منتديات تو زوو - بعد ما أخذ ((نشبه)) كاسكو ((ابو عزيز)) شوفو وش صار ياجماعه

بسم الله الرحمن الرحيم

أخوتي الكرام طالما احسست ان الجزء الاول من سالفة ابو عزيز وخويه نشبه نالت رضاكم حبيت اني

اضع لكم اخر الاحداث التي حدثت لهل جماعه

طبعا في نهاية القصه ان خوينا نشبه أخذ الطير من ابو عزيز وابو عزيز قلبه يتمحط على طيره

بعد ما راح نشبه واخذ الطير من ابو عزيز ووداه للبيتهم

طبعا خوينا نشبه مبسووووط ومستانس بالطير حط الطير بالمجلس ونام معه عشان الطير مايستاحش

طبعا الطير هنا طااايرن قلبه ومتعلقن في سقف الشبك وعيونه بتتناتق وحس في نفسه بان الرجال موب مظبوط

وان السالفه ماهيب ماره على خير والحياة مستحيله مع ها الرجال و ياهو في ولا انافي هاالبيت

اصبح الصبح طلعت شمس الشموسه حس نشبه ان الصبح طلع مع ان ماله ساعتين نايم بس نقز

وعلى طول دس خشته بين حدايد القفص , طبعا الطير هنا مازال متعنقط في السقف وعين مفتحه وعين مسكره

بس صادفت ان نشبه خش في الجهه الي فيها الطير مسكر عينه شوي الا والطير مفتح ويشوف ذا

المناخر الي ناشبه بين الحديد عاد هو من بعيد ومهوب طايقه ها المره في عريني ويعطيه ذيك القرطه سواله عملية

تطريز في الانف صرخ نشبه وسحب خشته بسرعه الكاسكو هنا بنص عين يطالع وده شايله المجرى التنفسي كله بس المره الجايه ان تيسر الامر

راح نشبه يركظ يبي يحط الاكل اكتشف انه ماعندهم حب للكاسكو قام وتذكر فصفصهم فصف خالته حصه الرطب الي في الفريزر وحطله في البوادي حقته وصب له
الما من مغسله وحطه

الكاسكو هنا قام يبحلق في نشبه ووده يقوله سلامات

نشبه يبتسم للكاسكو

الكاسكو هنا يطالع بنص عين ويشيح وجهه عن خوينا نشبه ويردد في داخله الله على ايامك يابو عزيز ارخصت بي وانا اعزك

لكن وش سالفة ها الرجال من هاصبحيه لانام ولا خلانا ننوم

شوي ولا نشبه مسوي يلقن الطير اسمه

نشششششششششبه قل قل نشششششششششششبه

الطير يطالع وش يبي ذا

ونشبه مستمر في ترديد اسمه نشششششبه نشششششبه

الطير يطالع بتعجب الحين من زينك ومن زين اسمك تبيني اقوله

الطير هنا حس ان مافي فايده مع ذا الادمي وسالفة التعلق في سقف القفص والاشكل والخامس الي معطيه اياه ماتنفع معه لانه بدون احساس

وقال الكاسكو في نفسه انا قايل انا قاااااااااااايل هل رجال موب صويحي يامنفتق راسه وولا مفصلن سلوكه

نزل الطير من السقف ووقف على الخشبه وتمغطله مغطتين وقرب نشبه وجهه للقفص وقال نشششبه

الطير نزل من الخشبه ووقف على الباديه وقرررب وجهه من خشة نشبه وهو صارن عين ومطيرن عين وقال

عزيز ......

هنا نشبه استغرب بس رجع وقال لالا نششششبه

الكاسكو : عزيييييييز

نشبه انهار ليش مايقول اسمي لعب علي ابو عزيز يقول انه سريع التلقين ويحفظ بسرعه رجع نشبه للمحاوله مره ثانيه قل نششششبه

الكاسكو وبنص عين وبتحدي وقال :عزيييييز

هنا نشبه علق يقول اسمه
نشبه : نشبه
الكاسكو :عزيز
نشبه :نششششششششششششبه
الكاسكو :عزيييييييييييييييييييز
نشبه :نون شين باء هاء ن ش ب ه
الكاسكو :عين زاء ياء زاء ع ز ي ز

نشبه انهار وقما يخبط يديه ورجليه بالارض ويقول للطير

تكفا قل نشبه قل نشبه

الطير تاكي على ظهره وحاط رجل على رجل ويضحك عزيز عزوز عزوزي عزازيزو

ونشبه ياعين امه اانقهر من ها الطير قهر اتصل بسرعه على ابو عزيز

رد ابو عزيز قاله نشبه انت لعبت علي الطير مايقول اسمي

ابو عزيز لجم لسانه وش يقول ذا الخبل هو الي ماخذ الكاسكو بالغصب وبدون دراهم ويقول لعبت عليه ويبيه يتعلم ويتلقن يتكيف في ساعتين

ابو عزيز يا ابن الحلال توك ما خذ الطير مالك الا ساعات وتبيه يحبك ويولفك بها السرعه اتقي الله ياشيخ

هنا نشبه مستمر في الردح انا مع ابي الطير ابابيعه اببييييعه ايوم في سوق الحماااام بيااااع

ابو عزيز انهااااااااااار انهااااااااااار من ها النشبه يعني من طمعه ماخذ الطير بالغصب وبييعه وصاحب الطير يبي طيره

حسبي الله عليك يانشبه كانك قهرت ابو عزيز

طبعا السالفه ماخلصت هنا لان به جزء ثالث وش بيصير في سوق الحمام وش بيسوي نشبه وابو عزيز كيف ينقذ طيره الغالي من ها البيعه

طبعا انا شفت ان الموضوع اعجبكم قل لاضير من الترفيه بموضوع مفيد للاخوه الكرام وكتابة التكمله

للقصه السابقه وانا هنا اشكركم اخوتي الاعزاء على دعمكم وتشجيعكم لي الف شكر لكم

الى اللقاء اذا تسمحون لي بلقاء اخر مع نشبه