منتديات تو زوو - أوعدك ما انساك يالغالي

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - أوعدك ما انساك يالغالي (http://www.2zoo.com/vb/showthread.php?t=129941)

أوعدك ما انساك يالغالي

السلام عليكم ورحمة الله وبركاته

اشتريت بغبغاء من 3 شهور من سوق الميناء في ابوظبي
لكن طار عني اليوم وماتتخيلون الدموع والبكا والصياح الي صحته والمناحة الي سويتها واعرف انه المدة قصيرة لكن والله نفسيتي تعبانه عالاخر وماوقفت الدموع من غلاته ولأني كنت دايم الدوم وياه وماتوقعته يطير مع اني قصيت الجناح لكن شكله طول وما انتبهت
ودورت عليه في كل مكان في المنطقة مب معقولة طار هالبعد لكن ماعرف وين راح
والله اني اكتب هالموضوع وانا ادمع واعرف معظمكم يقول الا هو طير ولا في غيره لكن ها كان وايد عزيز وغالي على قلبي وايد فوق ماتتصورون واعرف انه يمكن 10% او اقل انه يرجع لأني ماكنت معودتنه يطلع من البيت او احطه برا البيت وايد .. وطبعا منو يحصل افريقي وماياخده ..
عالعموم كتبت اشتركت في هالمنتدى وكتبت هالموضوع بس من غلاته ومن كثر ما اشتقتله واتمنى تدعون يرجعلي واحصله .. طار مني في منطقة الخالدية .. ووايد ناس قالولي فدوة لي وعسى الله يعوضني لكن البداية صعب انسى لأني اتذكر مكان القفص وصوته في البيت ويوم أحس بضيق او ملل اروح اقعد عنده ..
" عسى ان قلبك عند ناسن يراعونه ياطيري"
والسموحة طولت واشكر كل من خد من وقته وقرأ موضوعي .. فداعة الله

[IMG]http://up1.pc4up.com/2009/10/dTa83843.jpg[/IMG]

[IMG]http://up1.pc4up.com/2009/10/ZxX83843.jpg[/IMG]

[IMG]http://up1.pc4up.com/2009/10/jQA83843.jpg[/IMG]

[IMG]http://up1.pc4up.com/2009/10/Hzg83843.jpg[/IMG]

[IMG]http://up1.pc4up.com/2009/10/WNk83843.jpg[/IMG]

أوعدك ما انساك يا الغالي