|
مو لاقيه اكل لثعباني؟؟؟؟؟!!!!!!!!!
ابي حل وش اسوي ؟؟؟
مرت 10 ايام عن آخر مره اكلت و السوق ما فيه لا فيران ولا صوص مو ملون بشتري لها هامستر بكره لو ما لقيت فار ولا صوص 55 ريال امري لله بس لو صار كذا مره ثانيه؟؟؟؟؟ وش الحل؟؟؟ و قد ايش ممكن تستحمل البورميس بايثن عمرها 4 شهور بدون اكل؟؟؟ |
رد: مو لاقيه اكل لثعباني؟؟؟؟؟!!!!!!!!!
اختي في طيور صغار ينباعون اشتري واحد و قولي للهندي الي يشتغل قص جناحه عشان مايطير
اتوقع انها تاكل الطيور و الثديات الي اصغر منها انا جربت امس اعطيهم صوص و كلو ومدام كلو صوص اكيد بياكلون طيور صغيره بنفس الحجم وفعلا انا سمعت انها تتحمل اكثر من 4 شهور والله اعلم |
رد: مو لاقيه اكل لثعباني؟؟؟؟؟!!!!!!!!!
انا قلت باخذ طيور بس كل المحلات يقولون لي ما تقدر تاكله لان عظمه مو زي الكتكوت
و الله اعلم استنى اجابه وافيه ان شاء الله احد يجاوب قبل لا يجي العصر لاني بلف كل محلات لحيوانات زي كل يوم ما ابي اشتري طير و انتف جنحانه و بعدين اقطه لها و تعصره و ما تقدر تاكله و يعيش معوق لين يموت بذمتي <<<<فلم هندي المهم انا ما ابي استاثم بالثعبان و لا الشيء الي راح ياكله ما شريت الثعبان علشان استمتع بعذاب حيوان ثاني <<<تنطر الاجابه |
رد: مو لاقيه اكل لثعباني؟؟؟؟؟!!!!!!!!!
ماكو الا العافيه مدام اصغر منها بالحجم
أنا شايف ببرنامج ان الثعابين ممكن انها تاكل تمساح اصغر منها بس تطول عمليه الهظم مستحيل عظم الطير اقوى من التمساح أنا من ناحيتي اشوف ان اهم شي حجم الطير هل تقدر تبلعه ولا لا عذبي الطير ولاتعذبين ثعبانك ههههه مسكين جوعان |
رد: مو لاقيه اكل لثعباني؟؟؟؟؟!!!!!!!!!
والله مسكين كاسر خاطري
اطلعه و العب معاه و اسبحه عادي ما يعض ولا شيء مع انه متعود كل 7 ايام ياكل مخلوق طيب بزياده و دايم ظالمينه اقنعتني ماراح يكون عظمه اقوى من التمساح انا تو قاعده ادور باليو تيوب شفت بورميز بايثن 12 قدم يعني 3م و 66سم تاكل وزه كبيره 9 ساعات 3 ساعات بس على الجنحان توكلنا على الله لو ما في فار ولا صوص شرينا عصفور |
رد: مو لاقيه اكل لثعباني؟؟؟؟؟!!!!!!!!!
^
مو مشكله المده عادي ^^ انا عندي بول بايثون قعدتها شهرين بدون أكل :D ما عض ولا شي و مره كنت موكله قبل 3 ايام أشيله و يعضني ذيك العضه على ويهي -_-" الحيايه ما تهاجم عالجوع خصوصاً الي بحجم صغير . . و عادي شنو يعني لو عظم عصفور ؟ بإيدي أطحنه ! أساساً لما يكبرون أكلهم خنازير و هالسوالف و ينهضم عادي ~ و ترى الهضم بالكبيره و الصغيره نفس الشي < نفس الشي ما أقصد الحجم يعني -_-" بس ينهضم عادي لا تخافين :) < لا تنسين تصورين لنا مقطع نادر دوم وبر ولا هامستر فار كتكوت فري مو وايد نشوف عصفور XD لو تاخذين طيور الحب بعد أحسن < يبي يزيد التشويق :D |
رد: مو لاقيه اكل لثعباني؟؟؟؟؟!!!!!!!!!
لاتنسين تقولينلنا شصار معاج و لو تصورين على قولت اخوي بايثون احسن وأحسن
بانتظار الرد :)) |
رد: مو لاقيه اكل لثعباني؟؟؟؟؟!!!!!!!!!
هلا اختي مو مشكله توكلينه عصفور
عادي بس وش بتوكلينها تمساح التمساح غالي وممكن لاسمح الله يقتل الاصله اولا كبير ثانيا فكه مايرحم او انه سسبب لها جروح عادي العصفور مو مشكله انا اكلها فيران او عصافير زيبرا او بس انتبهي توكلينها ضفادع لان لايجوز قتل الضفادع لان الله كرم الضفدع مثله مثل النمل او الهدهد |
رد: مو لاقيه اكل لثعباني؟؟؟؟؟!!!!!!!!!
والله انا اول مره اسمع ان الضفدع زي النمل و الهدهد
اخبر العنكبوت و النمل و الهدهد مو ماكلتها تمساح بس الاخ جاسم يعطيني مثال اووووك راح اجيب له من طيور الحب و بصوره ولا يصير خاطركم الا طيب بس لا صار في زعفرانتي شيء بذمتكم <<<مسميتها زعفرانه يلا شوي و رايحه افتر على محلات الحيوانات الله يعين |
رد: مو لاقيه اكل لثعباني؟؟؟؟؟!!!!!!!!!
يديده سالفه الضفادع هذي... اخوي ياريت تتاكد من المعلومه بصراحه انا اول مره اسمع بهالشي
وياريت هم اي احد عنده خلفيه بهالموضوع يشاركنا فيها عشان تعم الفايده |
| جميع الأوقات بتوقيت GMT +3. الساعة الآن 07:04 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو