|
فزعتكم يا شباب تراني ما عرف وايد عن الحمام
السلام عليكم
بسم الله الرحمن الرحيم انا ناوي اربي حمام فقلت بيب قفص خشبي و بحطه بالسطح اللي اعرفه انه لازم اقص جناحهم و خليهم تقريبن اسبوعين بالقفص بعدين اهدهم الصبح و اسكر عليهم المغرب و اعطيهم العلف المخلوط من المطاحن و الاسواق و احط لهم ماي بس هل كل معلوماتي صحيحية؟؟؟؟ كيف اقص جناحهم ؟؟؟؟؟ انا ابي اربيهم عشان ينتجون و هواية بعد شو افضل نوع لي ؟؟؟؟ و هل عندكم اضافات او ملاحظات ؟؟؟؟ و ارجوكم اذا عندكم نصايح لا تبخلون اتريه ردودكم :confused::confused::confused::confused::confused::confused::confused: |
رد: فزعتكم يا شباب تراني ما عرف وايد عن الحمام
1- لا تق جناحهم لان هم راح يكونون في القفص
2- اشت زاجل حمام يدل البيت و ذكي 3- حط لهم ماي و اكل <شي اكيد 4- اذا كنت شاؤي حمام زاجل بعد 3 اسابيع علاشان يتعودون و طيرهم راح يفرون فوق البيت و المغرب راح يرجعون في القفص 5- اذا شريت غير الزاجل و طيرته راح ينحاش يهرب ما يرد ف احس الطيور الزاجل |
رد: فزعتكم يا شباب تراني ما عرف وايد عن الحمام
اخوي اماراتي انا في حمامي كله اسوي طريقه حلوه هي انك تشلع الريش من الجذور فقط 5 او 6 الريش الاولى
والماءوالسكر ماهي لازمه نعني يكفي مويه بس احسن شي تخليه يتمشى عند الباب وحول القفص نعني تفكها العصر وهي ترجعلك المغرب وبكذا تكون تعودت على الطلوع ثم الدخول وانشاء الله اذا طارات ماتضيع او تنحاش زي الحمام الزاجل احذر تشتريه ثم تطيره لان ماراح تشوفه قص الاجنحه مثل ماقلتلك مصع من دون قص القص في حاجه واحده زي الحمام الزينه علشان مايضيع بس للمشي وانا انصحك بمصع الريش السته الاولى مصع نعني تل او شلع وبعد شهر بالضبط سوف ينبت الريش بالنسبه لافضل نوع للهاويه فيه انواع مثلا الحمام الطيار او القلاب الطيار زي مثلا الهندي المعروف بالبكستاني والقلاب اشهر نوع عندنا في الخليج اتوقع القطيفي والباكستاني مثل ماقلتلك طياران عالي وممتاز وخفيف الجسم وانتاج جميل جدا جدا جدا لدرجة ان الصغيره تصبح بالغه وتتزاوج مع ذكر اخر وحضانه للفروخ لايعلى عليها والقطيفي جيد لابأس به ولاكن ليس مثل الباكستاني انتاج حلو وحضانه جميله وانصحك بحمام الزينه اذا كنت ماتبي الطيران والمهارات الهوائيه زي الباكستاني والقلاب القطيفي مثلا انواع الحمام الزينه عندك ابو فوطه الرقاص لونق فيس وغيرها من الانواع الجميلة الشكل اما انتاج حمام الزينه فغالبا متعب وليس جيد في الحضانه وخاصا حمام ابو فوطه متعب جدا في الحضانه لدرجه ان الانواع النادره تحتاج طيور حاضنه زي الزاجل الزاجل انصحك انتاج افضل من الباكستاني وحضانه هي الاولى بين الحمام كله والله انصحك فيه مسلي جدا اذا كنت تبغا المتعه نعني تعمل انت واصدقائك مسابقات مثلا تضعه بعد مسافة كيلوات سوف يرجعلك وذالك على حسب نوع ومستوى الطير بعضها تقطع الاف الكيلو مترات طبعا هاذا النوع غالبا غالي جدا بالنسبه لنصايح والملاحضات والله اكتفيت بهاذي الاجابات الطويله جد انشاء الله الاجابات فيها نصايح راح تلقا دور وتحصل انشاء الله واتمنى اني افدك وشكرررررررررررررررراا |
رد: فزعتكم يا شباب تراني ما عرف وايد عن الحمام
ماقصر الشباب
|
رد: فزعتكم يا شباب تراني ما عرف وايد عن الحمام
مشكورين و جزاكم الله خير بس انا بربيهم فوق البيت شو احسن شي يروح و يرجع
زاجل بكستاني قلاب شو ؟؟؟؟؟؟؟؟؟؟؟ |
رد: فزعتكم يا شباب تراني ما عرف وايد عن الحمام
والله اخوي انا بعد مثلك جاي فبالي اربي حمام وبلفعل ربية والحين انتضر الانتاج
|
رد: فزعتكم يا شباب تراني ما عرف وايد عن الحمام
هل الحمام الفرنسي الابيض او الكويتي او الباكستاني اذا هديتهم بعد 2-3 اسابيع يردون القفص؟؟؟؟؟؟؟؟؟
و اذا ابيع حمام وين اسوقه بالمحلات بسوق الحمام و لا لاشخاص تراني ماعرف حد يخصه بالحمام ؟؟؟؟؟ |
رد: فزعتكم يا شباب تراني ما عرف وايد عن الحمام
وينكم يا شباب ؟؟؟؟؟؟؟؟؟؟؟؟؟؟؟
|
رد: فزعتكم يا شباب تراني ما عرف وايد عن الحمام
ياخي اي حمام اذا هديته بعد شهر طبعا شهر المضمون ام 2 _ 3 اسابيع ماجربتها لاكن انصحك بشهر منها تخلي الحمام يتوالف مع المكان ومنها تفكه علشان يتمشى الا الزاجل طبعا وحمام السخور البري
الحمام الزاجل تفكه وخوصا اذا كان عطشان خطر انه يغادرك ويذهب الا صاحبه وخصوصا اذا كان قريب كم عندكم حمام الصخور اوالبري هو زي حمام الحرم الي في مكه تعيش في جماعات كثيره واذا ماتعرفه ابحث في قوقل عن الحمام الصخور او الحمام الحرم بالنسبه للبيع انا ماني اماراتي لاكن بقولك الي اعرفه عادي الي تبا شف الي في الحي والي في السوق الحمام والحراجات ولا على الهنود تراهم يحبون الحمام ولا على المزارع وشكرا |
رد: فزعتكم يا شباب تراني ما عرف وايد عن الحمام
نصيحتي اذا انت مبتدئ لا تربي زاجل لانه متعب شوي
افضلك القطيفي |
| جميع الأوقات بتوقيت GMT +3. الساعة الآن 12:21 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو