|
الحقوووووني عااااااااجل ...... مصيبة
السلام عليكم ورحمة الله وبركاته يا أخوان عندي مصيبه وسؤالين لو سمحتم .... المصيبه : أخوي الصغير وأنا برا البيت روش نووور (ببغائي الأفريقي ) بزيت الزيتون وطلعه السطوح عشان يروح الزيت وقلب الطير المسكين أسوووووود لونه يخرع وروشته ثلاث مرات تفتح لونه شوي ولاكن باقي أسوووود واضح وش الحل ؟؟؟؟ السؤال (1) : انا يا أخوان روشته ثلاث أيام متتاليه وخليته اليوم وامس راحه لاكن لقيت حبتين حمراء طلعت في وجهه ( للأسف ما قدرت أنزل الصور ) ولاكن وش الحل ؟؟؟ السؤال (2) : الببغاء يقول بابا لاكن مهي مفهومه وهو للحين يقولها شهر كامل لاكن الكلمه مهي مفهومه إلى بالتركيز وصوته مره وااااطي يالله تسمعه ووش الحل تكفوون ساعدوني ؟؟؟؟ أرجوكم ساعدوني مهم للغاية .... & ولكم خالص شكري وتقديري & |
رد: الحقوووووني عااااااااجل ...... مصيبة
ترويش الطير مرة في الأسبوع كافية والزيت يحتاج لوقت حتى يروح و احذر أنك تستخدم صابون أو شامبو عشان تشيل الزيت
أنصحك تراجع بيطري بخصوص الحبوب الحمراء و تشوف تشخيصه للحاله و تطلب منه يعطيك مضاد حيوي بالنسبة للكلام حاول تعيد الكلمة عليه بوضوح و بصوت مرتفع الببغاء يعيد الكلام اللي سمعه منك بنفس الطريقة ربما كان تلقينك بصوت خافت و غير واضح |
رد: الحقوووووني عااااااااجل ...... مصيبة
من ناحيت الزيت انصحك تجيب بودره الاطفال التلك
وترشها بهدوء على ريش الطير بس انتبه للوجه لايجيه وخليه وقت ثم روشه بهدوء واهم شي يكون الجو دافي وسيدا وديه للدفايه واخوك هذا يبيله قرصه عشان مايقرب الطير وياخوي ماله داعي كثر الترويش والجو الحين متقلب ارحم الطير ياخوي والحبوب مدري وش سالفتها ياليت تصورها والطير الان في بدايت كلام مع التكرار راح يتعدل النطق بأذن الله بس انت ارحم حاله وانتبه له عشان ماتخسره للأبد وانتبه من اخوك الصغير وتجاربه |
رد: الحقوووووني عااااااااجل ...... مصيبة
الف الف الف شكر لكم يا أخوان بالنسبة للزيت: أنا باكتفي بالترويش وإن شاء الله يروح اللون الاسود وبالنسبة لنوور: الترويش ما يفرق معاه هادي مره لا ومع الزيت ينتظرني متى اروشه لان الزيت مره مضايقه وباالنسبه للحبوب: بوديه البيطري وإن شاء الله ما يقعد يجرب عليه هو بعد وأما الكلام: أنا من يوم بديت اللقنه كنت احاول ارفع صوتي مره والصق وجهي عند عينه عشان يعرف يقلد صح. أاما أخوي : بخلي نووور يعظه واحده ينسى اسمه معاها ونور المسكين كل ما يشوفني جيت يطلع فوق القفص على طول كانه يقوول الحقني من أخوك العله هذا أما بالنسبة لكم ::: :::: الله يوفقكم دنيا وأخره ويجزااكم جزيل الشكر والتوفيق :::: & ولكم خالص شكري وتقديري & |
| جميع الأوقات بتوقيت GMT +3. الساعة الآن 07:26 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو