|
فيديو ,, هل الكاسكو حقي مريض ؟؟
بسم الله الرحمن الرحيم
السلام عليكم ورحمة الله وبركاته المكتوب مبين من عنوانه صورت الكاسكو حقي له يومين وهو على هالحاله بس يعني مو على طول لما يشوفني عنده يسوي كذا اذا رحت سكت :64: ولما يجي ينام شوي يسوي كذا بعدين يسكت طبعا قلت بموضوعي اللي قبل انه له يومين ما عاد ياكل حبوب دوار الشمس الا كم حبه بس اذا كثر 5 حبات اكلته رز عجبه ياكل نوعا ما بس كميه بسيطه سويت له بطاطا وجزر مسلوق اكل منه شوي تفاح ياكل لقمه لقميتن ونفس الشي مع الكمثرى قبل شوي اكلته بسكوت شاي بللتهبمويه اكل شوي مويه يشرب الحمد لله واحط معه مذاد حيوي بودره وعندي فيتامين علبه تقطير من بكرى ببدأ استخدمه لانه ما ياكل كثير فايش تنصحوني وعندي سؤال عندي اكل طيور الكوكاتيل واكل للكناري ينفع احط له منه ؟؟ وايش احط له اكل طبعا عمره حول 7 شهور |
رد: فيديو ,, هل الكاسكو حقي مريض ؟؟
يعطيك العافيه ومشاء الله على طيرك حلو فرخ صغير، بس ياريت ماتمنع عنه الاكل لو لنصف ساعه لانه طفل،، واحب اقول لك حط له الحبوب لو ياكل بس خمس حبات غير له كل يوم حط له جديد الاكل ولاتغير مكان الاكل مره يمين مره يسار لا ،، وكل يوم اقطع له قطعه تفاحه لو ماياكل بس علقها له في القفص وحاول انك ماتلعبه في هذا السن ولاتطلعه كثير من القفص لغايه 20 يوم كي ترجع صحته وعافيته من بعد الفطام وليش تحط له مضاد وفتامين المهم الحين لاتقطع عنه المضاد والفتامين لغايه ماتشوف الطير في صحه وعافيه وانا ضد اي شي غير طبيعي لطيور وخصوصا المضادات ولكن استمر عليه لين بعد 20 يوم،، واي نصحيه تراني حاضر اخوك محمد،،
|
رد: فيديو ,, هل الكاسكو حقي مريض ؟؟
هلا اخوي يعطيك العافيه ع المعلومات
هذا انا الحين قاعده اسوي له بيض مسلوق وشسوي لازم اطلعه من القفص والا ينهبل ويصير يحفر برجوله ويضرب بالقفص يبي يطلع بس برضوا ما قلت لي هل طريقته هذي اللي بالفيديو طبيعيه ؟؟؟ مع العلم ان مافي اي افرازات عند خشمه ومنطقة الاخراج نظيفه |
رد: فيديو ,, هل الكاسكو حقي مريض ؟؟
ماشالله تبارك الرحمن
الطير حلووو وجميييل اهتمي فيه وابعدي الطير عن التيراات الهوائية بالنسبه للصوت عادي لانه فرخ صغير وبالتوفيق يارب |
رد: فيديو ,, هل الكاسكو حقي مريض ؟؟
اختي كيف صحه الطير ؟ هل هو يمشي يلعب يعضض اصابعك ؟ وبرازه كيف جاي شكله ؟ اول مره اسمع هذا الصوت والله يستر ياليت لو تودينه لبيطري احسن لك |
رد: فيديو ,, هل الكاسكو حقي مريض ؟؟
تسلم يوفاوي وما قصرت
======================= د. احتراف صحته تمام ويلعب ويعض ويطير بالبيت عادي وكل شي مام بس اليوم لاحظت شوي ان برازه شوي سائل عن امس واخضر |
رد: فيديو ,, هل الكاسكو حقي مريض ؟؟
الحمدلله اذا كان الطير يعلب شي حلو ومعناه انه مافي شي ولله الحمد والبراز يعتمد ع الاكل انتي امس ايش عطيتيه اكل ؟ |
رد: فيديو ,, هل الكاسكو حقي مريض ؟؟
انا اشوف طبيعي ، لكن عيلك بالاهتمام به وخليه يحفر لاتطلعينه لين بعد 20 يوم،، واخذي بعد بنصائح الاعضاء،،
|
رد: فيديو ,, هل الكاسكو حقي مريض ؟؟
الحمد لله يارب
امس عطيته على العصر رز مسلوق واكل شوي واخر الليل عطيته بسكوت شاي مبلول بمويه وحطيت معاه شوية عسل وعلى العشاء اكل شوية كمثرىكم لقمه بس ============= اخ سماوي تسلم وخلاص ان شاء الله اني ما راح اطلعه كثير من القفص |
رد: فيديو ,, هل الكاسكو حقي مريض ؟؟
مرحبا
كيفكم الحمد لله اطمنكم كوكو بخير رجع طبيعي وصاير شيطون شوي شكله اخذ على جو البيت ما يركد بمكان وصار ياكل طبيعي وبالعكس احس شهيته انفتحت ما يمديني احط له شي الا بثواني يقضي عليه :D بس حبيت اسألكم وهو بهالعمر 7 شهور ايش اللي ممكن ياكله وما يضره ؟؟ ياليت تفيدوني بهالشي شي ثاني بالنسبة للكلام هو من هالعمر يتدرب بس بستشيركم بشي اممممم هل ممكن اسجل صوتي واشغله له مثلا لما ما اكون عنده لان وبكل صراحه صوتي راح وانا اعلمه على اسمه :confused: واليوم لاحظت له تصفيره يقلد الكوكاتيل حقي بس تصفيره وحده واللي خلاني الاحظ هالشي انه طلعها ناعمه مو مثل تصفيره مزعج فهل الطريقه هذي تنفع اني اسجل له صوتي والهدف من هالشي انه بس يتعلم اول مره وبعدين اصير ادربه انا والا ابقى على تدريبي له ؟؟ |
| جميع الأوقات بتوقيت GMT +3. الساعة الآن 01:27 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو