منتديات تو زوو - السلااام عليكم

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - السلااام عليكم (http://www.2zoo.com/vb/showthread.php?t=161680)

ريم الشوق

30-05-2010 03:22 AM

السلااام عليكم

السلام عليكم

اخواني ابا مساعدتكم

اختي عندها قطوه حامل..وهي من النوع التركي...وعمرها حول 9 او 10 شهور..

ومن كم يوم وصلتني قطوه من النوع الامريكي شورت هير..وكل يوم ضرابه..وهذيك القطوه المسكينه طول الوقت برررع وقطوة اختي داخل..فكيف اخليهن يستأنسن بعض؟؟؟؟؟
ياليت اللي عارف يفيدني..وابغي طريقه سهله وغير معقده نفس اللي فالانترنت..:shy:

هل تنفع طريقة اني احبس القطتين كل وحده فقفص خاص لها..لاكن الاقفاص تكون بجنب بعض؟؟؟؟؟

دلوعةقطوتي

30-05-2010 03:59 AM

رد: السلااام عليكم

يقولون هالطريقه حلوه ومفيده انا بصراحه مره وحده دخلت قطوه مع قطوتي وتهاشوا فاضطريت اني اطلع الجديده واعطيها ناس كل الا زعل لوووني انتي جربي الطريقه ومو خسرانه شي

ريم الشوق

30-05-2010 04:12 AM

رد: السلااام عليكم

لا المشكله ان القطوه الاولى ماهي بقطوتي..فاخاف يستوي فوحده شي عقب اندم فيستحسن اني اخلي كل وحده فقص خاص

لكن الغريب فالامر..من فتره فمحل الحيوانات كان حول 7 او 8 قطط فقفص واحد وكانن ساكتااااااااااات ومايتضاربن رغم انه القفص صغير يعني يالله انه يتحمل قطتين

دلوعةقطوتي

30-05-2010 04:39 AM

رد: السلااام عليكم

على حسب التعووود وعلى حسب اذا القطوه متعوده انها لحالها تعيش فالبيت تغار وماتتقبل احد يجي معها وبعض القطط اليفه مع اي قطط ثانيه مابيفرق الوضع معها

خبيرهـ الحيوانات

30-05-2010 07:44 PM

رد: السلااام عليكم

عليكم السلآم
هلا خيتو ..
انا انصحج انك تخلين قطوة اختج الحامل في غرفة وقطوتج في غرفة لان ممكن يتضاربون او يتذابحون وبعدين لاقدر الله ممكن يصير في قطوة اختج شي وهاذي خطر عليها لانها حامل .. فـ ممكن تخلينهم مع بعض لو ولدت (( لازم تراقبينهم ))

الله يوفقج وان شاء الله قطوة اختج تولد بالسلآمهـ وتييب لج احلى كيتنز .. ;) :)
..
..
..

الخبيرة ناديا

31-05-2010 04:53 AM

رد: السلااام عليكم

الافضل انك تاخذين القطط وتخليهم مع بعض فتره اسبوع

وقصصي اضافيرهم حتى مايجرحون بعض.

وكلها اسبوع وراح يتعودون على بعض ومافيه اي مشكله او خطر

لان كل القطط يخافون من بعض ومايستانسون بدري لازم وقت.

والمهم انك تخليهم بغرفه لمده اسبوع مع وضع الاكل والشرب والليتر بوكس معاهم

ومشترك بينهم.

وطمنيني

ريم الشوق

31-05-2010 10:44 AM

رد: السلااام عليكم

تسلمووووووووووووووووون والله

مشكورين عاد كيف اقص اضافرهم مدددددري
الله يعيني ع التشميخ خخخ

خبيرهـ الحيوانات

31-05-2010 06:42 PM

رد: السلااام عليكم

هلا ريم ..
اوكـ موو مشكلة اذا انتي ماتعرفين تقصين اضافرهم ،، وديهم البيطري وهو بيقصهم ..
دمتي بخير
^^
..
..
..

الخبيرة ناديا

01-06-2010 03:21 AM

رد: السلااام عليكم

طريقه القص سهله

لفي القطه بمنشفه اذا كانت من النوع الخواف او العصبي

وطلعي يد وحده وابدي قصي لاكن..فقط الى عند اللون الزهري

لانها عروق واذا قصيتها راح تاذينها.

وهاذا مقطع مهم راح يفيدك:

http://www.youtube.com/watch?v=99PtaOQbBIY

ريم الشوق

02-06-2010 08:58 AM

رد: السلااام عليكم

مسكت القطوه وجيت بقص ضفرها شعرها مغطي ويت بقص طرف من الضفر متاكده اني مادخلت ع اللحم نططططططت وزعقت وبعد جي 10 دقايق شفت الضفر مب مقصوص خوفتني ع الفاضي..خخخ

ع العموم مشكورين القطوه الامريكيه عطيتها صديقتي وقطة اختي مسيطرة تماما على البيت لووول

ماتقصرون والله

جميع الأوقات بتوقيت GMT +3. الساعة الآن 06:19 AM.