|
ضروووري لاهل الخبرة يجاوبوني
السلام عليكم
انا شريت قطة عمرها شهرين ياليت تعلموني وش الاكل النسب لها ومواعيد الاكل لاني اول مرة اشتري قطة والقطوة بتجي بكرة ياليت تشرحون لي بالشرح الممل وسوال ثاني القطه هل لها موعد محدد للنوم واذا مالها موعد محدد كيف اعرف اذا هي تبي تنام وياليت تعطوني اسم لها هي انثى واسف على الاطالة |
رد: ضروووري لاهل الخبرة يجاوبوني
بالنسبه للنوم مالها مواعيد ولاشي متي مابغت نامت
وتري تنام كثير علي فكره لدرجة انك لو تجلس تصحيها ماتصحي بسرعه وبعدين حاول انها ماتنام جنبك لان ممكن تتقلب بالنوم وتطيح فوقها وانت ماتدري انا قطوي ساعه عند رجلي وساعه عند يدي ويلصق فيني واخاف عليه صراحه فانتبه من النقطه ذي بالتوفيق يارب |
رد: ضروووري لاهل الخبرة يجاوبوني
الف مبروووك وتتربى بعزك والنوووم هي تنام وقت ماتبي ونومها كثير والاكل اكلها الاشياء الخفيفه والطريه ولاتاكلها تونه ابدا مو موكويسه اكلها اي شي بدون دهون او جلد ويكون مفتت ناعم او مفروم واكلها جبن وزبادي بس لاتكثر وللاسم فيه اسم كيشااو اسم فلافي لو عجبك
|
رد: ضروووري لاهل الخبرة يجاوبوني
القط قبل الفطام والذى يحتاج وجبة مساعدة بجانب لبن امه ــــــــــــــــــــ وجبتان (سيريلاك وجبن مثلثات)
القطة من مرحلة الفطام شهرين او شهرين ونصف _________ اربع وجبات مقسمة على اليوم( دجاج مسلوق او سمك خالى من الشوك او لحم مفروم مطهى او طعام خاص بالقطط الصغار جاهز ) .... القط من اربع شهور ــــــــــ ثلاث وجبات يتناول كافة الاطعمة حتى المنزلية ماعدا الممنوعات .... من ست اشهر الى فوق الثلاث اعوام ــــــــــــــ وجبتان فقط وسط النهار وليلية( الليلية هى الرئيسية ) ومن الثلاث اعوام تكون وجبة واحدة فقط القطة الحامل والمرضع ـــــــــــــــــــــــــــــــ ثلاث وجبات كاملة العناصر القط المصاب بالاسهال ـــــــــــــــوجبة واحدةفقط مع الاكثار من المحاليل ومنع منتجات الالبان القط المصاب بالامساك ـــــــــــــ وجبة واحدة مع الاكثار من نتجات الالبان والخضر المسلوقة ومنع البقول القطط كبيرة السن ـــــــــــــــــــ وجبةواحدة والافضل ان تكون مهروسة ومفتتة وبها كل العناصر الغذائية[/frame] يجب ان نفهم ان ترك الطعام للقط لياكل منه فى اى وقت وهو مايزيد من وزنة مفهوم خاطىء فعلى العكس القط الذى يوضع له الطعام فى مواعيد محددة يكون اكثر صحة فاذا اتم الاكل واظهر علامات الشبع وهى الابتعاد عن الطعام وتمشيط الشعر باللسان والنوم يجب فورا ان نقوم برفع الطعام واذا به باقى يتم تغليفه ووضعه فى الثلاجة يجب ايضا ملاحظة كم الطعام الذى ياكله فاذا ترك فى الطبق باقى طعام يجب ان يتم تقليل الكمية الموضوعه له بنفس الكمية الزائدة التى تركها واذا التهم كل مافى الطبق يجب ان يتم زيادة الكمية المقدمة له شيئا فشيئا للحصول على الكمية المظبوطة ارجو ان اكون قد استطعت افادتكم وشكرا |
رد: ضروووري لاهل الخبرة يجاوبوني
الله يعطيكم العافية وماقصرتوا
بس عندي سؤالين شاغلين راسي الحين كيف اقدر اخليها تتأقلم معي في البيت واخليها تحس بالأطمئنان بسرعة؟ وثاني شي الحين لو القطة نائمة اطفي النور عليها والا اخليه شغال لاني والله اخاف اطفيه عليا وتقوم في الليل وتخاف .؟ واسف على الازعاج |
رد: ضروووري لاهل الخبرة يجاوبوني
عشان تتاقلم معاك حسسها بالحنان لانها طفله ولازم دايم تكلمها بشويش ولاتصارخ او ترفع صووتك عندها عشان ماتخاف ولعبها كثير وعادي اذا نامت تطفي النور لان القطاوه يشوفون بالظلام بس انتبه لاتدوس عليها وانت ماشي في الظلام
|
رد: ضروووري لاهل الخبرة يجاوبوني
السلام عليكم
مبررررررررررووك على القطوة إذا تبيها تتأقلم ألعب معاها وخلها تنام معاك بنفس الغرفة بالطريقة هذي راح تتعود عليك إن شاء الله وعلى فكرة القطاوة بالعمر هذا تحب تلعب بكثرة والحمد لله أنك جبتها وهي عمرها شهرين لو شاريها أصغر كان ممكن أنت وأربعة غيرك يلعبونها تتعبون وهي ماتتعب لووووول (: وإذا على اللمية عادي خلها تنام بالظلمة معاك بس إذا خليتها بروحها بالغرفة لا تطفي الليت أنت عارف الحيوانات الأليفة بشكل عام طبعها اجتماعي ما تحب تكون بروحها فأنك تطفي الليت وهي لحالها بالغرفة يكون بمثابة تعذيب يسببلها خوف وربكة وعليك بالألعاب سو لها كرة من القصدير (قصدير عادي كوره بإيدك) وقبل ما أنسى قطها عدل لين تنام وكل ما تتكشف رد وقطها عدل أتمنى إني فدتك بالتوفيق إن شاء الله |
رد: ضروووري لاهل الخبرة يجاوبوني
الله يعطيكم العافية
|
رد: ضروووري لاهل الخبرة يجاوبوني
انا قبل كم يوم صارت عندي قطوه اول يوم جبتها فيه ماأكلت حاولت معها لدرجه اني ماقدرت أنام خفت يصير لها شيء بس اللحين ماشاءالله عليها تاكل و متعبتني باللعب غير عن أول يوم جبتها فيه ^_^ بس مشكلتي عودتها عالنوم في سريري :( و مبروك القطوه اخوي ابو معتق:) يعطيكم العافيه |
| جميع الأوقات بتوقيت GMT +3. الساعة الآن 06:26 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو