السلام عليكم ورحمة الله وبركاته ...

راح اخش في الموضوع طوالي ...
انا عندي درة كانت ولووفة ولما سافرت في الاجازة الاسبوع اتحولت 180 درجة ..
انا لما رجعت صارت تعض.. ولما ادخل يدي في القفص تشرد.. وما صارت تجلس على يدي من يوم ما احطها على طوول تطيييييييييييييير وتروح على كتفي... ولما اعطيها اكل من يدي ما ترضى تاكل لدرجة اني شلت الاكل عنها 9 ساعات وبرضوو مو راضية تاكل ... بس لما اخلي الصحن حق الاكل تجي وتاكل اما انها تاخدو مني وتاكلو لا على طووول ترميه ...

اللي ابغاه منكم الله لا يهينكم ..
1/ كيف اخليها ترجع ما تعض ؟
2/ ما تصير تشرد لما ادخل يدي في القفص ؟
3/ لما تجلس على يدي تجلس وما تطير لو ايش صار ؟
4/ كيف اخليها ترجع تاكل من يدي ؟
5/ وابغى شي اكافئها فيه غير الحب الشمسي ؟؟
6/ ابغى كل ما اناديها تجيني يعني لما افتح القفص واقولها تعالي تجي على طول ؟

والله اني عارف اني تعبتكم معايا بس والله ما لي غيركم بعد الله ..

تقبلوو تحياتي ..