|
واسوني ماتت قطوتي
بكيت بكيت لحد ماصغرت عيوني من البكي
ماتت قطوتي اليوم والله فقدتها اشوف أغرضها وأرجع أبكي توني شاريتها ......... ب1700 وجلست معاي كم يوم وبعدين تعبت ماسارت تمشي ولا تأكل الا شوي وكله نايمه وديتها للبيطري ........ جلست عندهم 14 يوم واتصلو على أخوي اليوم قالو انها ماتت خبرني أخوي والله ماصدقتة لانه كل يوم يقولي انها ماتت يلعب علي لحد ماحلف لي انه صادق وبكيت من قلبي ورحت اتصل على المحل أسالهم وش سبب الوفاة قال البيطري مدري هاوشته وقلت أنتم المسؤلين عنها كذا فجأه تروح مني بكل برود قال كلنا راح نموت أكتب لكم مأساتي ودموعي على خدي أدعوا لي ربي يصبرني ويعوضني وينسيني حبيبة قلبي (ناز) |
رد: واسوني ماتت قطوتي
:: ياااقلبي آنتي ,, توي راده على موضوعك بسؤال وجواب :( القطوه ماطولت عندك آكيد من آخذتيها فيها عله ومريضه !! الله يجازيهم هالمحلات غش بغش الا من رحم ربي علشان كذا دايم نقولكم آشتروا من النت آضمن وآفضل ماعليه ياقلبي الحياه تجارب وكلنا فقدنا قطط غاليه علينا وعاشت معانا عمر ,, وآنا منهم فقدت قطوه عاشت معاي 3 سنوات قلبي كان متعلق فيها بشكل ماتتصورينه والى الآن ماقدرت آحب وآتعلق بغيرها .. فـ آيش آهون كم يوم آو 3 سنوات !! الله يصبرك ويعوضك خيرر وقطوه آحسن منها آن شاءالله وآن قدرتي لاتسكتين عن حقك وخذي تعويض من المحل :( :: |
رد: واسوني ماتت قطوتي
مشكور ياقلبي شفت ردك في سؤال وجواب
أقدر آخذ تعويض يعني لو طالبت بحقي مايرفضون اللي عنده معلومه عن التعويض يقول لي ضايقه بي الدنيا |
رد: واسوني ماتت قطوتي
حتى انا مات لي قط وجلس بس عندي اسبوع وبعدين تعب ومات عند البيطري
بس نصيحة لاتشتري الا من عند ناس تكون مثلا بستهم توها والدة ويبغون يصرفون اولادها انا كذا سويت .احسن لك اللة يقطعهم حقين المحلات والتجار ماعندهم الابساس مريضة .واللة يعوضك الحمدللة ماجلست فترة اطول عندك ولاكان ايش سويتي |
رد: واسوني ماتت قطوتي
روحي واقلبي المحل عليهم لأنهم عطوك بسه مريضه
حتى لو وصلت شرطه عادي |
رد: واسوني ماتت قطوتي
الله يعوضك خير .. مدري وش اقول ..
ان شاء الله فيها خيره .. يمكن لو جلست عندك راح تضرك سبحان الله ... اخذي لك جديده من ناس موثوقين ماراح تندمي |
رد: واسوني ماتت قطوتي
روحي للمحل اللي اخذتيها من عنده وقولي له اللي صار
وجيبي ورقه اثبات من البيطري اللي ماتت عنده ويكون فيها التاريخ اللي جبتيها له فيه عشان يكون دليل قاطع انها جتك مريضه ويرجعون لك المبلغ او يعطونك غيرها ومن رايي تاخذين المبلغ وتشترين من النت ............... |
رد: واسوني ماتت قطوتي
الله يصبرك ياقلبي ويعوضك بأخير منها
تصبري فديتك |
رد: واسوني ماتت قطوتي
ابغى اسئلك سؤال انتي كم عمر قطوتك
وهل سويتي له تعطيم بعد ماشريتيها من المحل ؟ |
رد: واسوني ماتت قطوتي
:(:(:(:( الله يعينك ويصبرك مابعرف ليش هالمحلات يكذبو على العالم ومايحكو شو فيهم البسس اصلا مافي اعتنا بهالمحلات لاللبسس ولا لغيرها الله لايوفقهم هيك ناس:( الله معك ويوفقك ويعوضك يارب :( |
| جميع الأوقات بتوقيت GMT +3. الساعة الآن 11:58 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو