|
الحقوووني تكفوووون ... طيري بيروح من يدي .!!
السلام عليكم ورحمة الله وبركاتة ..
مساكم / صبحكم الله بالخيير .. بدون ما اطول عليكم ابي مساعدتكم ككل موضوعي باين من عنوانة طيري ما أدري وش فيه اليوم مو طبيعي أمس لاحظت أنه ما له صوت ابد .. واليوم الفاجعة .. طيري راحت قوتة وصار ضعيف جدا حتى حاولت ازعله واخوفة ابيه يعضني ماقدر وبالغصب يتحرك حركته مرررررة قليله ... والله اني خايف عليه ما ادري وش فيه . تكفووون يا أهل الخبرة قولو لي وش الحل . والله نفسيتي تعبت .. وخايف عليه من المووت توني شايفه يدخل راسة كله داخل الأكل حقة ولا يتحرك |
رد: الحقوووني تكفوووون ... طيري بيروح من يدي .!!
وعليكم السلام ورحمة الله وبركاته عزيزي هل طيرك فيه اسهال او زكام؟ راقب البراز اذا تشوفه سائل شفاف مثل الماء بنسبة عالية ونقطة او خيط اخضر فهذا يعني انه مصاب باسهال والاسهال يفقد الطير الرغبة في الاكل وايضا يفقده قوته ويكون في حالة خمول انصحك لازم توكله بابرة الغر اشتر له ذرة + باليله (حمص) المطبوخ الجاهز واخفقهم في خلاط الي للعصير مع اضافة قليل من الماء حتى يكون نام وثقيل شوي وقم بغر الطير اربع مرات حتى يعود الى وضعه الطبيعي تحياتي |
رد: الحقوووني تكفوووون ... طيري بيروح من يدي .!!
الله يعطيك العافية .. ماقصرت
لكن بالنسبة للبراز . انا ملاحظ انو ثقييل ومصفر شوي الله يستر... |
رد: الحقوووني تكفوووون ... طيري بيروح من يدي .!!
اخوي ممكن نعرف نوع طيرك وعمره
|
رد: الحقوووني تكفوووون ... طيري بيروح من يدي .!!
أهلين اخوي محماس . آسف ما أطلعتكم على الطير ..<< لا تلومه من زوود الفجعه..
الطير كاسكو . أفريقي محجل وعمرة تقريبا داخل على 9 شهوور وترى الحين طالع فووق القفص ومنزل راسه وجسمه على القفص . |
رد: الحقوووني تكفوووون ... طيري بيروح من يدي .!!
اخوي مر معاي نفس الحاله بطيــر غيني..
السبب ديدان بالبطن.. ولازم تأكله بالابره..والا لاقدر الله بيموت..وحاول تاكله بالقوه ..وطمنا عليه |
رد: الحقوووني تكفوووون ... طيري بيروح من يدي .!!
عمره دخل على 9شهور
يعني لون عينه رمادي ماهو اسود؟ طيب خيوو الطير وش اللي متغير عليه؟ المكان متغير؟او الجو متغير؟او الاكل ؟ وهل تعرض الطير لأي تيارات هوائيه؟او انت روشته قريب؟؟ |
رد: الحقوووني تكفوووون ... طيري بيروح من يدي .!!
اخوي ..
ماصار ولا شي من اللي ذكرتة وهذا اللي مجنني ... |
رد: الحقوووني تكفوووون ... طيري بيروح من يدي .!!
والله غريبه عالعموم وانا اخوك انا لاني بيطري ولا اقول لك اني عالم لكن مربي طيور ومحترف ومعاشر الطيور من مده ماهي بسيطه وبنصحك بطريقه مجرربه وفعاله وانا استخدمها دايما فيه علاج عند البيطريين مضاد حيوي اسمه اسبكتولين <<وتأكد انه مايكون صناعه اردنيه لأنه اذا اردني فهو المقلد مو الاصلي>> واعط الطير مقدار1.5سم بالفم واذا تعبان مرره خلها2سم بأذن الله بتلاحظ التغيير في حاله الطير خلال ساعات بسيطه المهم لاتكرر العلاج بالفم مره وحده وبس بعدها خلها2سم في المشربيه حقت المويه لمده5ايام والله يكتب لك الاصلح هذي صوره للعلاج http://www.2zoo.org/get-3-2010-2zoo_org_v04b88ul.gif اتمنى لطيرك الشفاء العاجل وطمني عنه عن طريق الرسايل الخاصه <<اذا الله نفعك به وتعافا طيرك لا ابي منك مدح ولا شي كل اللي ابيه منك قوله((الله يرحم والديه ويحرمهم عن النار))وبس>> |
رد: الحقوووني تكفوووون ... طيري بيروح من يدي .!!
ماقصرتو الله يعطيكم العافية .. تعبتكم يا أخواان ...
الطير مات .. والله سهران معه طول الليل ما ادري وش اسوي له والمشكله انو ماكان فيهه اي بيطري في ذاك الوقت .. طلعت فيه ادور اي مكان للطيور .. لكن لأسف مالقيت الكل مقفل .. الله يعوضني خير .. والحمد لله على كل حال أشكركم على إهتمامكم .. أخوكم ( تركي ) |
| جميع الأوقات بتوقيت GMT +3. الساعة الآن 11:28 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو