بشتري هامستر ياريت تفيدوني؟
 

السلام عليكم

كيفكم انشاء الله بخير

كل عام و انتم بخير


المهم انا بشتري هامستر

ايش احسن نوع؟؟


و كيف اولفه..؟؟

وهل عضه قوي؟؟


و ايش ممكن ياكل؟؟

و كيف البرد الحر ايش الي يضره؟؟

معليش طولت بس عشان اجيبه و اعرف كل شي

تحياتي لكم

رد: بشتري هامستر ياريت تفيدوني؟
 

احسن نوع
روسي

كيف تولفهامسكه كثير ولا تخوفه منك او تعوره وانت شايله
عضته مو قويه
ياكل بذور عباد الشمس والخس وفي اكل جاهز ينباع في المحلات

انت خليه في مكان معتدل البروده لا هو حار ولا هو بارد

ان شاء الله ما اكون قصرت معاك وكل عام وانت بخيروبالتوفيق

:freind:

رد: بشتري هامستر ياريت تفيدوني؟
 

شوفي هالموضوعين ان شاء الله بيفيدونك

http://www.2zoo.com/vb/showthread.php?t=121115

http://www.2zoo.com/vb/showthread.php?t=12329

ان شاء الله تجيب هامسترات و يتربون بعزك ان شاء الله .. =)

رد: بشتري هامستر ياريت تفيدوني؟
 

بالبدايه ما انصحك تشتري الهامستر الا لما تحس ان عندك الخبره الكافيه لهالشي لان هامسترات كثيره ماتت بسبب جهل الاعضاء بتربيتها



وبالنسبه لمستلزماته الاساسيه :-


1. قفص بحجم مناسب ويتوافر بأسعار متفاوته ومناسبه في الحديدي ويكون رخيص نوعا

ما وفي بلاستيكي وانا افضل هالنوعيه بصراحه


2. لازم يتوافر بالقفص عجله يركض فيها الهامستر وهاذي شغله ضروريه مو من الكماليات

لان الهامستر متعود يركض لألاف الكيلو مترات بحثا عن الطعام في الطبيعة واذا تجاهلتها راح يصاب

الهامستر بالسمنه الزائده ويفقد لياقته مما يؤثر عليه سلبا طبعا



3 . نشاره خشب واهي متوفره بسعر رمزي عندنا بالكويت الجيس الكبير بــ دينارين
ونص ..

حييل مفيده تمتص السوائل والروائح . تقدر تستبدلها بالجرايد بس ما تؤدي نفس الغرض

4 . صحن اكل بحجم مناسب .


5. وجود مشربه ماء تأكد انها ما تخر ( تنقط )


وبالنسبه للكماليات :-

كره هامستر يفتر فيها بالبيت من غير لا يزعج احد افضل ان تخليه يلعب فيها بمكان

بعيد عن الاثاث عشان يقدر ياخذ راحته باللعب
احتواء القفص على انفاق
اكل جاهز عشان تاخذلك راحه بين فتره لي فتره بدل ما تسوي لهم اكل كل يوم
كيف ننظف الهامستر و نزيل منه الروائح الكريهة؟؟؟

بالبدايه تقط النشاره القديمه بالقمامه وشيل كل الطعام القديم وحبيت انوه انك لازم تشيل الطعام القديم كل يوم عشان لا تتيمع الحشرات ... تاخذ فوطه مبلله بماء وتمسح فيها القفص (واحذرك من استخدام المواد المعقمه لانها مضره للهامستر كما انها تغيير من ريحه القفص الي يكون الهامستر متعود عليها) بعدها حط النشاره اليديده

و هــــل استطيع تحميمه بــالماء و الصابون؟؟؟

لا طبعا


و ادا عادي احممها كيف احممها؟؟؟



انت اهتم بنظافه قفصه ونظافه المكان حوله واهو يتكفل بتنظيف نفسه .. تقدر تستخدم حمام الرمل والطريقه تييب صندوق كبير مثل احواض السمك تقريبا وتعبيه رمل نظيف لين نصه وخلهم يلعبون فيه بالبدايه راح تلاحظ انهم خايفين من الرمل ومو عاجبهم مثل الي صار بهامستراتي بعدين راح يتعودون وبيستانسون ع الوضع


اتمنى اني أفدتك وبالتوفيق انشالله

رد: بشتري هامستر ياريت تفيدوني؟
 

ما فيه شي اسمه وش احسن نوع .. انت شف اللون وشف المميزات واختر الي يعجبكـ ..

وبعدين قبل ما تكتب موضوع رح للمواضيع المثبته :

http://www.2zoo.com/vb/showthread.php?t=12329

لان كل اجوبتك هنا .,!! ^^

رد: بشتري هامستر ياريت تفيدوني؟
 

ايش احسن نوع؟؟
الروسي

و كيف اولفه..؟؟
ماعر انا شريت الجوز اليف
وهل عضه قوي؟؟
لا مو قوي ولا اضعيف متوسط

و ايش ممكن ياكل؟؟
دوار الشمس و التفاح والخيار والجزر وينباع له اكل خاص عند محل الحيوانات
و كيف البرد الحر ايش الي يضره؟؟

كلها تضره يعني خله في محل معتدل البروده ويكون مو قدام المكيف

رد: بشتري هامستر ياريت تفيدوني؟
 

افاادوك ماقصرو

انا افضل الروسي

رد: بشتري هامستر ياريت تفيدوني؟
 

على رأي محب ه الحيوان
الروسي مايطلع ريحه

رد: بشتري هامستر ياريت تفيدوني؟
 

كل الهامسترات تطلع ريحه خصوصا الذكور وهاذا من تجربتي الشخصيه

اذا بتربي روسي احسلك لانه خفيف على القلب خخخخ بس خوااااف اذا بتمسكه يشررد

يحتاج وقت لين ما يالفك ويعض وايد

هاذيلا اللي عندي جي يسوون عاد انت اشتري وخبرنا