منتديات تو زوو

منتديات تو زوو (http://www.2zoo.com/vb/index.php)
-   قسم هواة الكلاب (http://www.2zoo.com/vb/forumdisplay.php?f=26)
-   -   جوسي ...بت بول (http://www.2zoo.com/vb/showthread.php?t=14484)

SALEH ALMLK 20-11-2006 11:59 PM

جوسي ...بت بول
 
السلام عليكم ورحمة الله وبركاته


شخباركم شباب ان شاءالله مرتاحين

وشخبار جلابكم ..قوه ان شاءالله


هذي جوسي النوع بت بول ..عمرها تقريبا 7 اشهر .......واخليكم مع الصور..



الصوره الاولىhttp://www.9m.com/upload/21-11-2006/...8011656519.jpg [IMG]

الصوره الثانيهhttp://www.9m.com/upload/21-11-2006/...6011656628.jpg [IMG]


الصوره الثالثه.هذى انا مع اربيعتي ..هههههههههhttp://www.9m.com/upload/21-11-2006/...2011656728.jpg


والسموحه ..اخوكم (صالحي)


وارجـو من الاخو بت بول لفر والخبراء..تحديد نوعها ..لانه شبيه للبتابل .اخوناaea ....

بس هذي كبيره ...المشكله ما عندي لما كانت صغيره ولا الصوره بتشهد ..

ناصـر 21-11-2006 12:06 AM

رد: جوسي ...بت بول
 
حيـــاك أخوي صالحــــي ,

وما شاء الله طالعـــه حلـــوه , بـس عتبـان عليــــك أخوي !!

شكـلها حـلو بـس انـت حرام عليـك موب مهتـم فـ جسمها ولا عضلاتها !!

البت بول أحلى مافيــه لمـٌا يكون معــضّــل , بـس لو تهـتم فـيها من هالناحيــة راح تطـلع قمــــرر


وأعـذرني عـ الكلام بس حاب لك الزيـــــن :)

nevada 21-11-2006 12:18 AM

رد: جوسي ...بت بول
 
خوش كلب بس يبيله اهتمام اكبر
فياريت انك تهتم فيها اكثر وتابع المواضيع الموجودة بالقسم عن التغذية راح تفيدك...

بو راشد 21-11-2006 01:31 AM

رد: جوسي ...بت بول
 
وانا مع الاخوان :)

واللون رائع بصراحه وحتى المواري وخصوصا انها نثيه

تتربى في عزك ان شالله :)

pitbull-lover 21-11-2006 03:54 AM

رد: جوسي ...بت بول
 
بسم الله الرحمن الرحيم

والله يشرفني اني اعطيك رأيي ولو بعض الشباب ما يتقبلونه بروح رياضيه ...

اخوي نوع الكلبه الي عندك بتبول ما يبيلها واحد اثنين :) لووول ..

مشتري الكلبه انت من البحرين ؟؟ ..

بس يا ريت تسوي الي قالو عنه الشباب يعني عطها دراي فود الحين الشتاء عز البتابل تشوفه يصير من الدراي فود خروف من متنه :) ..

وجيب لك صديريه للبتبول و اعلمك حركه حلوه و سهله عشان تخلي عضلات رجلها على الاقل تنتفخ و حتى الذراع .. اخوي تعرف القول حق الكوره سوي مثله من خشب او حديد الي يكون و حط وزن 10 كيلو مربوط في جهه و ارمي الحبل فوق و نزله من الجهه الثانيه واربط الحبل بالصديريه من ورا و خليها تسحبها يعني حط قدامها قفص فيه ارنب او دجاج او قطو الي هو عشان تبي تجي تلحقه كحافز بس يخليها تتحرك لجهتك و تسحب الوزن كل يوم و بعد ما تخلص تمرين حاول تخليها تتحرك شوي يعني خليها تركض او خليها تتحرك و بعدها قربها و ابيك تسوي زي المساج يعني تحرك بأصابع يدك بس عضلات الكتف و الرجل و الصدر بس عشان تتأكد اذا فيها الم من التمرين او لا .... لا تسقيها ماي على طول حط لها شوية ماي خلها بس تملي ريقها ومن تشوفها خلصت ملاهث دخلها قفصها خلها تريح و قبل لا تروح انت تنام في الليل حط لها ماي بس :) ...

تقبل مني اجمل التحيات مع تمنياتي لك بالتوفيق ...

aea 21-11-2006 07:18 AM

رد: جوسي ...بت بول
 
ما شاء الله .. الله يبارك لك
بس ترى اخوي انا اللي عندي راسهم اكبر واعرض .. وانشاء الله باصورهم مرة ثانية وباحط صورهم عشان الصور اللي حاطها ماتبين هالشي ( لان نسلهم دكتور منغلا يتميز بكبر الراس وهم فيهم نفس الشبه واذا تبي تشوف البديغري لجدهم هذا هو الموقع

http://mfspitbull.com/pedigree1/prin...recordID=23393

وبالتوفيق
.........

! الـمـسـاعـد ! 21-11-2006 08:16 AM

رد: جوسي ...بت بول
 
انا مع الاخوان

وتتربي في عزك

عزوز 21-11-2006 02:24 PM

رد: جوسي ...بت بول
 
ياخوي ماضن انه بتبول

nasser 21-11-2006 02:44 PM

رد: جوسي ...بت بول
 
اخوي بوها وايد طويل . انت متأكد انها بيو . جلدها خلد بتبول لاكن راسها صغير و مفروض انه يكون عريض ..... الله يوفقك

فايز 21-11-2006 02:57 PM

رد: جوسي ...بت بول
 
الـسـلام عـلـيـكـم

اخوي الكلبه بت بول لاكن مو بيور يعني دشها عرق تقبل وجهت نظري...

مع السلامه تحياتي لك


جميع الأوقات بتوقيت GMT +3. الساعة الآن 01:21 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو