباليه تأتي بحجم النيباليه ؟ وهل ممكن تنتج في قفص كبير او تحتاج لمكان في السطح مثلا ؟ ياليت محد يبخل باي معلومه مفيده في حال اقدمت على شراء زوج دره نيبالي .. الله يوفقكم للخير وين ماكنتم |
رد: [ احتاج معلومات قبل الاقدام على شراء زوج دره نيبالي للضروره ]
وش ذا كل المنتدى مسير على الموضوع ولا احد يرد ؟ هذي وهي دره وشلون لو اسال عن شي نادر اجل :)
ياليت واحد عنده سنع يكلف على نفسه ويرد !!! |
رد: [ احتاج معلومات قبل الاقدام على شراء زوج دره نيبالي للضروره ]
لو اني لابس تنوره كان كل التماسيح نطو يفزعون واللي مايعرف يروح يسال ويقرا ويبحث على شان يرد علي ..
بس مشكلتي اني تمساح ما البس الا سروال طويل .. فعلى شان كذا ابطي عظم احد يدر علي ! يالله الدنيا ارزاق : > |
رد: [ احتاج معلومات قبل الاقدام على شراء زوج دره نيبالي للضروره ]
ههههههههههههههههه
بجاوب على الي اعرفه في حال حبيت اشتري جوز درة نيبالي .. هل هناك علامات ظاهريه للتاكد من كون الزوجين ذكر وانثى ؟ وهل هناك طريقه لتحديد العمر ! تحـديد العمر ماعرف الا ان الذكر اذا سار عمره فوق الـ 8 شهور يطلع له طوق اسود والانثى مايطلع لها شي والشي الثاني على اي اساس اقدر اقيم سعرها ! هل اللون يفرق واذا هناك تفاصيل اخرى مع ذكر رينج السعر ولا عليكم امر .. في حال كان الزوج وحشي او اليف اكــيد اللون يــفرق بالسعــر مـثلا الدره البيضاء اشوف سعرها بقسم البيع اعلى هل الطوق اللي على رقبه الطير يفيد باي معلومه ؟ وهل هناك دره غير نيباليه تأتي بحجم النيباليه ؟ يفيد بمعرفه عمره وذكر او انثى وهل ممكن تنتج في قفص كبير او تحتاج لمكان في السطح مثلا ؟ السطح برد بالشتاء حر في الصيــف احسن مكان تحطيها في غرفه مافيها احـد وحراره الغرفه تكون مو حاره ولا بـارده والقفــص اشتري كبيــر |
رد: [ احتاج معلومات قبل الاقدام على شراء زوج دره نيبالي للضروره ]
الله يعطيك العافيه اختي على الرد والمساعده قد ماتقدرين .. ويجعلها في ميزان حسناتك الشرهه على التماسيح اللي يدخلون ولا احد فكر منهم يرد او يساعد .. ونبي الهوايه تطور عندنا كلهم بياعين وشريطيه الواحد الظاهر يخاف يقول معلومه يحسب بيخرب سوقه ولا بينقص من رزقه .. الله لا يحوجنا الا لوجهه الكريم |
رد: [ احتاج معلومات قبل الاقدام على شراء زوج دره نيبالي للضروره ]
وعليكم السلام والرحمه
لا تلومهم ياخوي .. تلقى كلن لاهي بدراسته وشغله :) <~ يعني صدقني ! في علامه وحده تخليك تفرق بين الذكر والانثى .. الي هي الطوق الاسود موجود بالذكر وماهو موجود بالانثى ,, طبعا يطلع بعد البلوغ .. اسعارها للي مش اليف حول الـ 500 للحبه واذا اليف ممكن يوصل 1000 ريـال الدره النيباليه لها عدة انواع لكني ماعرفها ! في ببغا شكله قريب من الدره اسمه Blue Naped Click Here لكنه نادر عندنا من ناحية الانتاج ,, ممكن غيري يفيدك بالتوفيق ,, اخوك عبدالله |
رد: [ احتاج معلومات قبل الاقدام على شراء زوج دره نيبالي للضروره ]
الله يعطيك العافيه اخوي ماقصرت .. وتسلم على المعلومات المفيده
وعلى قولتك يمكن يذاكرون .. ياحسره :> يعطيك الف عافيه |
رد: [ احتاج معلومات قبل الاقدام على شراء زوج دره نيبالي للضروره ]
أهلاً وسهلاً فيك يـالـتـمـسـاح .أنا تمساح زيك ورديت عليك هذه صوره للذكر http://www.s-oman.net/avb/attachment...6&d=1270105582 وهذه صوره للأنثى http://www.omanibfs.com/uploaded4/6502_11274271719.jpg صورة للزوج http://www.omanibfs.com/uploaded4/6502_11274271903.jpg اللون في الدرة النيبالي واحد الي هو الأخضر إذا تقصد اللون الأبيض والأزرق والأصفر فيه الدرة الهندي والباكستاني والهولندي أفضل شيء أنا عندي زوج درة هولندي لونه رصاصي والجناح والراس زيتي بالنسبة للسعر ماعندي أي علم بالنسبة للزوج أولاً : اختر الزوج المناسب من ناحية الصحة والنظافة ولو يكونوا متوالفين مع بعض يكون أفضل ثانياً المكان يجب أن يكون مكان هادئ ودافئ نسبياً فيه نسبه بروده وأفضل طريقة لمراقبتهم بدون شعورهم >>>أنا أستخدم هذه الطريقة للدرة الهولندي ضع كاميرا مراقبة داخل الغرفة التي هم بها وسجل من الصباح إلى أن يتم إطفاء النور وشاهد التسجيل إذا لم يفعلوا أي شيء مثير امسح التسجيل وهكذا إلى ان تحصل على المطلوب الغذاء شكل لهم الغذاء وأعطهم خضار وفواكه الشبك يجب أن يكون كبير لكي يأخذو حريتهم فيه والعش يكون كبير >>عرض 35 وطول 35 وارتفاع 45 وإن شاء الله تشتري الزوج المناسب وينتجون عندك |
| جميع الأوقات بتوقيت GMT +3. الساعة الآن 05:32 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو