منتديات تو زوو - توتـه .. =(

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - توتـه .. =( (http://www.2zoo.com/vb/showthread.php?t=128516)

توتـه .. =(

السلام عليكم ..

أدري غاثتكم هاليومين بس والله من اللي فيني ..
كنت مسافره ويوم رجعت من السفر لقيت توته نحفانه وشعرها بس يطيح بطريقه غريبه وصارت لنا ظروف في البيت وخالتي حامل ومقيمه في بيتنا وبتقعد عندنا لين تولد والبيبي بتصير عندنا بعد .. وطبعاً كلهم خايفين على بنت خالتي لين اتيي إن توته تضرها ولا تمرّضها ويحاولون معاي إني أوديها ! وأنا طبعاً رافضه الموضوع تماماً وسويت لهم مناحات وحاله ..
إللي قاهرني إنهم يفتون وإهما مايدرون شسالفه ..! يعني لو واحد فاهم ويقرا وإيي يقولي إن توته مو زينه تسوي عقم ومادري شنو باتقبل الموضوع .. بس عن جهل ويفتون ع الفاضي أقولهم مافيها شي صاحيه ! وكأني أكلم جدار ..
المهم في هاي كله إني خايفه عليها .. وبارجع أسافر باجر في الليل إن شاء الله لأني ادرس برا ووايد أحاتيها .. لأنهم ناوين يحبسونها في حجره وماتنزل للصاله أبداً وطبعاً بيخافون يلعبون معاها ولا شي بسبب شعرها اللي يطيح والأمراض الوهميه إللي إهما مقتنعين فيها .. فـ خايفه تقعد بروحها فتره طويله وتصير متوحشه ولا إتييها حاله نفسيه ..
وإهيا أوريدي تعبانه نفسيتها ودايماً خالاتي يخوفونها ومحد صاير يلعب معاها ! رافعين ضغطي ودي أوديها معاي بس مو عارفه شنو لازم أسوي وأبوي يقول لازم يحطونها في الحجر 6 شهور ..! وبعدين حتى لو مافي هالحجر الطياره سبع ساعات أخاف عليها والسكن في الجامعه مايرضون يكون عندي حيوانات ..
المهم الحين في الموضوع أبي إقتراحاتكم .. أبي حل حلو ومناسب لجميع الأطراف .. وبليز لاحد يقول وديها لأن هالقطوه روحي فيها ولا أقدر أوديها وأحس ذنبها لو أحد أذاها في رقبتي ..
أنا شريت طير قلت أخلي القفص في الحجره معاها ع الأقل حسه في الحجره إهوا والتلفزيون .. قلت أشتري قطوه صغيره بس أخاف أهلي مايوافقون لأن إهيا ويبتها بطلعة الروح ..

بليز إللي عنده حل لا يبخل علي وع الأقل إدعو إن الله يحفظها لأني كنت مسافره متطمنه آخر مره بس هالمره بقعد أحاتيها ..

أدري طولت عليكم بس والله من الحره إللي فيني !

رد: توتـه .. =(

إذا كانوا يعطونها الاكل و الشرب و هي في الغرفه الحمد لله نعمه , اما عن تسليتها جيبي لها ارنب لان القطط تحب الارانب و بنفس الوقت الارانب ما تخاف من البسس < عن تجربتي

ان شاء الله الاعضاء يكون عندهم حل افضل

رد: توتـه .. =(

والله مآدري شقولك .. الله يعينك على هالمشكلهـ ’’

وأحـسن حل انك تآخذين القطوهـ معآك او تحآولين مع تكلمين سكن الجآمعه يرآعون ظروفك، ’’

لأني مأ أأيد انك تخلين القطوهـ عند اهلك لأنه بأي وقت ممكن يطلعونهآ ,,

فشوفي المنآسب وسويهـ ,, والله يكون معآك قلبوو

رد: توتـه .. =(

اقتباس:

المشاركة الأصلية كتبت بواسطة amal117 (المشاركة 1140815)

السلام عليكم ..

أدري غاثتكم هاليومين بس والله من اللي فيني ..
نحن موجدين في أي وقت
كنت مسافره ويوم رجعت من السفر لقيت توته نحفانه وشعرها بس يطيح بطريقه غريبه
وصارت لنا ظروف في البيت وخالتي حامل ومقيمه في بيتنا وبتقعد عندنا لين تولد والبيبي بتصير
عندنا بعد .. وطبعاً كلهم خايفين على بنت خالتي لين اتيي إن توته تضرها ولا تمرّضها ويحاولون معاي إني أوديها ! وأنا طبعاً رافضه الموضوع تماماً وسويت لهم مناحات وحاله ..
إللي قاهرني إنهم يفتون وإهما مايدرون شسالفه ..! يعني لو واحد فاهم ويقرا وإيي يقولي إن توته مو زينه تسوي عقم ومادري شنو باتقبل الموضوع .. بس عن جهل ويفتون ع الفاضي أقولهم مافيها شي صاحيه ! وكأني أكلم جدار ..
أو فقك على كلامك وخبريهم أن القطط ما يسون عقم ل أمراة

المهم في هاي كله إني خايفه عليها .. وبارجع أسافر باجر في الليل إن شاء الله لأني ادرس برا

ووايد أحاتيها .. لأنهم ناوين يحبسونها في حجره وماتنزل للصاله أبداً وطبعاً بيخافون يلعبون معاها
زين حاولي تشوفين لو عندك حد من الجيران أو الاصدقاء

ولا شي بسبب شعرها اللي يطيح والأمراض الوهميه إللي إهما مقتنعين فيها .. فـ خايفه تقعد بروحها فتره طويله وتصير متوحشه ولا إتييها حاله نفسيه ..

وإهيا أوريدي تعبانه نفسيتها ودايماً خالاتي يخوفونها ومحد صاير يلعب معاها ! رافعين ضغطي ودي أوديها معاي بس مو عارفه شنو لازم أسوي وأبوي يقول لازم يحطونها في الحجر 6 شهور ..! وبعدين حتى لو مافي هالحجر الطياره سبع ساعات أخاف عليها والسكن في الجامعه مايرضون يكون عندي حيوانات ..
نعرف شروط سكن الجامعة
المهم الحين في الموضوع أبي إقتراحاتكم .. أبي حل حلو ومناسب لجميع الأطراف .. وبليز لاحد يقول وديها لأن هالقطوه روحي فيها ولا أقدر أوديها وأحس ذنبها لو أحد أذاها في رقبتي ..

أنا شريت طير قلت أخلي القفص في الحجره معاها ع الأقل حسه في الحجره إهوا والتلفزيون .. قلت أشتري قطوه صغيره بس أخاف أهلي مايوافقون لأن إهيا ويبتها بطلعة الروح ..

بشرط يكون القفص بعيد عنها

بليز إللي عنده حل لا يبخل علي وع الأقل إدعو إن الله يحفظها لأني كنت مسافره متطمنه آخر مره بس هالمره بقعد أحاتيها ..

أدري طولت عليكم بس والله من الحره إللي فيني !

عادي ما طولتي وان شاء الله تشوفين حل من اخواني و اخواتي الاعضاء و المشرفين

رد: توتـه .. =(

أيفا .. الوفا كله .. الأخطبوط ..

تسلمون على الرد يزاكم الله خير ..

لقيت أحد أحطها عنده إن شاء الله شهر لين أرجع من السفر آخذها ويارب يهتم فيها وباجر ان شالله بيي يجوفها وان شالله يرضى تتم عنده ..