|
اللي عنده خبره عن التفريخ يدخل الله لايهينه
السلام عليكم ورحمة الله وبركاته
انا عندي كروان انثى بالغة شريتها من شهرين تغرد ماشاء الله وتقول فواز وتطقطق وتاكل من اليد بس ما تسمح لي أمسح على راسها .. المهم ودي اجرب انتج بس ماعندي اي خلفيه عن الانتاج وان ماخاب ظني انتاجهم طوال العام بسأل اللي جربو الانتاج وياليت يجاوبون علي اقدر اجيب اي نوع من الكروان ؟ وهل يشترط يكون أليف وبالغ ؟وهل ياخذ وقت على ما يتوالفون على بعض ؟ تتغير الانثى عليّ و ماعاد تقول اللي علمتها عليه اذا جبت لها ذكر؟ عندي قفص صغير مستطيل اقدر افتح بابه واحط صندوق صغير للتفريخ يكون من برى ؟ لو حطيت صندوق التفريخ بغرفتي او بالصالة عادي مع وجود شوية ازعاج؟؟ واقدر انظف القفص اذا كانت الانتى ترقد على البيض؟ اخر سؤال تنصحوني بتفريخ الكروان ؟ سهل ؟ واجهتو صعوبة اثناء التفريخ ؟ و واجهتو فساد البيض والامور هذي وكيف اتفاداها ؟ وسوري على كثرة الأسئلة :shy: :D |
رد: اللي عنده خبره عن التفريخ يدخل الله لايهينه
اقدر اجيب اي نوع من الكروان ؟ وهل يشترط يكون أليف وبالغ ؟وهل ياخذ وقت على ما يتوالفون على بعض ؟
جميع الانواع تتزاوج مافيه مشكله ’ لا مايشترط يكون اليف لكن يجب يكون بالغ لا مايخذون وقت لكن على حسب تهيئه المكان لهم ومدى جاهزية الزوج وتوالفهم على بعض ممكن ياخذون اسبوع على مايتوالفون او اسبوعين بالكثير وبعض الطيور على طول تتوالف تتغير الانثى عليّ و ماعاد تقول اللي علمتها عليه اذا جبت لها ذكر؟ اغلب الطيور الاليفه بعد التزاوج والحضن تكون شرسه لكن ترجع بسرعه ترجع اليفه اذا تروضت من جديد عندي قفص صغير مستطيل اقدر افتح بابه واحط صندوق صغير للتفريخ يكون من برى ؟ عفواً مافهمت السوال لكن يفضل قفص الانتاج يكون كبير وواسع ويكون صندوق التفريخ كبير عشان الطيور تاخذ راحتها .. لو حطيت صندوق التفريخ بغرفتي او بالصالة عادي مع وجود شوية ازعاج؟؟ واقدر انظف القفص اذا كانت الانتى ترقد على البيض؟ ازعاج مثل صوت التلفزيون ازعاج خفيف جداً مافيه مشاكل لكن اذا الطيور تشوف الناس رايحه وداخله وهذا يصرخ وهذا يتكلم تحتهم :D ماينفع ابد لانه راح يحس بالخوف بالنسبه لتنظيف لا متنظفينه طول فترت الحضانه حتى موعد فقس البيض حين فقس البيض يتم تنضيف القفص ’ وفي فترت الحضان بس تحطين لهم المويا والاكل وتمشين اخر سؤال تنصحوني بتفريخ الكروان ؟ سهل ؟ واجهتو صعوبة اثناء التفريخ ؟ و واجهتو فساد البيض والامور هذي وكيف اتفاداها ؟ تفريخ الكروان سهل جداً للي يبي طبعاً وعنده طولت بال مافيه صعوبات ان شاء الله اكيد فساد البيض يحصل لكن طريقة تفاديه مراعات متطلبات الزوج ووش يحتاج ووش يبي واهم شي بالانتاج ( صبر ~> هدوء ~> غذاء سليم ) وان شاء الله تشوفين فروخهم لكن اختاري الذكر المناسب والبالغ .. وينقل الموضوع لقسم الاساله .. بالتوفيق ’ |
رد: اللي عنده خبره عن التفريخ يدخل الله لايهينه
مآ قصر آخوي الآسد في الآجوبه يعطيه العآفيه...
وآنآ آنصحكـ بتفريخ الكروآنـ لآنوو ترىا جدآ سهلـ.... مو زي بآقي الآنوآع من الطيورٍ... وآي آستفسآر عنـ آي شئ في التفريخ حآظرينـ وبالخدمه يالغلآ لكـ ودي وزود آحترآمي ..:: آبو رآكآنـ ::.. |
رد: اللي عنده خبره عن التفريخ يدخل الله لايهينه
الاسد الملك
ماقصرت جزاك الله خير سهلت علي المهمه :) ابو راكان يعطيك العافية ماقصرت الله يسعدك آخر سؤال اقدر اطلعهم برى القفص عشان اقدر اشوف فيه بيض بالعش او لا ؟ وقص جناح الطيور يؤثر على عملية التزاوج؟ الفيتامينات ضرورية للطيور ؟ اذا ضروريه فيه فيتامين محدد او عادي اي نوع؟ بالنسبه للتكييف ماعندي غرفه فاضيه مكيفه عادي احطهم بغرفه مو مكيفه او يأثر عليهم الحر ؟ :( معليش أسئلتي كل مالها تكثر :D |
رد: اللي عنده خبره عن التفريخ يدخل الله لايهينه
اقدر اطلعهم برى القفص عشان اقدر اشوف فيه بيض بالعش او لا ؟
- لآ طبعاً ماتقدرين اذا طلعتيهم احتمال خلاص مايرجعون للبيض - طريقة الكشف على البيض اذا شفتي الطيور كثر تواجدهـ بالصندوق التفريخ ويجلس لمدهـ طويله - يعني على وشك وضع البيض او وضعوه عندها افتحي الصندوق حين خروج الزوج من الصندوق - ولا تفتحين الصندوق وهم موجودين داخلهـ - لان ممكن يكسر البيض او يهجر العش .. - ولا تكثرين فتح الصندوق لان الازعاج يسبب لهم خوف ويتركون العش واهم شي الهدوء وقص جناح الطيور يؤثر على عملية التزاوج؟ - لآ مايأثر الفيتامينات ضرورية للطيور ؟ اذا ضروريه فيه فيتامين محدد او عادي اي نوع؟ - افضل الفيتامينات الطبيعيه ( الفواكه بشكل بسيط جداً لكي لا يسبب لهم سهال ) ( اعزكم الله ) - الخضار ( الجرجير ’ الخس ’ البقدونس .. ) - البيض بالبقسماط بالنسبه للتكييف ماعندي غرفه فاضيه مكيفه عادي احطهم بغرفه مو مكيفه او يأثر عليهم الحر ؟ - اهم شي الغرفه يدخله الهواء ومهو مشكله يدخله بشكل مستمر - ويكون القفص في ظل معليش أسئلتي كل مالها تكثر - خُذي راحتك اختي كلنا نفيد ونستفيد |
رد: اللي عنده خبره عن التفريخ يدخل الله لايهينه
اخوي بس بسألك سؤال
انا كرواناتي مافي هدوء بس دخولهم إلى العش مستمر هل سيبيضوا؟ |
رد: اللي عنده خبره عن التفريخ يدخل الله لايهينه
كروانو
الهدوء مهم لكن اذا كانت طيورك اليفه مافيه مشكله لكن اذا هي غير مروضه هذا فيه مشكله |
| جميع الأوقات بتوقيت GMT +3. الساعة الآن 04:45 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو