|
سؤال لخبراء الكاسكو
السلام عليكم
بما أنّه أوّل سؤال لي بالمنتدى العجيييييييييييييييييب ( نمسك الخشب ) عن الحسد :) ، مع إنّي شاركت جم مرّة بردود بسيطة على بعض الأعضاء لتحقيق الهدف من إنشاء منتدانا ( حلوة منتدانا يعني صرت منكم و فيكم اذا تقبلوني ؟ :think: ) ، عموما ً ألحين أبي رايكم لأنّي بشتري لي كاسكو لأوّل مرّة في حياتي و أحد الأسباب منتدى الطيور في المنتدى - السؤال : قرأت في إحدى المشاركات في هالمنتدى الطيّب بأنّ الحجل الذهبي للكاسكو الذكر و الفضّي للأنثى ، بينما قرأت في مشاركة أخرى بأنّ الحجل الذهبي للكاسكو الهولندي الدرجة الأولى و الفضّي للدرجة الثانية ؟ لحقوا عليي و فيدوني قبل لا أشتري و أتوهّق يا عيال الحلال :confused: للمراقبين و المشرفين منّي أجمل تحيّة و السلام ختام. :) |
مشاركة: سؤال لخبراء الكاسكو
حبيبي اولا انت واحد ومنا من اول ماشاركت وبخصوص الحجل ترى مو شرط اللون لايقصون عليك كلهم واحد واتحدى اي واحد يقول غير هذا الكلام اشتر الطير الزين الي تشوف صحته زينه ونظرتة حلوه وخل عنك سالفت الحجل لن مامنها فايده
|
مشاركة: سؤال لخبراء الكاسكو
ارحب فيك واهلل وهذا مكانك قبل كل شي
اما بخصوص الحجول الفضيه والذهبيه فاعتقد توضع فقط لمعرفه من اين تم استيراد الطائر ان كان من افريقيا او هولندا ومنكم نستفيد |
مشاركة: سؤال لخبراء الكاسكو
حياك الله اخوي الحجول تبين ان الطير تفقيص مزارع فرديه او مزارع كبيره ولها فائده اذا كان مبين عليها عمر الطائر وبعدين تراها من جنوب افريقيا وليست من هولندا وعند الشراء تأكد من صحة الطير وعمره ان شاء الله بدون حجل وعسى عمرك يطول |
مشاركة: سؤال لخبراء الكاسكو
حياك الله أخوي بمنتداك ...
والمكان مكانك... بالنسبة للحجل انا مع الشباب اخذ اللي صحته زينة وتشوف حركته نشيطة.... |
مشاركة: سؤال لخبراء الكاسكو
السلام عليكم
مشكورين على قراءة الرسالة و الاجابة على الاستفسار يا أخواني كل الشكر لكم : ( الاستاذ - الأربش - تاكو و نيفادا ) و بالتوفيق يا شباب |
مشاركة: سؤال لخبراء الكاسكو
بسم الله الرحمن الرحيم
هذي اول مشاركة لي حالي حال اخوي الهاوي وعلى فكره اهوا اللي دعاني وبصراحه قدر..... ان يفر راسي والحين انا ودي آخذلي واحد صغير وادربه شوي شوي بس عندي زحمه بالبيت بلبل ومينا وان شاء الله ياي الثالث وبروح اشتريه معاك يالهاوي اشقلت ؟ |
مشاركة: سؤال لخبراء الكاسكو
على فكره اخوي الهاوي ترى ماراح اشتري كاسكو إلا اذا غلبتني بالسنوووووووووووكر يا SteeV .....
|
| جميع الأوقات بتوقيت GMT +3. الساعة الآن 03:09 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو