|
هالشي طبيعي ولا ؟
السلام عليكم
قطقووطي صار له كم يوم مادري شفيه خاامل و دائما نايم و اكله صاير قليل عكس قبل كان حركي و يلعب و يشمخ هو عمره 5 شهور مادري هالشي طبيعي بسبب انه الجو تغير صار برد و لا اعراض مرض هذا :( |
رد: هالشي طبيعي ولا ؟
الحقووني ببيطري مضموون بالدمام
لاحظت عليه نفس اعراض الي كان عندي احتباس بالبول و ما تبرز اليوم الا مره وحده |
رد: هالشي طبيعي ولا ؟
. . هلا آختي آمساك آو آحتباس ؟! والقطط ماتتبرز الا مره وحده باليوم آو يوم ونص الا أذا كان معها آسهال آكثرر من مره !! والأحتباس له علامات آوليه مثل صعوبة بالتبول وبدم والم آو عدم التبول / عدم راحه وقلق واضحه على القط ولعق منطقة الأخراج بكثره / شرب المياه بكثره / أكتئاب وخمول وفقدان شهيه هل لاحظتي هالأشياء عليه ؟! وكان ضروري بمجرد ملاحظه الخمول وفقدان الشهيه تودينه البيطري مو تنتظرين عليه عـ العموم آن شاءآلله تكون المشكله بسيطه ومايكون آحتباس .. وشيكي على الخاص :) وطمنينا . . |
رد: هالشي طبيعي ولا ؟
مشكوره انو
والله ماني عارفه انا من جبته و هو يتبرز اكثر من 3 مرات باليوم و اليوم ماتبرز الا مره وحده فقط و بطنه منتفخ و احسه متنرفز :( و يحاول يتبرز مايقدر حتى يروح بزوايا البيت يعمل حركه و كانه بيخرج بس ما يخرج شي بس من شوي تبول الحمدالله بس ما تبرز لاحظت عليه اقتباس:
|
رد: هالشي طبيعي ولا ؟
طبيعي الخمول بالشتاء
عندك عيادة جده في الراكه بين الخبر و الدمام |
رد: هالشي طبيعي ولا ؟
العصر رحت الخبر ادور البيطري الي قلتي عليه
بس ما دليته و رجعت البيت لما رجعت شوي و قام ينوي و تبرز بعد ما تبرز رجع و ما كانه فيه شي ياكل عادي و يشرب و يتمشى بالبيت بس احس صوته متغير و لما يقعد على حضني احس انه مسخن عندي سؤال ادري طفشتكم معاي :( بس شسوي والله ماعندي خبره بتربية القطط عادي اعطيه خافض حراره للاطفال |
رد: هالشي طبيعي ولا ؟
هلا خيتو طيب ليه مارحتي لعادل ؟! المهم خيتوو قطوك شكله معاه آمساك ,, شفتي فضلاته وآنتي بكرامه صلبه ؟! وهل تبرز بصعوبه ؟! أحتياطاً سواء عنده آو لا آعطيه زيت زيتون بالسرنجه الصغيره 1 سي سي وآرتفاع الحراره عند القطط خمول / وفقدان شهيه ,, وآحياناً آستفراغ وآسهال وتعرفين أذا لمستي أذونه تحسينها حاره بزياده ,, آو حطيتي آصابعك عند خشمه تحسي آنفاسه نفس الشي حاره بزياده المهم روحي على المحل الأول اللي قلت لك عليه بالخاص ,, ومو مشكله لو حصلتي العامل خليه يقيس حرارته ويعطيه خافض لو يحتاج .. دايم هو اللي يعطي قطاوتي الأبر المضادات وخافض الحراره حتى هو اللي يطعمهم مره شاطر والخافض الحراره البشري مااينفع مره سألت البيطري عنه وقالي مايصلح للقطط مو كل الأدويه البشريه تناسبهم وطمنينا . . |
رد: هالشي طبيعي ولا ؟
و الحــــــــــــــــــــــــــــــــــــــل
كـاسر خاطري والله اخرج اول الامس شووي بس لما مسحت له زيت زيتون و شربته زيت زيتون وديته البارحه البيطري سوى له حقنه شرجيه و عطاه ابرا و عطاني بودره قال نص ملعقة شااي شي بسيط احطه في كوب ماء او حليب و اخليه يشرب منه بس لما رجعت البيت اقرا المكتوب على البودره مو مكتوب انه للقط مكتوب انه للابقار و الاحصنه و الجمال :confused: LAXA-SAV ANTACID, CARMINATIVE, DYSPEPSIA, APPETIZER & LAXATIVE COMPOSITION: Each 101 gm contains: Magnesium carbonate 90 gm Sodium carbonate 10 gm Nux Vomica 1 gm INDICATION: LAXA-SAV is indicated for loss of appetite, acid indigestion and grain overdose. It also recommended to stimulate ruminal motoric activity after digestive disorders. DOSAGE: Cows, Buffaloes, Horses, Camels]: To be given as drench by mixing ******* of one sachet in one liter of drinking water. Calves, Sheep, Goats: Mix 40 gm of product with half liter dinking water and give as drench WITHDRAWAL: Not Applicable PACKING: . NOTE : STORAGE: Store in a cool, dry & dark place at below 30°C. Keep out of reach of children WARNING: LAXA-SAV should not be given to the animals having strychnine poisoning شسوي للحين ما يخرج و مابغى ارجعه للبيطري يقول اذا ما اخرج يصير عنده تسمم لا سمح الله قالي ارجعه اذا ما اخرج عشان يسوي له مثل غسيل معده مابغى اتعب القطو يصير اشتري له مسهل من الصيدليه البشريه و اعطيه اياه هو عادي يتحرك و يشرب و ياكل بس ما اعطيه اكل كثير لانه ما يقدر يخرج مابغى احشر بطنه صرت اعطيه تونه مع زيت و كووسا |
رد: هالشي طبيعي ولا ؟
صــاير يرتجف اليووم مع انه الجو مو بارد مره و مدفتنه :(
|
رد: هالشي طبيعي ولا ؟
آنتي متأكده بجد آنه معه مشكله ؟!!!! ترى آحياناً لما تمرين بتجربه وتفقدين قطو بسبب مرض توسوسين آن البقيه يعانون من نفس الشي وهذا دايم يحصل معاي .. طيب هل البيطري مسك بطنه وحس آنه متحجر وماسك ؟!! آو على طوول آعطاك العلاج بالنسبه للعلاج ماعندي علم فيه وهل ينفع نعطيه للقطط ولا لا آنا آفضل المليانات الطبيعيه مثل التونه والحليب البارد وزيت الزيتون وزيت الخروع الشراب والكوسه والقرع والشوفان والتوست الأبيض منقوع بمويه دافيه .. وهيك شغلات وآن آشتدت الحاله يكون العلاج البيطري هو الحل .. و آن كان فعلاً معاه إمساك وتكرر عـ طول يعني عنده مشكله آما بالأكل كان ناشف وماعنده كمية مياه وهذي آستبعدها من كلامك آنك تعطيه كوسه وزيت زيتون .. وفيه آسباب مرضيه آشد للأمساك مثل ؛ إضطربات الجهاز الهضمي / إضطربات عصبيه / الأورام / تشوه الأمعاء / إبتلاع آجسام صغيره مسببه إعاقه أو آنحشار للهير بول / وأخيراً قلة النشاط والسمنه .. بالنسبه للملين البشري سبق سألت البيطري وقلت له آبي ملين بشري آستخدمه على قطوتي لأن معها آمساك مزمن كل اللي وصف لي هو زيت الخروع شراب من الصيدليه البشريه آعطيها مقدار 1 سي سي حتى تخرج وجاب نتيجه معاها .. وطمنينا . . |
| جميع الأوقات بتوقيت GMT +3. الساعة الآن 11:07 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو