|
ميشو محيرني
السلام عليكم ورحمة الله وبركاته
هذا سلمكم الله عندي ببغاء صغيرون لمن شريته من اسبوعين قالوا لي عمره من 3 الى 4 اشهر صوره بتوقيعي وانا احاول اغذيه بالمفيد والصحي قدر استطاعتي فواكه حضار بيض وغيرها وانوع له فنظامي كيف؟ وجبات السريلاك10ملم 5 الفجر 1 الظهر 6 المغرب 12 بالليل وماكان يرضا يكملها بس انا اجبره فواكة يوم وترك قطعة تفاح او اربع حبات عنب او قطعة كمثرى او بلح وغيرها خضار يوم وترك قطعة جزر او خيار او فلفل بارد بيض وبقسماط مره بالاسبوع وحبوب مشكلة متوفره اغلب الوقت بالقفص بالاضافة الى مضاد وفيتامين مره بالاسبوع اجل وين المشكلة؟ المشكلة انه صار لشاف ابره السريلاك يجن جنونه وده ياكلها اكل مايعطيني فرصة اوكله يهجم عليها مثل الجوعان الي كانه من ساااااعااااات ما أكل فكبرت المقدار من 10 ملم الى 15 ملم ونفس الشي يهجم على الابره فهل فيه مشكلة لو اكلته اكثر من 15 ملم وهل انا مجوعته ولازم اكثر له ؟ خايفه اغثه من الاكل ومو زين له وتراني ما عطيته ماي الا مره وشرب ... مكتفيه بماي الفواكه وماي السريلاك وجزاكم الله خيرا على مساعدتكم لي ولغيري |
رد: ميشو محيرني
وعليكم السلام ورحمه الله وبركاته
الطير ماشاء الله عليه صحته ممتازه وزايده وممكن تسبب له مرض لا سمح الله ولذلك في ميزان يباع صغير حق المقادير وانتي كذا ترتاحين وعاااده وزن الببغاء المثالي يكون 400-650 جرام ,, وعن قريب راح اضع موضوع عن وزن الببغاء. |
رد: ميشو محيرني
وهذه صوره كمثال للميزان ويزن الى 3000 جرام يعني الى 3 كيلو وسعره من امريكا 145$
http://www.2zoo.org/get-9-2009-2zoo_org_m32oyxlt.bmp |
رد: ميشو محيرني
احلى ميزان وستاند بنفس الوقت هههههههههههههه
الله يسعدك يارب ويحفظ لك طيورك من كل شر وجزاك الله خير على ردك وعلى موضوعك القادم ننتظره والف الف شكر عندي ميزان بالجرام بجرب اوزنه عليه |
رد: ميشو محيرني
ما شاء الله تبارك الله
ربي يبارك لك في فرخك أختي صوغة كانت عندي نفس مشكلتك مع ببغائي ميزوو,, لكني كنت أهرس الأكل وأعطيه اياه بالبرواز, أو إبرة السيرلاك,, تقدري تهرسي التفاح, أو البطاطس, أو تطحني شابورة برر, مع عسل, وماء وتعطيه المحلول بالإبرة,, ومع الوقت ما بيصير متعلق في البرواز مثل أول,, لأنه يحب السرلاك بسبب انه سهل الأكل, ولذيذ بالنسبة له,, حاولي تشتري من محلات الخضار (ذرة) أو حبش,, وتعلقيه له في القفص, حتى ياكل منه ويلعب فيه,, وبالنسبة للفواكة قطعيها قطع صغار, أو حتى اهرشيها, مثل التفاح والجزر وغيرها,, وبالنسبة لتعلقة الحالي في الإبرة, أنصحك تستغلي هذي النقطة في التدريب,, يعني مثلاً تخليه بعيد عنك, وتكوني انتي في آخر الغرفة وتناديه بكلمة معينة وبعدها تطلعي البرواز عشان يشوفه,, وقتها يصير يتعلم الكلمة هذي بسرعة, لأنها مرتبطه بشي يحبه وهو البرواز,, وان شاء الله ربي يطرح فيه البركة ويرضيك باللي تشوفينه منه ويحفظه لك,, تحياتي |
رد: ميشو محيرني
الله يسعدك اخوي سكر ويحفظ لك طيرك ياارب
وتسلم على النصائح المهمة والحمدلله انا طيري ياكل الاكل مو مهروس بس بعد يظل جوعان وحلوووة فكره تعليق الذرة اعجبتني وايد ههههههههه بسويها له وشفت لك فيديو كيف علمت طيرك كلمة تعال وهو يشوف ابره السريلاك ويجيك من اخر الممر سريع هههههه وطبقتها مع طيري ويجي مسكين مفجوع كانه اول مره بياكل .. الله يسعدك ويجزاك الف خير على نصائحك الي اكيد بتنفعنا كلنا الف شكر |
| جميع الأوقات بتوقيت GMT +3. الساعة الآن 10:07 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو