|
فضلا لا أمرا من وقتكم يا اخواني دقائق....
انا لي شاري الببغاء يومين والان من أسوأ لأسوأ اريد كسر الجعره من اول يوم قمت بفتح القفص ولف يدي بشرشف وشراب<<<< :12: حلوة الحركة والله من الخوف ههههه المهم طبعا الببغاء يهاجم الين يطفش واسير امسح على جسمه ولكن اصبحت اضعه على الاستاند ويطير ويصارخ لاشافني من بعيد اكثر من اول يوم اشتريته والله يصارخ بطريخه مجنونه حتى لو شاف احد من اخواني ازعجني ازعاج مو طبيعي رغم اني لانمت يطلع انواع التصفير وعندنا حوش بالبيت احاول اطلع القفص بالحوش يهاجم يدي عشان ما امسك القفص او ماشريته قبل امس لم يكن بهذه الحاله ارجو افادتي لانه مزعج بالحيل
|
رد: فضلا لا أمرا من وقتكم يا اخواني دقائق....
ههههههههههههه عاشق قسم بالله ضحكت من قلب
ترى اخوياك واجد وانا واحد منهم يعني لاتقسى على نفسك بالنسبه للخوف <<<<< خواااف موت واذا حنا الاوادم نسوي كذا من الخوف يعني نستكثر عليه يجعر ههههههه المهم ياطويل العمر مالك بالطويله اول شي مبروك الطير والجعره سلاح للطير لابعاد الاعداء فانت اذا جعر لاتستجيب لدفاعه هذا وحسسه انه اذا جعر او ماجعر ما راح تبعد عنه وبما ان الطير جديد خله اسبوع يتعرف على الناس ويشوف ويتمقل وانت بس تعال بشويش وغير الاكل والمويه يوميا وغير ارضية القفص ونضفها واذا جعر ولا كانه جعر كمل شغلك ولا تطالع فيه حتى هذي انا اعتبرها خطوه اولى ضروريه قبل البدأ باي عملية تدريب او محاوله تقديري |
رد: فضلا لا أمرا من وقتكم يا اخواني دقائق....
اخوي انت اللي جبتها لنفسك الطير كرهك وراح يكره اي رجال يقرب له
وهذا من تصرفك معه او ل مااشتريته وهو مسكه باالفوطه ومحاولت امساكه ابتدي معه صفحه جديده وخلي قفصه في مكان مرتفع باالصاله بحيث مستوا رفع القفص بمستوا راسك ولا تحاول تطلعه ولاشي وخلي ثابت لمدة شهر وزين بعد لو ينسى اللي سويته فيه واستمر بتغير الاكل له انت عشان يحبك وبعدها ابتدي التدريب وحنا معك |
رد: فضلا لا أمرا من وقتكم يا اخواني دقائق....
أخوي عاشق أنا حصلي مثلك بالضبط ..
لاكن يوم شفت الدعوه كذا دخلت المنتديات وبديت أقرأ عن طريقة التدريب أو الترويض .. وكان الكلام كله نفس كلام أخوي أكون وبندوله .. وأتبعت الطريقه الصحيحه واللحين ماشاء الله تبارك الله الطير توب توب .. أرجوأنك تتبع كلام الاخوه .. |
رد: فضلا لا أمرا من وقتكم يا اخواني دقائق....
يؤؤ نفس مشكلتي شرريت ببغآآئي من يوومين وررعب دووم يعضني :(
بس الحمدلله جعره خفييف ماينسمع خخخ وجآآري اتبآع طرق تدريبه من المنتدى وربي استفدت ^__^ ورآآح تستفييد منه أكييد وبعدين اصبرر عليه تو له يوومين تركه يتعوود ع الأجوآآء الجديدة :12: |
رد: فضلا لا أمرا من وقتكم يا اخواني دقائق....
اقتباس:
صدق من قال جا يبغ يكحلها عماها ما اقول غير يارب انو مايكرهني |
رد: فضلا لا أمرا من وقتكم يا اخواني دقائق....
اقتباس:
انت ابتدي معاه من اليوم لحد مايتعود عليكم وشوي شوي كل شي يظبط |
رد: فضلا لا أمرا من وقتكم يا اخواني دقائق....
اخواني ما قصروا معك
لكن بالاول و الاخير لازم يكون عندك صبر و لازم تصبر على الطير لما يتعود على البيت و اهله انا طيري ما تعودي على البيت الا بعد اسبوعين من شراءه انت استعجلت اهم شي في المربي الصبر ع عالعموم ان شاء الله اكون افدتوك و لو بفكرة بسيطة و بالنسبة للخوف مو بس انت خواف <<<<<<<<< ابو الشباب بقوة خواف اكره العض و اوسوس اخاف يصير للطير شي دايم تصير معي لكن ان شاء الله نفتك من الخوف |
رد: فضلا لا أمرا من وقتكم يا اخواني دقائق....
تسلمو اخواني جميعا على الردود
|
رد: فضلا لا أمرا من وقتكم يا اخواني دقائق....
عاشق ابونوره اصعب حاجه في تدريب الطيور لما الطير يفقد الثقه فيك
وخصوصا لما تكون في بداية مرحلة التدريب انت استعجلت بأنك طلعته في أول يوم مفروض خليته على الاقل 5 أيام ,عشان يتعود على المكان او بيئته الجديده حاول في هالفتره تعطي الطير طعامه فقط وبهدوء وتبعد عنه شوي شوي لين يهدى الخوف عنده , وبعدين أبدأ طبق طرق التدريب الموجوده في المواضيع المثبته اهم شي انك تصبر , وتحط نفسك مكان الطير طير مصيود وبطريقه وحشيه وسفر وتعب اكيد بيجعر لازم تكسب ثقته وتكون معاه علاقه قويه وكل هذا مايجي بسهوله بالتوفيق .. |
| جميع الأوقات بتوقيت GMT +3. الساعة الآن 11:33 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو