استفسار بخصوص القفص
 

وش رايكم يا اخوان شريت كاسكو يجعر بس اذا احد قريب منه
ومن دخل بيتي وهو على الاستاند برا القفص ولا يطير ولا شي
وش رايكم احطه بقفص احسن والا اخليه على الاستاند له كم يوم على الاستاند وما يتحرك
الا للاكل والشرب واذا قربنا منه يبداء يجاعر
طبعا عمره فوق السنتين
وش رايكم الوضع طبيعي والا لا وهل احطه بالقفص ام لا.
وبعد وش ياكل الكاسكو غير الحب
ولكم جزيل الشكر

رد: استفسار بخصوص القفص
 

أفضل شيئ يكون في القفص بس يكون في مكان مرتفع
لأن الكاسكو يحب يراقب و ياخذ على المكان
أول ما جا عندنا كان داخل القفص بس كنا حاطينه فوق طاولة عادية ... فكان مستوى ارتفاعه عادي
و كان مررررة يخاف و يصرخ .... و لما خليناه فوق مرة , صار مرتاح
و لو انه قلب المكان و الأثاث اللي فوق كله ريش , بس خف صراخه و بعد شهر بدأ يصفر و عادي و نزلناه عندنا .

والله أنا كل شيئ ياكله , الفول السوداني و البطاطا المقلية و الشبس العادي ( برينقلز و و الخ )
و حتى السبكيتي يحبها , الفواكه ياخذ الطعام اللي داخل , نسيت وش تسمونه ( البذر اللي داخل الفاكهة )
و لا ياكل الفاكهة نفسها , و الشرب يحب الكولا كثير .

أحس الشيئ الرئيسي بالنسبة له الحب الشمسي و الفول السوداني ... يعني يوميا
و الباقي نوع له خلال الأسبوع .

رد: استفسار بخصوص القفص
 

مشكور الله يسلم قلبك على المعلومات
بس ممكن استفسار
ليه نحطه في القفص احسن
احس انه وهو برا ماخذ راحته, وبد ما يجاعر كثير
اول كان اذا مرينا من عنده يجاعر الحين لا
يعني يبدو انه متحسن
واذا نحطه في القفص ازين ليه وكيف احطه في القفص.

رد: استفسار بخصوص القفص
 

كنت أقصد أفضل له في القفص حتى يكون فوق و يحس بالأمان
بس بما أنك قلت انه ما صار يصرخ فشيئ حلو .. ماشاء الله

رد: استفسار بخصوص القفص
 

الطير يحبب انه يكون في قفص وفي مكان جلوس الاسرة ومرتفع 2 إلى 2.5 متر ويكون معلق على الجدار ليستطيع التعرف على الاشخاص ويحس بالامن وهو مرتفع ثم يصبح اخراجه من القفص مكافأة بين فترة وأخرى

وتستطيع ادخاله في القفص بمد خشبه وصعوده عليها ومن ثم ادخاله في القفص المناسب له