تكفون ياأهل الخبره ابي فزعتكم
 

السلام عليكم ورحمة الله وبركاته
ياأخون عندي كاسيوكو هولندي عمره شهرين
الطير كان يآكل من الأكل الي اعطيه عن طريق البره وكان يصوت عندما اكله
وشريته من واحد وصاني اكله بسكوت شاهي اخلطه مع الماء ليصبح مثل السريلاك
وكمان ازود عليه سيريلاك الخاص بالفراخ
وله يومين لاياكل الى بالقوه عن طريق فك الثم واحط الأكل لكي ياكل بالقوه
اما اذا حطيت ماء يجيني ويشرب ولايكاد يشبع من الماء يعني يطلب زياده وبكثره
لدرجة اني ابطل اعطيه اذا حسيت انه كثر في شرب الماء
وصار برازه اعزكم الله سائل مع شوي اخضر وابيض سائله
وكسول جدآ كل وقته نوم
رحت بالطير البيطري واعطاني دواء بودرة اسمه أموكسى تريل صناعه مصريه
اعطيته الدواء مع الأكل والماء من يوم ونصف لاكن لم اجد تحسن يذكر
افيدوني ماهو الحل الفعال بعد الله سبحانه في الشفاء السريع ومانوع المرض المصاب به

رد: تكفون ياأهل الخبره ابي فزعتكم
 

أنا ماعندي خبرة بالفروخ

بس امكن يبغى يفطم
جرب تعطيه أكل قاسي وشوف

على فكرة أعتقد انه الدوا اللي أعطاك هو البيطري عبارة عن مضاد حيوي
وطيرك ما يحتاجه الآن
بس كمل الفترة اللي قلك عليها ووقفه أول ما تشوف أي تغير

رد: تكفون ياأهل الخبره ابي فزعتكم
 

يعطيك العافيه اخوي
ولاهنت على ايضاحك

رد: تكفون ياأهل الخبره ابي فزعتكم
 

السلام عليكم
اولا البسكويت مع الماء لا تعطي ابدا لانه في سكر وهو صغير بعده ويمكن مرض

رد: تكفون ياأهل الخبره ابي فزعتكم
 

علشان كثرت من الاكل بس نصيحتي لك انك تشري واحد كبير شوي لان الفروخ تحتاج عناية كبيرة وتمرض بسرعة وانا كان عندي واحد فرخ صار له نفس اللي عندك بعدين مات

رد: تكفون ياأهل الخبره ابي فزعتكم
 

لاهنت اخوي على المعلومه
وبيض الله وجهك
والظاهر ان الي عندي مودع بيلحق الي كان عندك

رد: تكفون ياأهل الخبره ابي فزعتكم
 

وقف المضاد الحيوي فورا ...

وحطه في مكان داااافي

وياليت لو تشوف له بيطري ممتاز غير الأول
ألحق الطير قبل ما يروح

رد: تكفون ياأهل الخبره ابي فزعتكم
 

والله ياخوي مايخفى عليك ان عندنا البيطري
ابو المضادات كل مارحت بطير عنده قال مضاد
من دون مايعرف العله وشي ومن دون فحص على طول نظره منه في الطير اعطاك علاج
وكلها مضادات صحيح المضاد مهم لاكن نبي علاج لنفس المرض
يعني بالعربي ماعنك احد تقول عليه بسم الله