|
ابي اشتري كاسكو فهل من مساعده
السلام عليكم ورحمه الله وبركاته
اخباركم ما شاء الله تبارك الرحمن دخلت المنتدى وحسيت اني استفد اكثير من نصائحكم وتوجيهاتكم لطيور انا احب الطيور وعندي من الطيور هو بلابيل ومينو المهم حبيت اشتري كاسكو بس ما ادري ولا اعرف شنهو اشتري كلمت واحد يصير نسيب صديقي يقول على انه يعرف للكاسكو قالي جيب 1500 ريال وجيب القفص حقك واجيب لك واحد بس انا ما ابي اخذ واحد وبس ابي فرخ وابي انا اعلمه واربيه عاد حبيت تعطوني من خبرتكم شنهو نوع واسم الكاسكو الي اشتريه وكيف اعرف الكاسكو انه زين ولا مو زين فأرجو انكم تفيديوني لان اسبوع الجاي بشتري واحد ولأول مره اشتري |
رد: ابي اشتري كاسكو فهل من مساعده
الي اعرف اخوي انك تاخذه عمره من 6 الى 8 شهور طبعاء الطير قدامك يبين ريشه شكله حركاته في القفص مثل الخروف لا جيت تشريه يبين الخروف التعبان والخروف الطيب هذا مثله قدام عين يبين والله يوفقك هذا الي اعرفه واعذرني اذا غلطت
|
رد: ابي اشتري كاسكو فهل من مساعده
نصييييحة لا تاخذ فرخ اقل من 6 شهور وتحسس عضمه صدره اذا كانت مبينه لا تاخذه وافتح منقاره لازم يكون خالي من الحبوب ويكون ريشه مكتمل ونظيف ومايكون في رطوبه ف ريشة ولا تحت اجنحته وعينه لامعه وفيها بريق ويكون نشيط ويتحرك ما انه يكون خامل
هذا اللي عندي وانتظر ردود الخبراء بس اهم شي لا تاخذ اقل من 6 شهور واختار نوع جمبو وت تتأكد ان اللي اخترته حمبو من بعيد شوي تبين عين الفرخ سودا كامل ومن قريب تبين سودا من النص محددة بالبني الغامق |
رد: ابي اشتري كاسكو فهل من مساعده
دامك مبتدئ ما انصحك تاخذ فرخ صغيير ..أقل شي خذ 7 شهووور...
ودامك تعرف نسيب صديقك خلاص رح معه وخله هو ينتقي لك... |
رد: ابي اشتري كاسكو فهل من مساعده
عزيزي قناص الاحساء اذا كنت تسكن في المنطقه الشرقيه عندك سوق القطيف وراح تلقى فروخ كثيره وانصحك تاخذ معك خبير اما اذا كنت في الرياض فبكره الجمعه ان شا الله تروح تلاقي المحلات مليانه والحراج مليان في حي العزيزيه سوق كبير والافريقي والامزوني متوفر بكثره ولله الحمد واسعارها في متناول الجميع موفق اخي |
رد: ابي اشتري كاسكو فهل من مساعده
الف شكر لكم وعلى تواجدكم
مشكورين وما قصرتو على هذي المعلومات واي معلومات ثانيه لا تبخلو علينا اقتباس:
سؤالي الثاني ....؟؟؟ طيب اخوي ابي اعرف كم قيمتهم ....؟؟؟ |
رد: ابي اشتري كاسكو فهل من مساعده
أكيد تقدر تعلمه 7 شهوور عمر ممتاز...
اما اسعاره...اليوم الجمعه رح للسوق وش كل شي...d |
| جميع الأوقات بتوقيت GMT +3. الساعة الآن 02:41 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو