منتديات تو زوو - مشكله مالها اول ولا اخر

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - مشكله مالها اول ولا اخر (http://www.2zoo.com/vb/showthread.php?t=121191)

مشكله مالها اول ولا اخر

السلام عليكم

انا شخص اكره الحر وما اتحمل اعيش في مكان الحراره فيه مرتفعه غير لمى اكون مضطر مره مره وعندي قطه ما تعيش غير في مكان حار و صحراوي وتكره اي شي بارد.

درجه حراره غرفتي 15 درجه مئويه و المكيف شغال طول الاسبوع وما اطفيه غير لمى يجي وقت تنظيف غرفتي .... هذا الجو البارد الي في غرفتي يعطي خمول للقط و يصيبها بالكسل وممكن يمرضها لانها تخرج وتروح للمطبخ و المخزن الي فيها درجه الحراره توصل 30 درجه مئويه واحيان تكره اي احد يخرجها من المطبخ لان الجو هناك حار وعاجبها اكثر من غرفتي ... انا اخليها على راحتها لاكن احيان تجيني الغرفه و ينصك الباب عليها و ما تقدر ترجع للمطبخ او المخزن هنا المشكله تقعد تندس خلف اي شي حار مثل التلفزيون او مراوح البلاي ستيشن او مراوح الحاسب او تجيني وانا نايم و تدخل جوى البطانيه الي انا متلحفها عشان تدفى في البطانيه.

حاولت بكل الطرق اني احل الموضوع واعتمد على نفسي خلال الشهرين الي فاتوا لاكن صارت عندي مشاكل اكثر في هاذي الاسبوعين وممكن في طريقه خطاء اتبعتها في حل الموضوع ... و تضاعف الامر وكبرت المشكله اكثر واكثر

1- ارتفعت درجه حراره القط وصارت عنده سخونه و زكمه و غمص بعيونه
2- انسدت شهيته عن الاكل وصار اكله ادويه و علاجات وابر و مغذيات
3- ضعف عام في جسمه و فقد الوزن لاكن مع هذا يتحرك و يلعب متى ما حس بالعافيه الحمدالله
4- انا مرضت وارتفعت عندي الحراره لاني صرت اسكر المكيف او اخفض درجه بروده المكيف عشان ما يضر القط الي يشاركني الغرفه
5- انسدت شهيتي عن الاكل وصرت اشرب السؤائل بكثره بسبب الحر الي اعيشه
6- ادمنت على الادويه و البنادول الي ما احب ريحتهم

اش الحل النموذجي الي اتبعه عشان ما اضر نفسي وما اضر المخلوق الضعيف الي يعتمد علي بكل شي ... والله بعد ما مرضت الاسبوع هذا صرت احزن عليه اكثر من نفسي وخصوصا اني ما اتحملت السخونه فكيف هو المسكين الي صار متعود على السخونه بسببي وكل يوم وهو في العياده ياخذ ابر و مغذيات بسببي كمان

تكفون لا تبخلون علي بالمساعده