|
الحـقوووو تكفووون ! ! ! !
السلام عليكم و رحمة الله و بركاته ~
,, انا صار لي تقريبا ً اسبوع و انا عندي الرمادري و امس و اليوم دايما يعطططس ! ! ! :wao: > انفلونزا @_@ الله يخليكم شنو اسوي ؟؟؟ و انا اليوم حاولت اروضه بس انه بطريقة ( التسميد ) يعض الفوطة و يالله يالله قلت للخدامة ترجعه القفص ,, و انا اوكله من القفص من ايدي عااادي طبيعي و امسكه عن طريق خشبة ضعييبفة ( عصا خشبية ) امسح رقبته يستانس و يرتاح بس ايدي ما يرضى الا بالعصا ,, :( ,, وانا الحين خايفة لا يكون مريض ع فكرة انا صارت فيني انفلونزا مثله يعني انه عداني :eek: ارجوووكم شلون اعالجه ؟؟ اوديه البيطري ؟؟؟ و لا العطاس شي طبيعي من الببغاء ؟؟؟ ارجوكم والله انا بحاجة لنصايحكم ساعودني واكون شاكرة لكم كل الشكر ,, |
رد: الحـقوووو تكفووون ! ! ! !
ع البركة الطير
طريقة التمسيد انا ضدها بصراحة علميه ياكل من ايدك وعلميه يطلع على اليد وهو لو كان ياكل من اليد يعني فيه ثقة شوي طبعا اسهل شي يتعلم الطير الطلعة على اليد ومن الأفضل تبدأي فيها عشان انتي بعد يكون لك نوع من التمرين على التعامل معاه طلعي له العصا اللي يوقف عليها "المجثم" وهو فوق القفص وحاولي تخليه يتعود عليها وخلي يدك ثابته وحركاتك هادئة بدون اي حركات مفاجئة بتلاحظي الطير كلما له يهدأ اذا طلع على العصا قولي له " شاااااااطر " بهدوء ورجعيه على القفص واعطيه مكافأة وكرري التمرين 15 الى 20 مرة وخلي الطير يرتاح وتذكري ان الطير يحب يطلع من المكان الى مكان اعلى ، يعني لو تحطي العصا بمستوى منخفض ماراح يطلع وبعدين خذي عصا ثانية واذا طلع الطير على العصا علميه انه يطلع من العصا على العصا الثانية واذا سوى الحركة تكوني قطعتي ثلاثة ارباع المسافة عوديه يتنقل من العصا للعصا الثانية وخليكي رافعه العصا فوق مستوى الراس وبعدها تقدري تبدأي تخلي الطير ينتقل من العصا على ذراعك وتكوني لابسة كم طويل يمكن يترد الطير بس لا تيأسي وعلى فكرة الطيور تحب تنتقل من المكان الى مكان اعلى منه فخلي ذراعك اعلى من العصا وقربيها منه راح يطلع وطول الوقت شجعيه " شاطر شاطر " وبكل هدوء ولا تحركي يدكم كثير وخلك ثابتة وهادئة بدون خوف لأن الطير يخاف اذا حس بخوفك وعلميه من العصا الى الذراع الى العصا مرة اخرى وبها الطريقة بشكل يومي بيصير كلما حطيتي يدك امامه على طول يطلع ويبي لك من يقص لك اظافر الطير او يبردها وترى الطريقة اسهل من السهولة وراح تتفاجئي لسهولتها دربت بها اغلب طيوري اسف للإطالة وبالتوفيق |
رد: الحـقوووو تكفووون ! ! ! !
اما العطاس يمكن بسبب البرد
اذا الطير نافش ريشه وخامل لابد يروح للبيطري اما اذا عطاس فقط ونشاطه طبيعي واكله وشهيته مفتوحة يمكن تتفاجئي انه يقلد عطسة احد سمعها الله اعلم |
رد: الحـقوووو تكفووون ! ! ! !
اذا تحسينه تعبان وديه البيطري و اذا نشيط و كل شي عادي بس يعطس خلاص عادي بس أنصحك عطيه فصه ثوم
|
رد: الحـقوووو تكفووون ! ! ! !
اضن مااحد يقدر يشخصص حالته الا البيطري
|
| جميع الأوقات بتوقيت GMT +3. الساعة الآن 10:10 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو