منتديات تو زوو - مشكلة / مشاغبات / تبول

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - مشكلة / مشاغبات / تبول (http://www.2zoo.com/vb/showthread.php?t=180530)

مشكلة / مشاغبات / تبول

السلام عليكم و رحمة الله

أخواني انا شريت قط قبل ٦ - ٧ أشهر تقريبا ، و حتى اول ما خذيته كان عمره ٥ او ٦ اشهر .. يعني الان عمره سنه وشهرين تقريبا ..
كتبت اول ماخذيته عن كيفيه الاعتناء فيه و الحمد لله اتبعت كل الطرق و النصائح و طول هالفتره كان القط يتعلم أكثر و أكثر و انا بصراحه تعلقت فيه كثير رغم اني ما أحب القطط بس هذا مادري ليش تعلقت فيه بقوه و هو متعلق فيني كثير - يلازمني بكل مكان ، و لمن ارجع من العمل يركض و يجلس يدور حولي و يمسح بجسمه علي رجلي لين احمله او العب معاه و حتى وقت النوم لابد ينام بحضني اول و بعدين ينتقل لمكان نومه و يكمل نوم.

انا مو بخلان عليه بشي ، ٣ وجبات باليوم - احممه كل فتره و انظفه - مهئ له حوض نظافه و انظفه كل فتره باستمرار .

المشكله عندي تكمن في حاجتين : لعوب بزياده ، كنت اراعي انه صغير بالسن و يحب يلعب بس بصراحه مازال مستمر بالمشاغبات ، يركض في كل مكان في البيت طوال الوقت و ينط فوق الطاوله او الكنب و يرجع ينط لمكان ثاني ، يعني مسبب ليي قلق هههههههههه ، و بعض الاحيان يلعب بالعض (ينقلب على ظهره و يبيني امسك بطنه عشان يعض ) بس ما يعضني بقوه بصراحه ، يعني ما يألمني العض و لكني انزعج من هالحركه .
و احيان يركض وراي و ينط على رجلي يعضها بشويش و يهرب هههههههههه .

قبل شهر جاه اسهال شديد جداً ، لدرجة توترت و ماعرفت ايش اسوي و للاسف مافي بيطرين متخصصين في منطقتنا للحيوانات الاليفه ، فعالجته بنفسي (ادويه اطفال) بجرعات مناسبه لوزن القط .و راح الاسهال منه .
بعض الخبراء قالوا لي (بسبب موسم التزاوج) << هل هذا صحيح؟

انتهيت من مشكله الاسهال و الآن عندي مشكله كبيره و هي إنه يبول خارج الحوض الخاص فيه .
مثلا يجلس على الكنب و يبول ، او يركب فوق الطاوله و يبول ... قرأت ان مشكله البول هي بسبب التجديد في المنزل او تغير مكان الحوض او بسبب اني ما اعامله صح او اني سبب له توتر .. بس كل هالامور ماهي موجوده.
قال لي البعض ايضا (انها مشكله موسم تزاوج) و ان الذكور تبول في ارجاء البيت لتحديد منطقتها .

أرجوا تعطوني من نصائحكم و خبراتكم في تربية القطط :)