توته هزيلة وضعيفة شو الحل دخيلكم ساعدوني....
 

السلام عليكم ورحمة الله وبركاته

امس اخذت توته العيادة (كاسكو الرمادي الافريقي )

ومستمر معاها بالعلاج اللي وصاني عليه الدكتور بخصوص مرضها المنقار والريش

امس وزناها ونقص وزنها 50 جرام وقبل المرض كان وزنها 400 جرام ونزل 370 جرام وامس صار وزنها 330 جرام وصايرة ضعيفة وايد وخامله وما تتحرك بحيوية مثل قبل ولا تصدر اصوات

وصاني الدكتور اني ااكلها اكل فيه طاقة وفيتمينات عشان يقوي مناعتها ونصحني بالسريلاك حاليا لان كل الطيور تتقبله مهما كانت حالتها متدهورة بس قالي لفترة مب طويلة لان مضر اذا اعطيتها على الامد الطويل

ابي نصايحكم شو الاكلات اللي تنصحوني بها عشان امدها بالطاقة وعشان تقوى مناعتها ويرد لها حيويتها لان العلاج اللي اعطيها ما بيفيدها اذا كانت ما تاكل

اتمنى تردوا علي ولا تهملون سوالي

ربي يحفظكم ويرعاكم

اخوكم

شاعر الدمعه

رد: توته هزيلة وضعيفة شو الحل دخيلكم ساعدوني....
 

الله يشفي طيرك

وان شاء الله تلقى الرد الشافي من الاخوان

رد: توته هزيلة وضعيفة شو الحل دخيلكم ساعدوني....
 

أخوي جرب معاها الأطعام اليدوي وإن شاء الله باقي الاخوان يفيدوك

رد: توته هزيلة وضعيفة شو الحل دخيلكم ساعدوني....
 

المضادات الحيويه تفقد الشهيه
الخضروات نص سلقه
الفواكه
المكسرات وخاصة الفول السوداني
ضعف المنقار والريش سببه نقص الكلسيوم
وهذا موجود وبكثره بعضمة الحبار والتي تباع عند محلات الطيور شكلها زي الصابونه تثبت داخل القفص
ورخيصه 19 ريال