مرحبا ..
منذ 3 أشهر تقريبًا جئنا بذكر كناري إلى المنزل،في البداية لم يكن يغرد و لكن بعد أن اعتاد على الجو في منزلنا صار يغرد و يهرج البيت بصوته ..و منذ يومين تقريبًا أشفقنا عليه فأحضرنا له أنثى و ليتنا لم نفعل! فما إن رآها و سمع صوتها حتى توقف تمامًا عن التغريد و بالكاد نسمع صوته!
طبعًا عندما احضرناها وضعنا قفصها بجانت قفصه(قال حتى يعتادا على بعضهما بسرعة قال!) المهم الأنثى كثيرة الحركة و مرحة و بمعنى آخر انبسطت لأنو حطينا جمبو لهداك العمو! .. بس الذكر شايف حالو أو مو عاجبو الوضع و رح يجلطني ببلادتو! ما غردلها للمسكينة و لا شوي!.. و بعد ما شفنا ردة فعلو الغريبة إنو ما بيحاكيها إرتأينا إنو نفصلهم عن بعض .. و هلأ كل واحد فيهم قفصو بجهة .. و الحلو بالموضوع إنو الكناري الذكر رجع يغرد عادي .. :64: .. شو مشكلتو بالضبط؟ إنو مو حاببها متلاً و لا بدو وقت ليتعود على وجود شريكة إلو؟ و شو الاحسن نعملو حاليًا؟ أرجع قفصها جمب قفصو و لا أتركهم مفصولين عن بعض؟

يا ريت حلولكم تكون مبنية على أسس علمية و شي مدروس .. :)

و شكرًا مقدمًا ..