منتديات تو زوو - أين تضع ببغاءك في المنزل؟ .. وأين تتركه عندما تسافر ؟

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

أين تضع ببغاءك في المنزل؟ .. وأين تتركه عندما تسافر ؟

[B]السلام عليكم ...

كيفكم تو زوو ؟..... ان شاء الله طيبين وآكلين وشاربين ونايمين ؟ :12: <<< ايش عندك أخلصي ؟!!

احم احم ..

طبعا كلنا لازم نواجه دا السؤال لمن نشتري ببغاء جديد واول ما نجيبه عالبيت ؟؟

"فييين راح يكون موقعه ؟؟ "

البعض يحطه في الصالة و أظن الأغلب حتى ! ... على أساس يكون مع اهل البيت ويتعود عليهم
وناس تحطه في الممر ... اي ممر في البيت .. أو في المطبخ !! :o ... وبعضهم في غرفة النوم ؟؟:wao:

والله أنا عن نفسي أعاني .. (أو بالأصح درتي سوسي تعاني ) ..من اضطهاد في البيت :( ... محد يبغاها ولا احد طايقها !! ... اللي يقرف ! واللي عنده شكك نظافة !! ... واللي ينزعج من صوتها .. واللي واللي ...الخ

فالمسكينة من يوم جبتها وهي متنقلة ! من مكان لمكان مني عارفة فين احطها !!
والمشكلة كمان انو انا عندي حساسية ما اقدر أحطها في غرفتي :(

يوم أكون حاطتها في الممر بين الصالة والمطبخ ... أجي أنزل الاقيها اختفت !! :wao:
أسال أمي فينها ؟؟ !! .... تقلي شلتها وحطيتها في المخزن عشان لا تصحي النايمين بزعيقها !!! <<< ايش رايكم ؟!!

واحيانا ياحرام تقعد في المخزن ساعاات لأني اطلع غرفتي وأنسى ارجعها مكانها !!

آخر شي قالولي وديها الملحق !!! :eek: !! ووقت ما تبغيها روحي أقعدي معاها هناك !! <<احسها من جد منبوذة !!
بس عصبت انا وقلت لااااااء والله ما اوديها ! :mad::mad:

انتو ايش رايكم في ؟؟ وكل واحد يدخل يقلي فين موقع ببغاءه في البيت ؟؟
عشان يعني الواحد ممكن ياخد افكار :rolleyes:

____________

و الموضوع التاني هواا :p ... <<< [COLOR="rgb(153, 50, 204)"]يلا بسرعة طفشتينا :mad:

السفر ... السفر ... السفر << [COLOR="rgb(153, 50, 204)"]اكيد فاهمين قصدي خخ
أعرف ناس يحطوا ببغاءهم عند واحد صاحبهم ...

طيب أنا الى الآن الحمدلله ما واجهت دي المشكلة لكن حاواجهها عاجلاً أن آجلا لأنو اكيد حنسافر في وحدة من الويكندات ..

فابفكر من دحين ايش اسوي ... طبعا ما اظن انو في احد حيرضى يخلي درتي عنده ..
فعادي لو مثلا حطيتها اكل كثيييير وموية كثيييير وأخليها في البيت ... واغيب عنها يومين تلاتة .. يعني بس ويك إند عادي ؟؟ ولا تمووت ؟ :confused:

ابغى أحد جرب يقلي عشان أطمن ...

[COLOR="rgb(255, 0, 255)"]
وووبس سلامتكم :)
تقبلوا تحيتي[/COLOR]
[B]