|
اسألة حول الكروان ؟
السلام عليكم طابت اوقاتكم عندي كروان يقولون عمره اربع سنوات ! المهم هذي بس معلومة انا مو مهتم بالنسبة للعمر ! كوكو الان بدأ يعرفني اكثر من اي واحد من الاهل :88: واحس انه يحس انه انا صاحبه .. :shy: .. واليوم هو يومه الرابع في البيت تلخبطت علي الامور : واحد يقول زوجه ... وصراحة انا ما اريد ازوجه الان :p واحد يقول خليه بالقفص مسجون الى ان توصل مرحلة لما تدخل يدك في القفص ما يحرك ابدا "وانا سمعت ان حبس الكروان المنفردفي القفص كثيرا يعود بالضرر عليه .. والضرر انه يقلل من موالفته للبشر" :( واحد يقول قص جناحه وخله بالبيت يفتر على كيفه حتى يتوالف مع البيت وجو البيت اكثر :freind: واحد يقول ابدأ بترويضة باسرع وقت حتى لا تخسره :rolleyes: واحد يقول قص جناحه ورجعه بالقفص ! :( >>>> قلت له ما سوينا شيء واحد يقول شنو تسوي له سوي لكن الان لا تحممه ! واحد يقول اصلا لا تقص جناحه شنو اسوي ؟ :64: انا شبه قررت اني اقص جناحه واخليه بالبيت يفر على كيفه واروضه .. شنو رايكم ؟ لاني مبتدأ ! شي ثاني : البارحة قرأت موضوع بالنت رسلي الرابط واحد من اصدقائي ، يقول انه لو ردت تروض اي نوع ببغاء حتى تتخلص من "العض" بشكل كامل على القفاز او على يدك تخلي عسل ، لما الحيوان راح يعضك يحس انه في حلاء شوي شوي راح يبطل هالعادة .. وصاحب الرابط يقول انه جربه مع الكاسكو يقول خلال يومين الكاسكو بطل يعضه ، هل هذه الطريقة تنفع الكروان ؟ ام ان العسل يسوي مشاكل للكروان ؟ وبعد شنو عندكم نصيحة ثانية بخصوص الترويض والتدريب افيدوني :) طبعا كرواني ذكر :) :88: وانا الان جالس اكتب الموضوع وهو جالس يشوف علي :p لا تحرمونا من ردودكم |
رد: اسألة حول الكروان ؟
السلام عليكم ورحمه الله وبركاته ^^ سن اربع سنواات نصيحه مني لك تتركه للإنتاج لأن الترويض مو صعب ولا سهل في هذا العمر افضل شئ الإنتاج في هذا السن وانت بكيفك ..! يعني لو بتقص جناحه يبي له وقت لين يتروض لأن هذا السن يبي له شغل افضل سن للتدريب هو ماتحت الـ 7 شهوور اي فرخ وسن 4 سنوات يعني يكون فحل شديد يقدر يسيطر عـ الإنثى بسهوله ؛،؛ بالنسبه لطريقه العسل انا جربتها ونفعت بس انا كآن كرواني ولييف يعني مو شرس وجربتها كآن يبي له جلسه وحده بس وانت يبي لك عـ الأقل 3 الى 5 جلسات اي سبووع انت عـ كلامك اخترت الترويض لذلك ربي يوفقك ويسهل عليك ولا تطول في الترويض ولكن لازلت اصر على ان عمر اربع سنوات افضل للإنتاج ليس للترويض والخيار الأول والآخر لك انت مو لي تقبل كلامي بصدر رحب ّ لك َ . أجمل تحيهـ . |
رد: اسألة حول الكروان ؟
Dark.Love
وعليكم السلام والرحمة والاكرام والله يا اخي بالنسبة للانتاج ان شاء الله اكيد بس انتظر الراتب يجي وازوجه :) ونعمل له عرس بالمنتدى :12: بس المشكة انه ما عندي مكان هادئ بالبيت حتى يتزواجون :( بس انا قلت احاول اروضه اخليه يتوالف قبل الزواج والانتاج طبعا هو فعلا فحل شديد .. وقح :D والله عض اخوي عضة ما شفت قبلها .. طلع دم يعني بصراحة زرف اصبعه:D:wao: ممم زين يعني اكيد لازم استخدم طريقة العسل ثلاثة الى خمسة جلسات .. يعني 15 الى 25 عضة احصل :eek: :( زين انا اذا قصيت جناحه .. بعد كم يطلع له ريش جديد ؟ يعني يرجع الجناح طويل ؟ وهل قص الجناح يؤثر على التزواج ؟ وهل الترويض يؤثر كذلك على قدرته للتزواج ؟ >>> اذا هو تروض ! واتمنى من الاعضاء ان يشاركونا الموضوع:) شكرا |
رد: اسألة حول الكروان ؟
اقتباس:
اهلا اخوي انه راي من راي الاخ دارك لوف من لافضل انك تخلية للانتاج ولكن يمكن ترويضة ولكن المسئلة بطول اشوي لانه كبير في العمر وراح اكون عنود بس ما في شي مستحيل اتدأ بجلسات الترويض المكثثفة وان شاء الله تلقى نتايج تسرك. وبالنسبة لتساولاتك الى في الاخير اجوبتها كتالي: *اذا قصير الجناح راح اطول على ما بال يطلع مكانة ريش جديد لاانه لابد من الريشة المقصوصة تموت من جذورها وتسقط لحالها وبعدها ينموا ريش جديد مكانها يعني المسئلة يمكن تصل على 5شهور او اكثر على ما بال يطلع له ريش طويل نف قبل. *جواب السؤال الثاني مدوج مع اجابة السؤال الاول الريش المقصوص ماراح يطول *والسؤال الثالث طبعاً قص الجناح له تأثير على التزاوج والتلقيح كذلك لانه الجناح يشكل ادات توازن للطير اثناء عملة التلقيح. *اما السؤال الاخير الترويض مالة تأثير على التزاوج بل راح يرجع الطير وحشي مثل قبل بس مو نفس الوحشية التي كان فيها في بداياته. |
رد: اسألة حول الكروان ؟
زوجة في هذا العمر بسرعة لان كبير وما بياخذوا وقت في الانتاج والتزاوج لان الآن موسم الانتاج وخذة له انثى بالغة وتالي درب فراخة
|
رد: اسألة حول الكروان ؟
اقتباس:
اقتباس:
آسف عـ التأخير راح عن بالي الموضوع وان شاء الله تستفيد مني ومن الأعضاء الأكثر خبره مني لك َ . أجمل تحيهـ . |
رد: اسألة حول الكروان ؟
طبعا عندي شوية اخبار مو حلوة عن كرواني :(
اليوم هو مريض الصراحة يمكن صارله يومين مريض بس ما كنت اعرف لكن اليوم عطيناه علاج وان شاء الله يتحسن احم احم راح نجيب له انثى :12: من راح يجيب طيوره يروحون خطابة لكوكو يجيبون له نثية :shy: اليوم اللي راح يجيب لنا النثية شاف كوكو وقال انه هذا "شايب" >> 4 سنوات شايب :confused: >> يا غرابة عالم الطيور المهم قال هذا بسرعة راح يتوالف مع اي نثية تجيبها له ويتزاوج معاها بسرعة :freind: ما راح نقص جناحه ولا نروضه ننتظر يجيب لنا عيال :88: شكرا للمساهمين معي في الموضوع طبعا اليوم اخذت صور جديدة لـكوكو وان شاء الله اليوم انزلها بالمنتدى في موضوع جديد :) سلامي ;) |
| جميع الأوقات بتوقيت GMT +3. الساعة الآن 11:03 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو