|
يا ليت الكل يتفاعل مع موضوعي بليييز
السلام عليكم ورحمة الله وبركاته اشلونكم يا اخواني وخواتي الاعضاء حبيت اطرح عليكم مشكلتي وهذي مو اول مره اكتب الموضوع بس للاسف ان المشكله مستمره لحد الحين وما ابي اطول عليكم باختصار عندي الذكر (تومي) مو راضي يتقبل النثيه (جيجي) من عقب ما جبتها من صديقتي وكانت عندها تقريبا فوق الشهرين ولما جبتها قام يطقها وما يخليها تاكل معاهم والهواش مو طبيعي عادي القاها مجروحه او عاضها ومطلع دمها صارله على هالحال من شهر ديسمبر لي يومنا هذا وماني عارفه شنو الاسباب وتوني كنت امشط شعرها وخذيت من شعرها وحاولت اني اخليه يشم ريحتها ومن كثر ما اهو حاقد عليها وكارهها قام عضني وسحب الشعر من ايدي وانحاش فيه لما شافه انه مجرد شعر مو اهي اتركه فا يا ليت اتفيدوني شنو ممكن اتكون الاسباب واشلون اخليه يرد يتعود عليها مع العلم اهي اللي مربيته من كان صغير والحين ما يبيها نهائي |
رد: يا ليت الكل يتفاعل مع موضوعي بليييز
شوفي اختي انا ابقولك الحين النثية الصغيره طلعيها من الغرفه اللي هي فيه وابعديها عن الانثى وخلي الذكر يجلس بمكانها بالغرفه هو راح يهدا وبيشم ريحتها وخليه على الحاله هذي اسبوع اعزليهم عن بعض وبعدين خذي فوطه وامسحيها فوق الانثى على ظهرها وبعدين روحي عند الذكر وامسحي الفوطة بالذكر وبعدها خليهم مع بعض وان شاء الله يتعودون لازم بالاول تعزلي الانثى عن الذكر على شان الذكر يتعود عليها
فهمتي |
رد: يا ليت الكل يتفاعل مع موضوعي بليييز
مشكور اخوي على مرورك واقتراحك بس للاسف ما فهمت شي
لان من الاساس النثيه اكبر من الذكر واهي الوحيده اللي ما يبيها وعندي غير جيجي 3 نثايا وعادي وضعه معاهم الا اهي ما يبيها من راحت عند الذكر الثاني فا ماكو قبول بالمره عالعموم يعطيك العافيه وننطر الاعضاء وان شاء الله ما يقصرون معاي |
رد: يا ليت الكل يتفاعل مع موضوعي بليييز
اي فرقيهم عن بعض لمدة اسبوع هذي بأختصار
|
رد: يا ليت الكل يتفاعل مع موضوعي بليييز
استني
جيجي كم عمرهآ وانتي اصلا بتزوجيهآ بالذكر ولا كيف ؟ ! |
رد: يا ليت الكل يتفاعل مع موضوعي بليييز
هلا اخوي مبارك بالنسبه حق كلامك اهما اساس مفرقين وخالصين
لان جيجي مو قادره تنزل من فوق الثلاجه او اي مكان مرتفع من كثر ما اهي خايفه من تومي وهم تومي كذلك ما يبيها تنزل واذا نزلت على طول يطقها ما يعطيها مجال تتحرك وصارلهم من شهر ديسمبر ولي يومنا هذا فا اشلون تبيني افرقهم وانا عارفه ان ما راح يتغير شي عليه راح يظل يطقها بس شنو السبب هذا اللي محيرني بنكي جيجي عمرها تقريبا سنتين وجم شهر اهي اكبر منه بوايد وانا كنت مفكره اني اخليهم يتزاوجون بس مو راضين يتقبلون بعض فا اضطريت اني وديها عند صديقتي لي مدة شهرين كاملين ولما رجعتها صار الوضع معاهم مختلف يا ليت الافاده بليييز |
رد: يا ليت الكل يتفاعل مع موضوعي بليييز
عشوقه اسمعت عن دوا بيوصفه لك الدكتور ليخلي الذكر يقبل بوجودها
دوا بتعطيه اياه لفتره بسيطه وهوه بيقولك كيف كمان اتخليهم يتعودوا علي بعض |
رد: يا ليت الكل يتفاعل مع موضوعي بليييز
والله حبيبتي مآدرري طيب يمكن عشان الأنثى اكبرر من الولد مآ تقبلهآ ؟
|
رد: يا ليت الكل يتفاعل مع موضوعي بليييز
مشكورين على ردودكم وتفاعلكم
بس للاسف ما قدرت اسوي اي شي من اللي قلتوه وبالنسبه يا اخت بنكي العمر ما ياثر لانها كانت معاه فتره طويله واهي اللي ربته من صغره بس لما وديتها عند صديقتي تغير الوضع تماما يا ليت اتفيدوني اكثر او احد له تجربه من قبل |
| جميع الأوقات بتوقيت GMT +3. الساعة الآن 05:24 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو