![]() |
الببغاء والماء الحار
كان فيه واحد " على نياته " ... جرّب يستثمر أمواله ! وكان عنده ببغاء يتكلم .. لكن مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ... راعيه ضاق صدره ... وقرر ياخذ الببغاء لمدرب الطيور علشان يعدّله .... : يا مدرب الطيور .. شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني قال المدرب : ما عليك .. خلّه عندي كم يوم ... ولما راح راعيه .. جاب المدرب " سطل " مويه حاااارة .. وحطه قدامه .. وسأل الببغاء .. : أنا مين ؟! قال الببغاء : أنت صديق الغبي ! .. وينزله المدرب في المويه الحاااره ثم يطلّعه .. ويسأله .... : أنا مين ؟ قال : أنت صديق الغبي ... وينزله في الموية مرة ثانية .. ثم يطلعه .. : أنا مين ؟ .. وعلى هالحال .. حتى تربى الببغاء وتسنّع ... أخيرا .. قال له المدرب .. : أنا مين ؟! قال الببغاء : أنت صديق أذكى واحد في العالم .. ويوم جا راعي الببغاء .. قال المدرب : تفضل اسأله .... قال راعي الببغاء .. : أنا مين ؟! قال الببغاء : أنت مين ؟! وهذا سؤال !! .. أنت الذكي .. إلا أنت أذكى واحد عرفته في حياتي ! قال له راعيه : .. طيّب .. وإذا لعبت بفلوسي على كيفي ؟! قال الببغاء : .. هذي فلوسك .. من عرق جبينك .. تسوي فيها اللي تبي .. قال : طيّب .. إذا دخّلت فلوسي عند " هابتكو " ؟! قال الببغاء : ممتاز .. حركة استثمارية في غاية الذكاء .. ومن أذكى واحد في العالم ... : طيّب .. وإذا دخلت فلوسي عند " الجمعة " ؟ .. : طبيعي .. تنويع استثماري .. من أذكى واحد في العالم ! : طيّب .. وإذا دخلت فلوسي عند " ابن حسن " ؟.. : ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم ! : طيّب .. وإذا دخلت فلوسي عند " العيد " ؟ .. : عادي .. وزي ما يقولون " حشر مع الناس عيد " .. صحيح إنك أذكى واحد في العالم ... : .. طيّب .. وإذا دخلت فلوسي في الأسهم ؟! قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم ! |
رد: الببغاء والماء الحار
ههههههههههههههههههههههههههه
الله يعطيك العافيه |
رد: الببغاء والماء الحار
ههههههههههههههههههه ضحكتني
|
رد: الببغاء والماء الحار
هههههههههههه
قوية : .. طيّب .. وإذا دخلت فلوسي في الأسهم ؟! قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم ! |
رد: الببغاء والماء الحار
ههههههههه قفلت معه
|
رد: الببغاء والماء الحار
يسلمو ع الموضوع ياقمر
تحياتي لك ,, |
رد: الببغاء والماء الحار
هههههههههههههههههههههه ماهو شي و الله
تسلم يالغالي على الموضوع |
رد: الببغاء والماء الحار
ههههههههههه حلووووووووووووووووووووووووه
|
رد: الببغاء والماء الحار
حلوة خخخ
الله يعين الي في الأسهم بس |
رد: الببغاء والماء الحار
يعطيك الف عافيه على الموضوع الطيف
|
جميع الأوقات بتوقيت GMT +3. الساعة الآن 11:46 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو