|
ابي اشتري هامستر بس .. اخاف :(
، السلام عليكم ورحمة الله ، طبعاً انا عضوه يديده ، وعندي بعض الاسئله ، ان شاء الله القى الاجوبه عندكم ;) الصراحه انا افكر اشتري هامستر ، بس محتاره ومتردده ، سؤال اول ، انا ابي هامستر واحد بس يعني مب زوج ، شوالافضل الذكر ولا الانثى ؟ يعني الي يقدر يتم وحيد ؟ سؤال الثاني ، سمعت الهامستر تعض وانا خفت واااايد ، هل عضتها تعور ولاتنزل دم ؟ :( سؤال الثالث والاخير ، طبعاً انا بالامارات والجو يكون حار وانا بخلي الهامستر في غرفتي مع مكيف هل هالشي بيضره انه يكون في غرفه طوال العام ، يعني لا شمس ولاهوا نقي :( وبس اتمنى اني ماثقل عليكم ويالييت حد الي عنده خبره ومربي هامستر يجاوبني بإنتظار :) |
رد: ابي اشتري هامستر بس .. اخاف :(
ا ابي هامستر واحد بس يعني مب زوج ، شوالافضل الذكر ولا الانثى ؟ يعني الي يقدر يتم وحيد ؟
اذا تبغين ما يعض اشتري روسي ولكن الروسي ما يعيش الا في جماعات السوري عضته قوية _______________________________________________ سمعت الهامستر تعض وانا خفت واااايد ، هل عضتها تعور ولاتنزل دم ؟ السوري ينزل دم خفيف الروسي عضته تحسين بدغدغة _______________________________________________ طبعاً انا بالامارات والجو يكون حار وانا بخلي الهامستر في غرفتي مع مكيف هل هالشي بيضره انه يكون في غرفه طوال العام ، يعني لا شمس ولاهوا نقي خلي الشباك مفتوح عشان الهواء النقي _______________ اتمنى اني افدتك |
رد: ابي اشتري هامستر بس .. اخاف :(
انا ابي هامستر واحد بس يعني مب زوج ، شوالافضل الذكر ولا الانثى ؟ يعني الي يقدر يتم وحيد ؟
انثى طبعا .. سؤال الثاني ، سمعت الهامستر تعض وانا خفت واااايد ، هل عضتها تعور ولاتنزل دم ؟ بالنسبة للعض يعني قليل الهامستر الاليف يعض .. واذا عض يعض عضة عشان يذوق ممكن يحسب بيدك اكل مثلا ف ما تكون عضة قوية .. والسوري عضته اقوى من الروسي بكثير مثل ما قالك لطيف سؤال الثالث والاخير ، طبعاً انا بالامارات والجو يكون حار وانا بخلي الهامستر في غرفتي مع مكيف هل هالشي بيضره انه يكون في غرفه طوال العام ، يعني لا شمس ولاهوا نقي الهامستر حيوان ليلي ما يحب الشمس ولا يحتاجها ابداَ والمكيف ضروري للهامستر لأنه ما يتحمل الحر والهوا النقي بعد مو ضروري طول ما انتي تتنفسين هو يتنفس وطول ما الجو يناسبك يعني درجة الحرارة فهو يناسب هامسترك .. وانا انصحك انك تاخذي بنوتة سورية ..;) واذا كنتي خايفة من تكاثرهم وكذا خذي لك اثنين بنات روسيات :88: .. بالتوفيق ولا تخافين فديتك |
رد: ابي اشتري هامستر بس .. اخاف :(
حبيبتي عادي ما يخووف
اذا ما تريدي زووج خذي انثى سووري انا عندي وحده و عادي ما تعض ابدا انتي قولي لصاحب المحل اريد هامستر فرريندي و قبل لا تشتريه و تختاري واحد حطي يدك قريب منه و شوفي ردة فعله شرااني بيكون ولا اليف لان في بعض الهامسترات شراانياات شوي بس حتى و لو عشتها ما لذاك الزود يعني كأنها بتكون وخزة ابره و عاادي تحطيه في مكيف لان الهامستر اصلا يحب البررد بس ما يكون تبريد عااالي كثير و ما يمنع انك تفتحي شوي الشبااك عشان يتهوى بس ما تحطيه ع الشمس مباشره |
رد: ابي اشتري هامستر بس .. اخاف :(
اها ،،
تسلموون جميعاً عالردود والله ، تسلمين يعطيكم العافيه وربي يوفقكن ، والله ارحتوني شوي يعني زين انه مايحتاج شمس لانه شمسنا تشوي الناس ، ههههه بس سالفه العض للحين خايفه ، لاني مابي روسي ابي سوري >< ان شاء الله تكون طيبه وماتعض مثل هامستراتكم ، :) |
رد: ابي اشتري هامستر بس .. اخاف :(
انشالله يا رب
|
رد: ابي اشتري هامستر بس .. اخاف :(
باك
سؤال اخير انا محتاره بين انواع الهامستر بعضكم قال لي سوري والبعض روسي وانا ابي سوري لاني قريت كثير عنه بس ممكن تقولون نوع هالهامستر الي بالصوره http://www.funnypictures.net.au/user...rf-hamster.jpg وهذا http://media.urbandictionary.com/ima...mster-2501.jpg بس الاول وايد حلو وابي مثله شو نوعه ؟ :) |
رد: ابي اشتري هامستر بس .. اخاف :(
الاول نوعه قزم (Dwarf)
والقزم ثلاث انواع كامبل و ونر وايت و روبوفسكي .. ما ادي اي واحد فيهم اللي بالصورة بس عموما الونتر وايد والكامبل شبه بعض الخالق الناطق والروبو اصغر منهم شوية واللي بالصورة الثانية تحت سوري وانا اكر اللي شعره طويل صراحة ما احبه ابداً |
رد: ابي اشتري هامستر بس .. اخاف :(
الاول مثل ما وضحت لك تواازن و هو من نوع من انوااع الرووسي
و الثااني سووري |
رد: ابي اشتري هامستر بس .. اخاف :(
الصورة اللي فوق روسي و اللي تحت سوري و انا انصحك من تجربة السوري احسن مرررررررة اليف و يحب الانسان عكس الروسي لانه شرس و يعض انا كان عندي زوج هامستر روسي كانو يعضون دايم كنت اخاف منهم بعدين اخوي جابلي زوج هامستر سوري مررررررة حلوين وما يعضون ابد حتى اختي خلته يعضه تقول مرررررة ما يوجع.
و آسفة على الاطالة |
| جميع الأوقات بتوقيت GMT +3. الساعة الآن 09:57 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو